បើកសុខៗផ្ទុះបែកកង់ ខ្ទាតក្បាលនាគ ផ្អើល​ក្នុងសង្កាត់​ចាក់អង្រែក្រោម (មានវីដេអូ​)


រាជធានី​ភ្នំពេញ ៖ រថយន្ត​ម៉ាក​ឡិច​ស៊ិ​ស RX330 មួយ​គ្រឿង​បើកបរ​ក្នុង​ល្បឿន​លឿន ស្រាប់តែ បែក​កង់​មុខ​ខាងឆ្វេង បណ្តាល​អោយ​រថយន្ត​រេ​ចង្កូត​ជ្រុល​បុក​ក្បាល​នាគ​ពុះ​ចែក​ទ្រូងផ្លូវ​ពេញទំហឹង​រង​ការ​ខូចខាត ហើយ​ក្បាល​នាគ​ពុះ​ចែក​ទ្រូងផ្លូវ​ខ្ទាត​ទៅ​ប៉ះ​នឹង​រថយន្ត​មួយ​គ្រឿង​ផ្សេង​ទៀត បណ្តាល​ឱ្យ​រង​ការ​ខូចខាត ។
ហេតុការណ៍​នេះ​បាន​កើតឡើង​កាលពី​វេលា​ម៉ោង​២​និង​៣០​នាទី​រសៀល​ថ្ងៃ​ទី​១១ ខែកុម្ភៈ ឆ្នាំ​២០១៩​ ស្ថិត​តាម​បណ្តោយ​ផ្លូវជាតិ​លេខ​២ ក្នុង​សង្កាត់​ចាក់​អង្រែ​ក្រោម ខណ្ឌមានជ័យ ។

រថយន្ត​បង្ក​ម៉ាក​ឡិច​ស៊ិ​ស RX330 ពណ៌​ស ពាក់​ស្លាក​លេខ​ភ្នំពេញ ២V-៥៧៩៨ បើកបរ​ដោយ​ស្ត្រី​ចំណាស់​ម្នាក់​មិន​ស្គាល់​អត្តសញ្ញាណ ។ ចំណែក​រថយន្ត​មួយ​គ្រឿង​ទៀត​ដែល​រង​គ្រោះ​ក្នុង​ហេតុការណ៍​គ្រោះថ្នាក់​ចរាចរណ៍​ខាងលើ​ម៉ាក​ណា​វ៉ា​រ៉ា ពណ៌​ខ្មៅ ពាក់​ស្លាក​លេខ ភ្នំពេញ ២AK-៦៨១៩ ។

យោង​តាម​ប្រភព​ព័ត៌មាន​អោយ​ដឹង​ថា នៅ​មុន​ពេល​កើតហេតុ គេ​​ឃើញ​រថយន្ត​មួយ​គ្រឿង​ម៉ាក​ឡិច​ស៊ី​ស RX 330 បើកបរ​ដោយ​ស្ត្រី​ចំណាស់​ម្នាក់​វ័យ​ជាង​៥០​ឆ្នាំ ធ្វើ​ដំណើរ​តាម​បណ្តោយ​ផ្លូវជាតិ​លេខ​២ ក្នុង​ទិស​ដៅ​ពី​ត្បូង​ទៅ​ជើង និង​ក្នុង​ល្បឿន​លឿន លុះ​មក​ដល់​ចំណុច​កើតហេតុ​ខាងលើ ស្រាប់តែ​កង់​រថយន្ត​មុខ​ផ្នែក​ខាងឆ្វេង​ផ្ទុះ​បែក បណ្តាល​អោយ​រថយន្ត​ដែល​កំពុង​​បើកបរ​​ក្នុង​ល្បឿន​លឿន​រេ​ចង្កូត​ទៅ​បុក​ផ្ទប់​នឹង​ក្បាល​នាគ​ពុះ​ចែក​ទ្រូ​វ​ផ្លូវ​ពេញទំហឹង​តែ​ម្តង បណ្តាល​អោយ​ក្បាល​នាគ​ពុះ​ចែក​ទ្រូងផ្លូវ​ចំនួន​២​កង់​រង​ការ​ខូចខាត ក្នុង​នោះ​១​កង់​ត្រូវ​ដួល​ខ្ទាត​ទៅ​ប៉ះ​នឹង​រថយន្ត​មួយ​គ្រឿង​ទៀត​ម៉ាក​ណា​វ៉ា​រ៉ា ដែល​កំពុង​បើកបរ​ធ្វើ​ដំណើរ​នៅ​ចំណែក​ផ្លូវ​ម្ខាង​ទៀត បណ្តាល​អោយ​កូត​មួយ​ចំហៀង​រថយន្ត​រង​ការ​ខូចខាត​ផង​ដែរ ។

ចំណែក​រថយន្ត​ម៉ាក​ឡិច​ស៊ី​ស RX330 បាន​ដាច់​ក្រឡេក​ង់​ខាង​មុខ​ផ្នែក​ខាងឆ្វេង មិន​អាច​បន្តដំណើរ​ទៅ​មុខ​ទៀត​បាន ។

ក្រោយ​កើតហេតុ គេ​ស​ង្គេ​ត​ឃើញ​មាន​កម្លាំង​នគរបាល​មូលដ្ឋាន​សហការ​ជាមួយ​ជំនាញ​ចុះ​អន្តរាគមន៍​វាស់វែង​អូស​យក​រថយន្ត​ម៉ាក​ឡិច​ស៊ី​ស RX330​ខាងលើ ទៅ​រក្សា​ទុក​នៅ​ការិយាល័យ​នគរបាល​ចរាចរណ៍​ជើង​គោក​នៃ​ស្នងការដ្ឋាន​នគរបាល​រាជធានី​ភ្នំពេញ រង​ដោះស្រាយ​ទៅ​តាម​ផ្លូវច្បាប់​នៅ​ពេល​ក្រោយ ។ ចំណែក​រថយន្ត​រង​គ្រោះ​ខាងលើ​ ត្រូវ​បាន​ភាគី​ខាង​រថយន្ត​បង្ក​សង​ថ្លៃ​ខូចខាត​ដើម្បី​បញ្ចប់រឿង​នៅ​នឹង​កន្លែង ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ