ពពួកសត្វក្នុងលោកនេះ ទោះជាដឹងថា រាគៈ ទោសៈ មោហៈ ជាភ្លើងក្តី ក៏នៅតែប្រព្រឹត្តបំពារបំពាន និងនៅតែសម្គាល់ខុសថាជារបស់ល្អវិសេស ទៅវិញដូចសត្វមមាចដែលមិនស្គាល់ភ្លើងហើរមករោមឆេះខ្លោចកន្ទុយខ្លោចស្លាបដល់នូវក្តីវិនាស ។
ភ្លើងកិលេសទាំងនោះគឺៈ
១-រាគៈ សេចក្ដីត្រេកត្រអាលក្នុងកាមទាំងឡាយមានកាមគុណជាដើម
២-ទោសៈ ភ្លើងគឺទោសៈ សេចក្ដីប្រទូស្ដដល់សត្វនិងសង្ខារទាំងឡាយ
៣-មោហៈ សេចក្ដីវង្វេង ល្ងង់ខ្លៅមិនដឹងតាមសេចក្តីពិតនៃសង្ខារ ។
អកុសលធម៌៣ប្រការនេះលោកហៅថា ភ្លើងកិលេសធំ ដុតសត្វឲ្យក្ដៅរស់នៅរងទុក្ខខ្លោចផ្សានៅក្នុងវាលវដ្តសង្សារនេះ ។
កិលេសទាំងបីនេះកាលបើកើតឡើងក្នុងសន្ដាននៃសត្វណាហើយ ក៏ធ្វើសត្វនោះឲ្យក្ដៅក្រហល់ក្រហាយរសាប់រសល់នៅមិនសុខឡើយ។ ហេតុនេះបានជា ព្រះដ៏មានបុណ្យត្រាស់ទេសនាថា កិលេសទាំង៣ពួកនេះជាភ្លើងធំ ។
ចែករំលែកព័តមាននេះ