រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា នៅព្រឹកថ្ងៃទី២៦ ខែកុម្ភៈ ឆ្នាំ២០១៩នេះ បន្តសវនាការរឿងឡាយ វណ្ណៈ អតីតអភិបាលខេត្តតាកែវ ដោយចោទប្រកាន់ពីសំណុំរឿងនៃការស្លាប់របស់អ្នកស្រី…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា នៅព្រឹកថ្ងៃទី២៦ ខែកុម្ភៈ ឆ្នាំ២០១៩នេះ បន្តសវនាការរឿងឡាយ វណ្ណៈ អតីតអភិបាលខេត្តតាកែវ ដោយចោទប្រកាន់ពីសំណុំរឿងនៃការស្លាប់របស់អ្នកស្រី ចេវ សុវឌ្ឍនា អ្នកមេម៉ាយកូន៣រូបស្រស់ ដែលអំពើឃាតកម្ម ដោយស្នាដៃប្រុសស្នេហ៍អតីតអភិបាលខេត្តតាកែវ លោក ឡាយ វណ្ណៈ ។
គួររំលឹកថា សំណុំរឿងនៃការស្លាប់របស់អ្នកស្រី ចេវ សុវឌ្ឍនា អ្នកមេម៉ាយកូន៣រូបស្រស់ ដែលម្តងថា ជារឿងអត្តឃាតដោយចង.ក ម្តងថាជាអំពើឃាតកម្ម ដោយស្នាដៃប្រុសស្នេហ៍អតីតអភិបាលខេត្តតាកែវ លោក ឡាយ វណ្ណៈ នាព្រឹកថ្ងៃទី២៣ មករា សាលាដំបូងរាជធានី បានលើកយកសំណុំរឿងនេះមកបើកសវនាការជំនុំជម្រះម្តងរួចមកហើយ ។
ហើយអង្គសវនាការនេះ ដឹកនាំដោយលោក ហម ម៉េងសែ អនុប្រធានសាលាដំបូងរាជធានី និងជាប្រធានក្រុមប្រឹក្សាជំនុំជម្រះ លោក ប្លង់ សុផល ព្រះរាជអាជ្ញារងតំណាងអយ្យការអមសាលាដំបូង និងជាដើមបណ្តឹងលើសំណុំរឿងព្រហ្មទណ្ឌមួយនេះ ។ ជនជាប់ចោទក្នុងសំណុំរឿងនេះ មាន៤នាក់ ត្រូវបាននាំមកឈរមុខក្រចកសេះ ដើម្បីឆ្លើយបំភ្លឺជុំវិញការសាកសួរដេញដោល លើសំណុំរឿងឃាតកម្មដែលលាន់ខ្ទ័រខ្ទារប៉ុន្មានខែកន្លងមកនេះ ។
ជនជាប់ចោទមាន ១-លោក ឡាយ វណ្ណៈ អតីតអភិបាលខែត្តតាកែវ ២-លោក ឡាយ ណារិទ្ធ អតីតស្នងការរងនគរបាលខេត្តតាកែវ (ពីរនាក់បងប្អូន) ជាប់ចោទពីបទឃាតកម្ម តាមមាត្រា១៩៩ នៃក្រមព្រហ្មទណ្ឌ ។ ៣-ឈ្មោះ ម៉េន សាម៉ៃ អ្នកបើកបររថយន្តឲ្យលោក ឡាយ វណ្ណៈ និង៤-ឈ្មោះ ជឹម សាវុធ ជាអ្នកបម្រើផ្ទះអ្នកស្រី ចេវ សុវឌ្ឍនា ជាប់ចោទពីបទ លាក់បាំងតម្រុយតាមមាត្រា ៥៣២នៃក្រមព្រហ្មទណ្ឌ។
ព័ត៌មានពិស្តារនឹងមានផ្សាយជូននៅកាសែតកោះសន្តិភាព
ចែករំលែកព័តមាននេះ