តើនរណាទៅមិនចង់បានរាងស្ល៉ីមស្អាតនោះ ? ហើយអ្នកកំពុងស្វែងរកវិធីសាស្ត្រសម្រកទម្ងន់បែប ងាយៗ ហើយទទួលបានលទ្ធផលឆាប់រហ័សមែនទេ ? មិនពិបាកឡើយ អ្វីដែលអ្នកត្រូវធ្វើ គឺគ្រាន់តែអនុវត្តសកម្មភាពមួយចំនួន ៖
១.ក្រោកឈរ ៖ ធ្លាប់ដឹងទេថាគ្រាន់តែការក្រោកឈរធម្មតាអាចជួយឲ្យអ្នកមានក្បាលពោះរាបស្មើបាន។ ប្រសិនបើអ្នកចង់មានរាងស្អាត ឬក្បាលពោះរាបស្មើ ប៉ុន្តែខ្ជិលធ្វើលំហាត់ប្រាណពិបាកខ្លាំងក្លាណាមួយនោះ ចូរព្យាយាមក្រោកឈរឱ្យបានញឹកញាប់ ហើយអ្នកនឹងភ្ញាក់ផ្អើលជាមួយលទ្ធផលពេលក្រោយ។
២.ដើរ ៖ ប្រសិនបើអ្នកគិតថា មានតែសាច់ដុំជើងទេដែលទទួលបានការហ្វឹកហាត់ ឬដំណើរការនៅពេលដើរនោះ ចូរគិតឡើងវិញម្ដងទៀត ។ ការដើរមិនត្រូវតែល្អសម្រាប់សាច់ដុំជើងប៉ុណ្ណោះទេ ប៉ុន្តែក៏ជួយដុតបំផ្លាញខ្លាញ់ក្បាលពោះ ហើយធ្វើឲ្យស្រកទម្ងន់បានផងដែរ ! ការដើរជាលំហាត់ប្រាណដ៏ប្រសើរបំផុតសម្រាប់មនុស្សគ្រប់វ័យ ដោយវាមានលក្ខណៈងាយស្រួលក្នុងការអនុវត្ត ។
៣.ឡើងជណ្ដើរ ៖ ធ្លាប់ដឹងទេថាការដើរឡើងជណ្ដើរ ជាលំហាត់ប្រាណដ៏ល្អបំផុតមួយសម្រាប់សម្រកខ្លាញ់ក្បាលពោះ ? ដើម្បីជាការប្រសើរជំរុញការដុតបំផ្លាញ់ខ្លាញ់ក្បាលពោះ ចូរឈានឡើងម្ដង ២ជំហាន ! ហើយការដើរឡើងជណ្ដើរផ្ដល់ការហ្វឹកហាត់ដល់សាច់ដុំពោះច្រើនជាងការដើរចុះជណ្ដើរ ។
៤.ជិះកង់ ៖ ការជិះកង់ជួយហ្វឹកហាត់សាច់ដុំពោះបានយ៉ាងប្រសើរ ដូច្នេះប្រសិនបើចង់ទទួលបានរាងស្លីមស្អាតក្បាលពោះរាបស្មើ ចូរជិះកង់ឱ្យបានញឹកញាប់ !
៥.ហែលទឹក ៖ ការហែលទឹកមិនត្រឹមតែជាលំហាត់ប្រាណដ៏ប្រសើរសម្រាប់ក្បាលពោះរបស់អ្នកប៉ុណ្ណោះទេ ប៉ុន្តែចំពោះសុខភាពរាងកាយទាំងមូលតែម្ដង !
៦.សម្អាតផ្ទះ ៖ មិនត្រឹមតែធ្វើឲ្យក្នុងផ្ទះស្អាត ហើយមានរបៀបរៀបរយប៉ុណ្ណោះទេ ការបោសសម្អាតរៀបចំក្នុងផ្ទះក៏ធ្វើឲ្យអ្នកស្រកខ្លាញ់ក្បាលពោះផងដែរ ! នោះក៏ព្រោះតែអ្នកបានធ្វើចលនារាងកាយយ៉ាងច្រើនដូចជា ឈោង, រុញ, លើក, ទាញ, វាសចុះឡើង, ជូតសម្អាត ។ អ្នកមិនចាំបាច់សម្អាតក្នុងផ្ទះទាំងមូលតែម្ដងក៏បាន គ្រាន់តែសម្អាតក្នុងបន្ទប់ ឬផ្នែកណាមួយក្នុងផ្ទះរាល់ថ្ងៃជាការស្រេច (ប្រភពពី៖ Health.com.kh) ៕
ចែករំលែកព័តមាននេះ