រាជធានីភ្នំពេញ ៖ ក្រសួងសាធារណការ និងដឹកជញ្ជួនបានប្រកាសឲ្យដឹងថាកាល បរិច្ឆេទគ្រោងបើកដំណើរការឡើងវិញ ស្ពានមិត្តភាពកម្ពុជា-ជប៉ុន (ជ្រោយចង្វារទី១) ក្រោមអធិបតីភាពដ៏ខ្ពង់ខ្ពស់របស់ សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។
ក្រសួងសាធារណការ និងដឹកជញ្ជួនបានបញ្ជាក់ថាការជួសជុលស្ពានមិត្តភាពកម្ពុជា-ជប៉ុន សម្រេចបាន៩៧%ហើយ និងគ្រោងបើកឱ្យដំណើរ ការនៅមុនបុណ្យចូលឆ្នាំខ្មែរខាងមុខនេះ ។ ជាក់ស្តែងកាលពីថ្ងៃទី៦ ខែមីនា ឆ្នាំ២០១៩ លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញចុះពិនិត្យមើលវឌ្ឍនភាព នៃការជួសជុលស្ពានមិត្តភាពកម្ពុជា-ជប៉ុន (ជ្រោយចង្វារ) ដោយមានការចូលរួមពីមន្ត្រីក្រសួង តំណាងក្រុមហ៊ុនជួសជុលសាងសង់ និងក្រុមហ៊ុនត្រួតពិនិត្យលក្ខណបច្ចេកទេស។
សូមបញ្ជាក់ថា ស្ពានជ្រោយចង្វារទី ១ នេះ គឺមានប្រវែង ៩៧១មែត្រ និងទទឹង១៣ម៉ែត្រ ស្ថិតនៅតាមបណ្តោយផ្លូវជាតិលេខ ៦A ក្នុងភូមិសាស្ត្រទឹកដី រាជធានីភ្នំពេញ ត្រូវបានសាងសង់ និងសម្ភោធឱ្យប្រើប្រាស់ក្នុងឆ្នាំ១៩៦៣ ក្រោមហិរញ្ញប្បទានឥត សំណងរបស់ប្រទេសជប៉ុន។ ស្ពាននេះត្រូវបានខូចខាតដោយសង្គ្រាមស៊ីវិលនៅកម្ពុជា និងត្រូវបានសាង សង់ឡើងវិញនៅឆ្នាំ១៩៩២ ដោយប្រទេសជប៉ុន ហើយត្រូវបានប្តូរឈ្មោះទៅជាស្ពានមិត្តភាពកម្ពុជា-ជប៉ុន ដោយព្រះមហាវិរៈក្សត្រ សម្ដេចព្រះបាទព្រះបរមរតនកោដ្ឋ នរោត្ដម សីហនុ។
ដោយសារស្ពាននេះមានអាយុកាលដ៏ចំណាស់ហើយស្របពេលកំណើនសេដ្ឋកិច្ច និងរំហូរចរាចរណ៍ កើនឡើងជាលំដាប់ ស្ពាននេះតម្រូវឱ្យមានការជួសជុលឡើងវិញជាបន្ទាន់ ដោយចំណាយថវិកាអស់ប្រមាណ ៣០លានដុល្លារអាមេរិក ក្រោមជំនួយហិរញ្ញប្បទានឥតសំណងរបស់រដ្ឋាភិបាលជប៉ុន ដែលបានចាប់ផ្តើមបើកការដ្ឋានសាងសង់នៅថ្ងៃទី១៥ ខែកញ្ញា ឆ្នាំ២០១៧ និងគម្រោងបញ្ចប់នៅថ្ងៃទី១៤ ខែមិថុនា ឆ្នាំ២០១៩។ គិតរហូតមកដល់ពេលនេះ ការងារស្តារ និងជួសជុលស្ពាននេះឡើងវិញសម្រេចបាន៩៧% ហើយ និងគ្រោងបើកឱ្យដំណើរការនៅមុនបុណ្យចូលឆ្នាំថ្មីប្រពៃណីជាតិខ្មែរខាងមុខនេះ។
នកស្រី លាង អ៊ីម ដែលជាប្រជាពលរដ្ឋមួយរូបនៅក្រុងភ្នំពេញបានលើកឡើងថាសម្រាប់រូបអ្នកនាងផ្ទាល់និងប្រជាពលរដ្ឋខ្មែរដែលត្រូវធ្វើដំណើរទៅស្រុកកំណើតនាឱកាសបុណ្យចូលឆ្នាំប្រពៃណីជាតិខ្មែរពិតជាត្រេកអរខ្លាំងណាស់ បើសិនជាស្ពានជ្រោយចង្វារទី ១ បើកឲ្យដំណើរការមុនចូលឆ្នាំខ្មែរ ព្រោះអ្នកនាងជឿថាវានឹងជួយកាត់បន្ថយការកកស្ទះចរាចរណ៍បានច្រើន។អ្នកនាង បានលើកឡើងថា «បើសិនជាស្ពានជ្រោយចង្វាទី១ ដែលកំពុងជួសជុលដោយអ្នកជំនាញការជប៉ុនបញ្ចប់ឆាប់ៗនិងអាចឲ្យដំណើរការចរាចរណ៍មុនចូលឆ្នាំខ្មែរ ពិតជារឿងល្អណាស់ ព្រោះខ្ញុំធ្លាប់ជួបប្រទះការកកស្ទះចរាចរណ៍រាប់ម៉ោងនៅរង្វង់មូលស្ពានជ្រោយចង្វារកាលពីពេលបុណ្យភ្ជុំបិណ្ឌ ។ ខ្ញុំជឿថាបើស្ពានជ្រោយចង្វាទាំងពីរ អាចបើកបរបាន នោះនឹងជួយសម្រួលដល់ការកកស្ទះចរារចរណ៍ពេលពលរដ្ឋសម្រុកចេញទៅបណ្តាខេត្តនានាពេលចូលឆ្នាំខ្មែរខាងមុខ » ៕
នកនាង បានលើកឡើងថា «បើសិនជាស្ពានជ្រោយចង្វាទី១ ដែលកំពុងជួសជុលដោយអ្នកជំនាញការជប៉ុនបញ្ចប់ឆាប់ៗនិងអាចឲ្យដំណើរការចរាចរណ៍មុនចូលឆ្នាំខ្មែរ ពិតជារឿងល្អណាស់ ព្រោះខ្ញុំធ្លាប់ជួបប្រទះការកកស្ទះចរាចរណ៍រាប់ម៉ោងនៅរង្វង់មូលស្ពានជ្រោយចង្វារកាលពីពេលបុណ្យភ្ជុំបិណ្ឌ ។ ខ្ញុំជឿថាបើស្ពានជ្រោយចង្វាទាំងពីរ អាចបើកបរបាន នោះនឹងជួយសម្រួលដល់ការកកស្ទះចរារចរណ៍ពេលពលរដ្ឋសម្រុកចេញទៅបណ្តាខេត្តនានាពេលចូលឆ្នាំខ្មែរខាងមុខ » ៕
ចែករំលែកព័តមាននេះ