ខេត្តព្រះសីហនុ ៖ កាលពីរសៀលថ្ងៃទី២៤ មករា ឆ្នាំ២០១៩ នេះ លោកឯម ភា នាយខណ្ឌរដ្ឋបាលជលផលកំពង់សោម ដោយមានការចូលរួមពីលោកវរសេនីយ៍ត្រី…
ខេត្តព្រះសីហនុ ៖ កាលពីរសៀលថ្ងៃទី២៤ មករា ឆ្នាំ២០១៩ នេះ លោកឯម ភា នាយខណ្ឌរដ្ឋបាលជលផលកំពង់សោម ដោយមានការចូលរួមពីលោកវរសេនីយ៍ត្រី សួង យ៉ុង នាយប៉ុស្តិ៍នគរបាលការពារព្រំដែនទឹកកោះថ្មី បានដឹកនាំមន្ត្រីជលផលចុះពិនិត្យតំបន់នេសាទ និងកន្លែងចិញ្ចឹមគ្រែងឈាម ក៍ដូចជាពិនិត្យស្ថានភាពព្រៃកោងកាងនៅតំបន់នេសាទកោះខ្យង ។
បើតាមលោកឯម ភា ថ្លែងថា បច្ចុប្បន្ននេះខណ្ឌរដ្ឋបាលជលផលខេត្តព្រះសីហនុ កំពុងជំរុញអោយពលរដ្ឋអ្នកប្រកបរបរនេសាទសមុទ្រ ឬអ្នកចិញ្ចឹមគ្រែងឈាមបែបវារីវប្បកម្មនៅដែននេសាទសមុទ្រនៅកោះខ្យង ក្នុងឃុំអូរជ្រៅ ស្រុកព្រៃនប់ សូមគោរពច្បាប់ជលផល ដើម្បីផលប្រយោជន៍សម្រាប់អាជីវកម្មក្នុងគ្រួសារផង ដើម្បីជួយថែរក្សាការពារប្រភពធនធានជលផលផង ជាពិសេសរួមគ្នាថែរក្សា ព្រៃកោងកាង ដែលជាដែនជំរកត្រីពងកូន ៕
ចែករំលែកព័តមាននេះ