ខេត្តមណ្ឌលគិរី ៖ សេចក្តីរាយការណ៍ឱ្យដឹងថា នាព្រឹកថ្ងៃទី០១ មីនា នេះ អាជ្ញាធរខេត្តកំពុងជួបប្រជុំបន្ទាន់ជាមួយគណៈកម្មធិការគ្រប់គ្រងភ្នំដោះក្រមុំ និងបណ្តាអ្នកពាក់ព័ន្ធនានា ដើម្បីរកដំណោះស្រាយលើករណីដីនៅតំបន់ភ្នំដោះក្រមុំ ដែលរងការទន្ទ្រានពីមនុស្សមួយក្តាប់តូចមកនោះ…
ខេត្តមណ្ឌលគិរី ៖ សេចក្តីរាយការណ៍ឱ្យដឹងថា នាព្រឹកថ្ងៃទី០១ មីនា នេះ អាជ្ញាធរខេត្តកំពុងជួបប្រជុំបន្ទាន់ជាមួយគណៈកម្មធិការគ្រប់គ្រងភ្នំដោះក្រមុំ និងបណ្តាអ្នកពាក់ព័ន្ធនានា ដើម្បីរកដំណោះស្រាយលើករណីដីនៅតំបន់ភ្នំដោះក្រមុំ ដែលរងការទន្ទ្រានពីមនុស្សមួយក្តាប់តូចមកនោះ ។ គួររំលឹកថា ការប្រជុំនេះ បានធ្វើឡើង ក្រោយពីមានបទបញ្ជាពីសម្តេចតេជោ ប្រមុខរាជរដ្ឋាភិបាលកម្ពុជា ឱ្យដកហូតយកដីទាំងនោះមកគ្រប់គ្រង ជាសម្បត្តិសាធារណៈវិញ ។
គួរបញ្ជាក់ទៀតថា ជនជាតិដើមភាគតិចដែលរស់នៅក្នុងខេត្តមណ្ឌលគិរី មានការសប្បាយរីករាយជាខ្លាំងក្រោយទទួលព័ត៌មានថា សម្តេចតេជោ ហ៊ុន សែន បានចេញបញ្ជាឲ្យអាជ្ញាធរខេត្តមណ្ឌលគិរី ត្រូវរឹបអូសដីភ្នំដោះក្រមុំ ទុកជាសម្បត្តិរដ្ឋវិញ កាលពីរសៀលថ្ងៃទី២៨ កុម្ភៈ ២០១៩ ដែលរងការទន្ទ្រានពីមនុស្សមួយក្តាប់តូច ទុកជាកម្មសិទ្ធិបុគ្គល ។
លោក សី ទូច ប្រធានមន្ទីរវប្បធម៌ និងវិចិត្រសិល្បៈខេត្តមណ្ឌលគិរី បានសម្តែងក្តីត្រេកអរជាអនេកផងដែរ ក្រោយសម្តេចតេជោប្រមុខរាជរដ្ឋាភិបាលកម្ពុជា បានសម្រេចឲ្យអាជ្ញាធរខេត្តត្រូវដកហូតដីនៅតំបន់ភ្នំដោះក្រមុំទុកជាសម្បត្តិសាធារណៈនេះវិញ ។ លោកប្រធានមន្ទីរបានបញ្ជាក់យ៉ាងខ្លីថា ក្នុងនាមលោកជាអ្នកគ្រប់គ្រងនឹងធ្វើការងារក្នុងផ្នែកវប្បធម៌ ពិតជាមានការសប្បាយចិត្តរកអ្វីមកបប្រៀបផ្ទឹមបានឡើយ ព្រោះតែថ្នាក់ដឹកនាំកំពូល បានយកចិត្តទុកដាក់ដល់តំបន់សក្ការៈបូជា របស់អ្នកខេត្តមណ្ឌលគិរី ជាពិសេសទីនេះជាកន្លែងប្រមូលផ្តុំបងប្អូនជនជាតិដើមទាំង៥ក្រុងស្រុករស់នៅតំបន់នេះ សម្រាប់ប្រារព្ឋពិធីបែបប្រពៃណី នឹងជាមជ្ឍមណ្ឌលទេសចរដ៏សំខាន់របស់ខេត្តមណ្ឌលគិរីផងដែរ។
ជុំវិញព័ត៌មានខាងលើនេះ កាលពីវេលាម៉ោង៧និង៤៥នាទីយប់ថ្ងៃទី២៨ ខែកុម្ភៈ លោកស្វាយ សំអ៊ាង អភិបាលខេត្តមណ្ឌលគិរី បានឲ្យដឹងដែរថា «បញ្ហាដីភ្នំដោះក្រមុំនេះ កន្លងមកយើងក៏បានខិតខំដោះហើយ ប៉ុន្តែនៅមិនទាន់ចប់សព្វគ្រប់ ដោយសារភាគីមួយចំនួន នៅតែតវ៉ានៅតែជំទាស់ ហើយនៅថ្ងៃមិញនេះ (ថ្ងៃទី២៨) ខេត្តទទួលបានបទបញ្ជាពីសម្តេចតេជោ ដូច្នេះនៅថ្ងៃទី០១ មីនា នេះ គណៈអភិបាលខេត្តនឹងមានការប្រជុំបន្ទាន់មួយ ដើម្បីចាត់ការរឿងនេះ ហើយនឹងមាននិតិវិធីដើម្បីដោះស្រាយបញ្ហានេះ ទៅតាមអ្វីដែលជាអនុសាសន៍ណែនាំរបស់សម្តេចតេជោ» ។
លោកអភិបាលខេត្តបន្តថា «ករណីដីភ្នំដោះក្រមុំនេះ មានពាក់ព័ន្ធនឹងការផ្តល់ដី មានតាំងពីអភិបាលខេត្តមុន… ហើយវាពាក់ព័ន្ធនឹង ស ជ ណ ចំនួនពីរ ដែល ស ជ ណ ដំបូងរក្សាដីភ្នំដោះក្រុមនេះទុក ហើយ
ស ជ ណ មួយទៀតសំរេចផ្តល់ដីមួយផ្នែកដល់អង្គភាពទឹកស្អាត…ហើយឥឡូវនេះការជំទាស់ គឺទី១ជំទាស់ សជ ណ លើកក្រោយដែលកាត់ដីឲ្យកន្លែងទឹកស្អាត២ហិចតា នោះគឺជាការជំទាស់របស់ក្រុមអ្នកផ្សេងក្រៅពីគណៈកម្មធិការជនជាតិដើមភាគតិច គ្រប់គ្រងតំបន់មជ្ឍមណ្ឌលវប្បធម៌ជនជាតិដើមភាគតិច» ។
ចែករំលែកព័តមាននេះ