រាជធានីភ្នំពេញ ៖ ពិតជាមិនធម្មតាឡើយក្នុងការបង្ក្រាបសម្បុកគ្រឿងញៀនដ៏ធំមួយកាលពីយប់ថ្ងៃទី២២ ខែកុម្ភៈ ឆ្នាំ២០១៩ នៅក្នុងមជ្ឈមណ្ឌលកម្សាន្ត រ៉ក់ ( Rock) ។
ក្នុងប្រតិបត្តិការណ៍ដ៏ក្តៅគគុកលក្ខណៈទ្រង់ទ្រាយធំនេះ កម្លាំងសមត្ថកិច្ចបានធ្វើការចាប់ឃាត់ខ្លួនមនុស្សរហូតទៅដលយជាង៣០០នាក់ ក្នុងនោះក៏មានជនជាតិចិនចំនួន១៤នាក់ និងដកហូងថ្នាំញៀនបានជាង៣៩គីឡូក្រាម អាវុធខ្លីចំនួន១ដើម រួមទាំងវត្ថុតាងមួយចំនួនទៀតផងដែរ ។
យោងទៅតាមហ្វេសប៊ុកផេក (Facebook Page) របស់លោក ស ថេត ស្នងការនគរបាលរាជធានីភ្នំពេញបានសរសេថា ៖«យប់មិញខ្ញុំ និងស្នងការរងជាច្រើនរូប ព្រមទាំងកម្លាំងជំនាញចម្រុះបានចុះបង្ក្រាបគ្រឿងញៀនទ្រង់ទ្រាយធំដោយផ្ទាល់នៅមជ្ឈមណ្ឌលកម្សាន្ត Rock ដោយឃាត់ខ្លួនអ្នកប្រើប្រាស់ និងអ្នកចែកចាយជាង៣០០នាក់ ក្នុងនោះមានជនជាតិចិន១៤នាក់ ហើយដកហូតបានគ្រឿងញៀនជាង៣៩គីឡូក្រាម និងសារធាតុញៀនជាទឹក៩គីឡូ២ខាំ ជញ្ជីងថ្លឹងគ្រឿងញៀន១២ និងកាំភ្លើងខ្លី១ដើម !!» ៕
ចុចអាន ៖ ទីបំផុតក្លឹបកំសាន្ត Rock បិទជាស្ថាពរហើយក្រោយប្រតិបត្តិការទ្រង់ទ្រាយធំ១
ចែករំលែកព័តមាននេះ