រាជធានីភ្នំពេញ ៖ កម្លាំងមានសម្ថកិច្ចរាជធានីភ្នំពេញក្រោមការដឹកនាំរបស់លោកឧត្តមសេនីយ៍ឯក ស ថេត ស្នងការនគរបាលរាជធានីភ្នំពេញបានបើកប្រតិបត្តិការបង្ក្រាបគ្រឿងញៀនទ្រង់ទ្រាយធំមួយនៅក្នុងមណ្ឌលកំសាន្ត Rock អស់រយៈពេលជាច្រើនម៉ោង ។ ដោយបានឃាត់ខ្លួនមនុស្សប្រុសស្រីរហូតទៅដល់ចំនួន៣១៥នាក់…
រាជធានីភ្នំពេញ ៖ កម្លាំងមានសម្ថកិច្ចរាជធានីភ្នំពេញក្រោមការដឹកនាំរបស់លោកឧត្តមសេនីយ៍ឯក ស ថេត ស្នងការនគរបាលរាជធានីភ្នំពេញបានបើកប្រតិបត្តិការបង្ក្រាបគ្រឿងញៀនទ្រង់ទ្រាយធំមួយនៅក្នុងមណ្ឌលកំសាន្ត Rock អស់រយៈពេលជាច្រើនម៉ោង ។
ដោយបានឃាត់ខ្លួនមនុស្សប្រុសស្រីរហូតទៅដល់ចំនួន៣១៥នាក់ ដកហូតថ្នាំញៀនបានមួយចំនួនធំ និងបានធ្វើការបិទអាជីវកម្មមណ្ឌលកំសាន្ត Rock ដែលជាកន្លែងកំសាន្តដ៏ធំជាងគេមួយនៅក្នុងរាជធានីភ្នំពេញនេះផងដែរ ។ ការបង្ក្រាបនេះដែរបានធ្វើឡើងកាលពីយបយថ្ងៃទី២២ ខែ កុម្ភៈ ឆ្នាំ២០១៩ នៅមណ្ឌលកំសាន្ត Rock ដែលមានទីតាំងផ្លូវព្រះមុនីវង្ស ក្នុងសង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានពីសម្ថកិច្ចមូលដ្ឋានបានប្រាប់ឱ្យដឹងថា កាលពីវេលាម៉ោងប្រមាណ១១យប់ថ្ងៃទី២២ ខែកុម្ភៈ ឆ្នាំ២០១៩ នេះក្រោមការដឹកនាំបញ្ជាដោយផ្ទាល់អំពីសំណាក់លោកឧត្តមសេនីយ៍ឯក ស ថេត ស្នងការនគរបាលរាជធានីភ្នំពេញបានធ្វើការចុះបង្ក្រាបគ្រឿងញៀននៅក្នុងមណ្ឌលកំសាន្ត Rock ដោយក្នុងប្រតិបត្តិការបង្ក្រាបគ្រឿងញៀននេះដែរកម្លាំងមានសមត្ថកិច្ចបានធ្វើការចាប់ឃាត់ខ្លួនមនុស្សប្រុសស្រីសរុបចំនួន៣១៥នាក់ រួមទាំងថ្នាំញៀនមួយចំនួនធំទៀតផងដែរ ។
ក្រោយពីប្រតិបត្តិការបង្ក្រាបគ្រឿងញៀនដ៏ធំនៅក្នុងមណ្ឌលកំសាន្ត Rock ខាងលើនេះមនុស្សប្រុសស្រីទាំង៣១៥នាក់ ដែលចាប់ឃាត់ខ្លួនរួមទាំងថ្នាំញៀនមួយចំនួនធំដែលដកហូតបានក៏បាននាំខ្លួនទៅកាន់ស្នងការនគរបាលរាជធានីភ្នំពេញដើម្បីចាត់ការទៅតាមផ្លូវច្បាប់ ។ ចំណែកឯមណ្ឌលកំសាន្ត Rock ក៏ត្រូវបានអាជ្ញាធររាជធានីភ្នំពេញធ្វើការបិទអាជីវកម្មជាស្ថាពរផងដែរ ៕
ចែករំលែកព័តមាននេះ