ខេត្តកំពង់ឆ្នាំង ៖ ប្រជាពលរដ្ឋរស់នៅភូមិកង្កែប និងភូមិធ្លក ស្ថិតក្នុងឃុំច្រណូក ស្រុកកំពង់លែងជាច្រើនរយគ្រួសារ បាននិងកំពុងមានការព្រួយបារម្ភជាខ្លាំង ព្រោះដីស្រែប្រាំងរបស់គាត់រាប់ពាន់ហិកតា នៅចំណុចបឹងកន្សែង គឺកំពុងខ្វះខាតទឹកស្រោចស្រពលើផ្ទៃដីស្រែរបស់ពួកគាត់…
ខេត្តកំពង់ឆ្នាំង ៖ ប្រជាពលរដ្ឋរស់នៅភូមិកង្កែប និងភូមិធ្លក ស្ថិតក្នុងឃុំច្រណូក ស្រុកកំពង់លែងជាច្រើនរយគ្រួសារ បាននិងកំពុងមានការព្រួយបារម្ភជាខ្លាំង ព្រោះដីស្រែប្រាំងរបស់គាត់រាប់ពាន់ហិកតា នៅចំណុចបឹងកន្សែង គឺកំពុងខ្វះខាតទឹកស្រោចស្រពលើផ្ទៃដីស្រែរបស់ពួកគាត់ ។
ជាក់ស្ដែង កាលពីរសៀលថ្ងៃទី២៣ មករា បឹងកន្សែងដែលជាបឹងពួកគាត់បូមទឹកដាក់ស្រែ ត្រូវបានគោករីងអស់តែម្ដង រហូតដល់ប្រជាពលរដ្ឋនាំគ្នាចុះចាប់ត្រីព្រោងព្រាត ។ ជុំវិញបញ្ហានេះ លោក ឆែម សុខន មេភូមិកង្កែបបានឱ្យដឹងថា បឹងកន្សែងដែលប្រជាពលរដ្ឋតែងតែបូមទឹកដាក់ស្រែប្រាំងជារៀងរាល់ឆ្នាំ បានចាប់ផ្ដើមគោករាក់ជាបណ្ដើរៗ ដោយសារតែមមោកកើតច្រើនពេក ។ ម្យ៉ាងវិញទៀត ដោយសារតែប្រជាពលរដ្ឋមានដីស្រែប្រាំងនៅជុំវិញបឹងនោះ ចេះតែពង្រីកផ្ទៃដីមួយឆ្នាំបន្តិចៗ ធ្វើឱ្យតម្រូវការទឹកដាក់ស្រែមានចំនួនកើនឡើងដែរ ។
លោកបន្តថា កាលមុនៗ មិនដូចឆ្នាំនេះទេ ឆ្នាំនេះគឺរីងដាច់ទឹកតែម្តង ដូចឃើញស្រាប់ហើយ ប្រជាពលរដ្ឋ នាំគ្នាចាប់ត្រី ពេញបឹងទៅហើយ ព្រោះអស់ទឹករលីង ។ អ្នកធ្វើស្រែនៅចំណុចនេះ គ្រាន់តែអ្នកភូមិច្រណូក មានជាង៤០០គ្រួសារទៅហើយ ចុះនៅភូមិធ្លកទៀត គឺច្រើនគ្រួសារ ដែលមានផ្ទៃដីស្រែប្រាំង ជាង២ពាន់៥០០ហិកតា ដើម្បីជួយស្រោចស្រង់ ស្រែប្រាំងរបស់ប្រជាពលរដ្ឋនៅតំបន់នេះ ។
មានតែម្យ៉ាងទេ គឺយកប្រភពទឹកនៅចំណុចស្ទឹងប្រាសាទបាក់ ។ ប៉ុន្តែដើម្បីបានទឹកនោះមកបាន គឺត្រូវស្តារប្រឡាយពីចំណុចអូរក្រប៉ែត្រ ហើយទំលាក់ចូលបឹងកន្សែង ។ ប្រសិនបើគ្មានការស្រតាប្រឡាយទេ ពេលបូមទឹកដាក់ចូលប្រឡាយ វានឹងហូរបាចសាច មិនធ្លាក់ដល់បឹងកន្សែងនោះឡើយ ។
លោកមេភូមិនៅបានបន្ថែមថា កាលពីយប់ថ្ងៃទី២២ មករា ឆ្នាំ២០១៩ ប្រជាពលរដ្ឋបាននាំគ្នាទៅផ្ទះរបស់គាត់ដើម្បីសុំឱ្យគាត់ធ្វើសំណើផ្តិតមេដៃប្រជាពលរដ្ឋ ដើម្បីស្តាប្រឡាយមួយខ្យែនៅចំណុចខាងលើ ។
ចែករំលែកព័តមាននេះ