សត្វម្រើមព្រះប្រភេទ «ខ្មៅព័រទុយហ្គាល់» កំពុងស្ថិតក្នុងការសង្ស័យ ដែលធ្វើឱ្យរថភ្លើង២ខ្សែបុកគ្នានៅភាគខាងលិចប្រទេសអូស្រ្ដាលី បន្ទាប់ពីអាជ្ញាធរបានប្រទះឃើញសត្វទាំងនោះជាច្រើនងាប់នៅពាសពេញផ្លូវរថភ្លើង កាលពីថ្ងៃទី៣ កញ្ញា ។ លោក ដេវីដ ហាយ អ្នកនាំពាក្យមន្ទីរសាធារណការ និងដឹកជញ្ជូននៅភាគខាងលិចប្រទេសអូស្រ្ដាលីបានបញ្ជាក់ប្រាប់រ៉យទ័រថា ម្រើមព្រះ
សត្វម្រើមព្រះប្រភេទ «ខ្មៅព័រទុយហ្គាល់» កំពុងស្ថិតក្នុងការសង្ស័យ ដែលធ្វើឱ្យរថភ្លើង២ខ្សែបុកគ្នានៅភាគខាងលិចប្រទេសអូស្រ្ដាលី បន្ទាប់ពីអាជ្ញាធរបានប្រទះឃើញសត្វទាំងនោះជាច្រើនងាប់នៅពាសពេញផ្លូវរថភ្លើង កាលពីថ្ងៃទី៣ កញ្ញា ។ លោក ដេវីដ ហាយ អ្នកនាំពាក្យមន្ទីរសាធារណការ និងដឹកជញ្ជូននៅភាគខាងលិចប្រទេសអូស្រ្ដាលីបានបញ្ជាក់ប្រាប់រ៉យទ័រថា ម្រើមព្រះគឺជាកត្ដាមួយដែលយើងកំពុងពិចារណាថា អាចជាមូលហេតុនាំឱ្យរថភ្លើងបុកគ្នា បណ្ដាលឱ្យអ្នកដំណើរចំនួន៦នាក់របួសនៅ ស្ថានីយក្លាកសុន ស្ថិតនៅភាគខាងជើងក្រុងភើតប្រហែល៤០គីឡូម៉ែត្រ ។
លោកបន្ដថា រថភ្លើងបានបើកកិនម្រើមព្រះជាច្រើនក្បាល បណ្ដាលឱ្យផ្លូវរអិលបាត់បង់ជំហរជ្រុលទៅបុកពីក្រោយរថភ្លើងចតស្ងៀមមួយខ្សែទៀត ។ កាលពីឆ្នាំ២០០៩ មានសត្វម្រើមព្រះរាប់សិបម៉ឺុនក្បាលបានវារកាត់ផ្លូវរថភ្លើងចម្ងាយប្រហែល២គីឡូម៉ែត្រ ធ្វើឱ្យរថភ្លើងផ្អាកដំណើរការ ៕
ចែករំលែកព័តមាននេះ