គ្រាន់តែប្រាប់ថា «បើចង់ញ៉ែគ្នាទៅញ៉ែកន្លែងផ្សេងទៅ» ផ្ទុះជម្លោះបែ.កផ្សែងផ្អើលស្តុបទួលពង្រ
- ភ្នំពេញ
រាជធានីភ្នំពេញ ៖ គ្រាន់តែប្តីប្រពន្ធ២នាក់ប្រាប់ថា «បើចង់ទាក់ទងញ៉ែគ្នាទៅញ៉ែកន្លែងផ្សេងទៅ
រាជធានីភ្នំពេញ ៖ គ្រាន់តែប្តីប្រពន្ធ២នាក់ប្រាប់ថា «បើចង់ទាក់ទងញ៉ែគ្នាទៅញ៉ែកន្លែងផ្សេងទៅ
រាជធានីភ្នំពេញ ៖ គ្រាន់តែប្តីប្រពន្ធ២នាក់ប្រាប់ថា «បើចង់ទាក់ទងញ៉ែគ្នាទៅញ៉ែកន្លែងផ្សេងទៅ ព្រោះកន្លែងនេះត្រូវការដេកពួន» បានធ្វើជនសង្ស័យ១ក្រុមខឹង ក៏ទាស់ពាក្យសម្ដីគ្នាជាមួយប្តីប្រពន្ធទាំង២នាក់នោះ រហូតឈានដល់ការប្រើអំពើហិង្សា ដោយខាងជនសង្ស័យនាំគ្នាព្រួតវាយបុរសជាប្ដី ហើយស្ត្រីជាប្រពន្ធទៅឃាត់ ត្រូវជនសង្ស័យវាយចំភ្នែកមួយដៃ បណ្ដាលឱ្យរងរបួស ចំណែកប្ដីរបួសស្រាល ។
ហេតុការណ៍ខាងលើនេះបង្កឱ្យមានការភ្ញាក់ផ្អើលកើតឡើងកាលពីវេលាម៉ោង១និង៤០នាទីរំលងអាធ្រាត្រឈានចូលថ្ងៃទី២៤ ខែមេសា ឆ្នាំ២០២៤ ត្រង់ចំណុចស្តុបទួលពង្រ ស្ថិតក្នុងសង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ ។
ស្ត្រីរងគ្រោះឈ្មោះ រុន ស្រីពៅ អាយុ៤០ឆ្នាំ មុខរបរលក់ដូរនៅជិតធនាគារកាណាឌីយ៉ា ស្នាក់នៅភូមិត្រពាំងថ្លឹង២ សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ មានស្រុកកំណើតនៅភូមិសម្បូរមាស ឃុំពាមជីកង ស្រុកកងមាស ខេត្តកំពង់ចាម។ ចំណែកប្ដីឈ្មោះសួន សារ៉េត អាយុ៣៩ឆ្នាំ។
ដោយឡែកជនបង្កដែលឃាត់ខ្លួនបានឈ្មោះ ធារ៉ា ភេទប្រុស អាយុ៣២ឆ្នាំ មុខរបរមិនពិតប្រាកដ បច្ចុប្បន្នស្នាក់នៅមិនពិតប្រាកដ មានស្រុកកំណើតនៅខេត្តរតនគិរី។
តាមប្រភពព័ត៌មានបញ្ជាក់ពីស្ត្រីរងគ្រោះនិងប្ដីបានឱ្យដឹងថា កាលពីវេលាង១២និង៣០រំលងអាធ្រាត្រឈានចូលថ្ងៃទី២៤ ខែមេសា ឆ្នាំ២០២៤ ពួកគាត់បានសំរាកពីការងារលក់ដូរក៏នាំគ្នាចូលដេក ដើម្បីយកកម្លាំងធ្វើការលក់ដូរបន្តនៅថ្ងៃស្អែកទៀត ។ ពេលនោះ ស្រាប់តែមានក្រុមក្មេងស្ទាវមួយក្រុមមានគ្នា៦នាក់បានទាក់ទងញ៉ែស្រីនៅមុខតូបរបស់ពួកគាត់ ធ្វើឱ្យរំខានដល់ការដេកពួន របស់ពួកគាត់ ។ ពេលនោះប្ដីស្ត្រីរងគ្រោះបានទៅប្រាប់ក្រុមជនសង្ស័យទាំងនោះថា បើចង់ទាក់ទងញ៉ែគ្នាទៅញ៉ែកន្លែងផ្សេងទៅ ព្រោះកន្លែងនេះពួកគាត់ត្រូវការដេកពួន ។ គ្រាន់តែប្រាប់ប៉ុណ្ណឹងសោះ ខាងជនសង្ស័យទាំងនោះនាំគ្នាខឹងសម្បាយ៉ាងខ្លាំង ក៏បានជជែកទាក់ពាក្យសម្ដីគ្នារហូតឈានដល់ប្រើអំពើហិង្សា ដោយខាងជនបង្កនាំគ្នាព្រួតវាយបុរសជាប្ដី ។ បន្ទាប់ពីឃើញដូច្នេះស្ត្រីរងគ្រោះបានទៅឃាត់ ត្រូវបានជនដៃដល់វាយចំភ្នែកមួយដៃ បណ្ដាលឱ្យប៉ោងខៀវភ្នែកម្ខាង ចំណែកប្ដីរបួសស្រាល ។
ពេលកើតហេតុភ្លាមៗ ប្រជាពលរដ្ឋដែលឃើញហេតុការណ៍បានប្ដឹងទៅសមត្ថកិច្ចមូលដ្ឋានចុះមកអន្តរាគមន៍ឃាត់ខ្លួនជនដៃដល់បានម្នាក់ភ្លាមៗ ចំណែកបក្ខពួក៥នាក់ទៀតនាំគ្នារត់គេចខ្លួនទៅអស់ ។
ក្រោយកើតហេតុ ជនរងគ្រោះបានទៅដាក់ពាក្យបណ្ដឹងនៅប៉ុស្តិ៍ រួចសមត្ថកិច្ចបានកសាងសំណុំរឿងបញ្ជូនខ្លួនសង្ស័យខាងលើទៅផ្នែកជំនាញព្រហ្មទណ្ឌ ។ លុះរំលងបានមួយយប់ ស្រាប់តែមានគេប្រទះឃើញជនសង្ស័យម្នាក់កំពុងតែមកសង្ងំដេកលាក់ខ្លួននៅខាងមុខផ្ទះប្រជាពលរដ្ឋក៏ទាក់ទងប្រាប់ទៅជនរងគ្រោះនាំគ្នាមកឃាត់ខ្លួនទុកតែម្ដង រួចរាយការណ៍ទៅសមត្ថកិច្ចបន្តភ្លាមៗ ។
បច្ចុប្បន្នជនសង្ស័យម្នាក់ខាងលើនេះត្រូវបានខាងសមត្ថកិច្ចនាំខ្លួនយកទៅប៉ុស្តិ៍ ដើម្បីចាត់ការទៅតាមនីតិវិធីបន្តទៀត ៕
ចែករំលែកព័តមាននេះ