ខេត្តសៀមរាប ៖ នៅពេលដែលអ្នកដំណើរបានមកដល់ចំណុចឃុំសសរស្តម ស្រុកពួក ខេត្តសៀមរាប ស្ថិតតាមបណ្តោយផ្លូវជាតិលេខ៦នោះ គឺយើងនឹងបានឃើញតូបដាក់លក់មាន់អាំងជាច្រើនកន្លែង ដែលមានរស់ជាតិឆ្ងាញ់ពិសា ។ មកដល់ទីនោះ គឺមានប្រមាណ៥គ្រួសារកំពុងដាក់តាំងលក់ មានដូចជាមាន់អាំងកង្កែបបោកអាំង ពងទាស្ងោរ និងត្រីស្រែអាំងជាដើម ។
ជាមួយគ្នា ឈ្មោះ«យាយលុន» ដែលត្រូវបានគេស្គាល់ថា មាន់អាំងគាត់មានរស់ជាតិឆ្ងាញ់ជាងគេនោះ ។ យាយលុយលក់មាន់អាំងក្នុងមួយថ្ងៃ ចាប់ពីមាន់ចំនួន៤០០ក្បាលទៅ៦០០ក្បាលឯណោះ ។ ដោយមិនរាប់បញ្ចូលកង្កែបបោកអាំង និងអាហារផ្សេងៗទៀតឡើយ ក្នុងនោះ គេឃើញមានភ្ញៀវទេសចរជាតិ-អន្តរជាតិឆ្លងកាត់ គឺតែងតែចូលទិញមិនខាន ។
សម្រាប់លោកយាយលុន គឺមនុស្សពិការជើងមួយចំហៀង ។ ហើយនៅមុនពេលមាន់អាំងគាត់មានឈ្មោះល្បីនេះ គឺលោកយាយបាននាំកូនចៅលក់មាន់អាំងដូចគេដូចឯង ។ តែក្រោយមក ក៏មានអ្នកធ្វើដំណើរ ស្គាល់ និងអាណិតអាសូរគាត់ផងនោះ ក៏នាំគ្នាជួយទិញ ប៉ុន្តែគួបផ្សំគាត់ប្រឡាក់សាច់មាន់ឆ្ងាញ់ផងនោះ ទើបលក់មកដល់សព្វថ្ងៃនេះ ។
ជួបប្អូនប្រុសម្នាក់ឈ្មោះវី មកពីខេត្តបន្ទាយមានជ័យ និងជាអតិថិជនបានឱ្យដឹងថា គាត់រស់នៅក្នុងខេត្តបន្ទាយមានជ័យ ប៉ុន្តែរាល់ពេលដែលគាត់ឆ្លងកាត់ទីនេះ គឺតែងឈប់ចូលទិញមាន់អាំងយាយលុន ទៅហូបនៅផ្ទះហើយ ព្រោះមាន់អាំងគាត់មានជាតិឆ្ងាញ់ និងជាមាន់ចិញ្ចឹមនៅតាមផ្ទះ ។
ដូច្នេះ មានបងប្អូនកោះសន្តិភាពណា ដែលភ្លក់មាន់អាំងទីនោះឬនៅ ហើយឆ្ងាញ់ដូចដែលអ្វីដែលបានលើកមកនេះទេ?
ចែករំលែកព័តមាននេះ