រាជធានី​ភ្នំពេញ​៖ ថ្មី​ៗ​នេះ ក្រុមហ៊ុន DKSH Cambodia ទទួល​បាន​ពានរង្វាន់​«Cambodia Best Employer Brand Awards 2019» ជា​ពាន​កិត្តិយស​ដែល​ក្រុមហ៊ុន​បាន​គោរព​ដល់​ដំណើរការ គោលការណ៍ សកម្មភាព​ផ្សេង​ៗ បរិយាកាស​ការងារ និង​ឱកាស​នៅ​ក្នុង​អាជីព​ការងារ​។

ក្រុមហ៊ុន DKSH Cambodia គឺជា​ក្រុមហ៊ុន​ផ្តល់​សេវាកម្ម​ពង្រីក​ទីផ្សារ​ឈានមុខ​គេ ក្នុង​ការ​ជួយ​ដល់​ដៃគូ​អាជីវកម្ម​ដែល​ចង់​ពង្រីក​អាជីវកម្ម​របស់​ខ្លួន​នៅ​ក្នុង​ប្រទេស​កម្ពុជា បាន​ទទួល​ពានរង្វាន់ Cambodia Best employer brand awards 2019 ដែល​ត្រូវ​បាន​រៀបចំ​ឡើង​ដោយ​ក្រុមហ៊ុន World HRD Congress និង Star of the Industry Group ។

ពានរង្វាន់​ដែល​ក្រុមហ៊ុន​ទទួល​បាន​នេះ ត្រូវ​បាន​ជ្រើសរើស​ពី​ក្រុមហ៊ុន​ចំនួន ២៥ នៅ​ក្នុង​ប្រទេស​កម្ពុជា​។ នេះ​គឺជា​លើក​ដំបូង​ហើយ​ក៏​ជា​សមិទ្ធផល​មួយ​ដ៏​អស្ចារ្យ​ដែរ​សម្រាប់ ក្រុមហ៊ុន DKSH Cambodia ដែល​​ត្រូវ​បាន​ទទួលស្គាល់​ដោយ​ស្ថាប័ន​អន្តរជាតិ​។ ក្រុមហ៊ុន DKSH ជា​ក្រុមហ៊ុន​តែ​មួយ​គត់​ដែល​ទទួល​បាន​ទាំង​ពានរង្វាន់ និង​វិញ្ញាបនបត្រ​ក្នុង​ចំណោម ៨ ក្រុមហ៊ុន​ដែល​ទទួល​បាន​វិញ្ញាបនបត្រ​។ ពានរង្វាន់​នេះ បង្ហាញ​ពី​កម្រិតស្តង់ដា​ខ្ពស់​របស់​ក្រុមហ៊ុន​ទាក់ទង​ទៅ​នឹង​បរិយាកាស​ការងារ និង​ដំណើរការ គោល​ការណ៍​ដែល​ត្រូវ​អនុវត្ត សកម្មភាព​របស់​និយោជក និង​និយោជិត និង​ឱកាស​នៅ​ក្នុង​អាជីព​ការងារ​។

នៅ​ឆ្នាំ​២០១៨ ក្រុមហ៊ុន DKSH Cambodia បាន​ផ្តួចផ្តើម​កម្មវិធី សកម្មភាព​ទាក់ទង​នឹង​បុគ្គលិក​ជា​ច្រើន​នៅ​ក្នុង​បរិវេណ​ការងារ ហើយ​សកម្មភាព​ទាំងនេះ​បាន​បង្កើន​ការ​សហការ និង​មានការ​កោតសរសើរ​យ៉ាង​ខ្លាំង​ពី​សំណាក់​បុគ្គលិក​។ DKSH បាន​បង្ហាញ​អំពី​អត្ថប្រយោជន៍​ជា​ច្រើន​នៅ​ពេល​ក្លាយជា​និយោ​ជិត របស់​ក្រុមហ៊ុន DKSH ទៅ​កាន់​សាធារណជន សិស្សានុសិស្ស និង​អ្នក​ដែល​ស្វែងរក​ការងារ តាម​រយៈ​សកម្មភាព​សាធារណៈ ឬ​ពិព័រណ៍​ខាងក្រៅ​នានា​ផង​ដែរ​។

លោក យ៉ង់ ណា​វុ​ធ នាយក​ប្រចាំ​ប្រទេស​ផ្នែក​ធនធានមនុស្ស របស់ ក្រុមហ៊ុន DKSH Cambodia បាន​មាន​ប្រសាសន៍​ថា «DKSH បាន​ធ្វើការ​យ៉ាង​សកម្ម​នៅ​ក្នុង​ប្រទេស​កម្ពុជា​អស់​រយៈពេល​ជា​ច្រើន​ទសវត្សរ៍​មក​ហើយ រួម​ជាមួយនឹង​បុគ្គលិក​ឯកទេស​ជិត​១ ៨០០ នាក់​របស់​យើង​នាំ​ឲ្យ​យើង​គឺជា​និយោជក​ឈានមុខ​មួយ​នៅ​ក្នុង​ប្រទេស​។ ពានរង្វាន់ «Cambodia Best Employer Brand Award 2019»​នេះ​ទទួលស្គាល់​ជា​អន្តរជាតិ​ថា ក្រុមហ៊ុន DKSH Cambodia ជា​កន្លែង​ល្អ​បំផុត​មួយ​សម្រាប់​បុគ្គលិក​ដែល​ធ្វើការ​នៅ​ទី​នេះ​៕

ប្រវត្តិ​សង្ខេប​របស់​ក្រុមហ៊ុន DKSH

DKSH គឺជា​ក្រុមហ៊ុន​ផ្តល់​សេវាកម្ម​ពង្រីក​ទីផ្សារ ឈានមុខ​គេ ដោយ​ផ្តោត​សំខាន់​ក្នុង​តំបន់​អាស៊ី​។ DKSH ជា​ក្រុមហ៊ុន​ដែល​ជួយ និង​បង្កើត​ម៉ាក​យីហោ​ជូន​ដល់​ក្រុមហ៊ុន​ដទៃ​ទៀត ក្នុង​ការ​ពង្រីក​អាជីវកម្ម ផ្នែក​គ្រឿង​ឧបភោគបរិភោគ ថែរក្សា​សុខភាព វត្ថុធាតុដើម និង​ផ្នែក​គ្រឿងចក្រ​។ ក្រុមហ៊ុន​មាន​ផ្តល់​សេវា​ជា​ច្រើន​រួម​មាន​៖ ធនធាន ព័ត៌មាន​ទីផ្សារ​លម្អិត ផ្នែក​លក់ និង​ផ្នែក​ទីផ្សារ​ជំរុញ​ការ​លក់ ផ្នែក​ចែកចាយ ការ​ដឹក​ក​ជញ្ជូន​ក៏​ដូច​ជា​ផ្តល់​សេវា​ក្រោយ​ការ​លក់​។

DKSH ជា​ក្រុមហ៊ុន​ដែល​បាន​ចុះបញ្ជី​ជា​សាធារណៈ​នៅ​ក្នុង​ផ្សារភាគហ៊ុន SIX Swiss Exchange មាន​ទីតាំង​អាជីវកម្ម​នៅ​ក្នុង 35 ទីផ្សារ និង​មាន​បុគ្គលិក​ជំនាញ​ចំនួន 33,000 នាក់ មាន​ចំណូល​សរុប​ចំនួន 11.3 ពាន់​លាន​ស្វី​ស​ហ្វ្រ​ង់ ក្នុង​ឆ្នាំ​2018​។ ជាមួយនឹង​កេរដំណែល​យ៉ាង​រឹង​មាំ​របស់​ប្រទេស​ស្វី​ស ក្រុមហ៊ុន​នេះ​មាន​ប្រពៃណី​ដ៏​យូរលង់​ក្នុង​ការ​ធ្វើ​អាជីវកម្ម​ទាំង​នៅ​ក្នុង និង​ជាមួយ​តំបន់​អាស៊ី ហើយ​ក៏​បាន​ចាក់​ឫស​យ៉ាង​ជ្រៅ​នៅ​ក្នុង​សហគមន៍ និង​អាជីវកម្ម​ទូ​ទាំង​តំបន់​អាស៊ី​ប៉ា​ស៊ី​ហ្វិ​ក​ផង​ដែរ​។ ដោយ​សហការ