ខេត្តព្រះសីហនុ ៖ សមត្ថកិច្ចនគរបាលស្រុកបានអោយដឹងថា កាលពីវេលាម៉ោង៥និង៣០នាទីល្ងាចថ្ងៃទី២២ ខែមករា ឆ្នាំ២០១៩ កម្លាំងជំនាញអធិការដ្ឋាននគរបាលស្រុកព្រៃនប់ បានចុះបង្ក្រាបករណីគ្រឿងញៀននៅចំណុចព្រៃស្មាច់ ស្ថិតក្នុងភូមិអូរឧកញ៉ាហេង ឃុំ…
ខេត្តព្រះសីហនុ ៖ សមត្ថកិច្ចនគរបាលស្រុកបានអោយដឹងថា កាលពីវេលាម៉ោង៥និង៣០នាទីល្ងាចថ្ងៃទី២២ ខែមករា ឆ្នាំ២០១៩ កម្លាំងជំនាញអធិការដ្ឋាននគរបាលស្រុកព្រៃនប់ បានចុះបង្ក្រាបករណីគ្រឿង
ញៀននៅចំណុចព្រៃស្មាច់ ស្ថិតក្នុងភូមិអូរឧកញ៉ាហេង ឃុំ អូរឧកញ៉ាហេង ស្រុកព្រៃនប់ ខេត្តព្រះសីហនុ ដោយឃាត់ខ្លួនជនសង្ស័យបានម្នាក់ ។
ជនសង្ស័យម្នាក់ខាងលើឈ្មោះសាន់ តឹម ភេទ ប្រុស អាយុ៣៦ឆ្នាំ មានទីលំនៅភូមិអូរឧកញ៉ាហេងឃុំ អូរឧកញ៉ាហេង ស្រុកព្រៃនប់ ខេត្តព្រះសីហនុ ។ សមត្ថកិច្ចដកហូតវត្ថុតាងរួមមាន ម្សៅក្រាមសថ្លាសង្ស័យជាសារធាតុញៀនចំនួន៨កញ្ចប់ ទូរស័ព្ទចំនួនមួយគ្រឿង និងសម្ភារៈប្រើប្រាស់មួយចំនួនដូចជាដែកកេះចំនួន៥ដើម និងដបសម្រាប់ជក់ថ្នាំញៀនចំនួនមួយ។
នៅពេលដែលសមត្ថកិច្ចកំពុងធ្វើការឃាត់ខ្លួនជនសង្ស័យខាងលើ ស្រាប់តែមានឈ្មោះ សាន់ ធឹម ភេទប្រុស អាយុ៣២ឆ្នាំ មានទីលំនៅភូមិពូធឿង ឃុំបិតត្រាំង ស្រុកព្រៃនប់ខេត្តព្រះសីហនុ បានមករារាំងសមត្ថកិច្ច និងបញ្ចេញកាយវិការមិនគួរសម ក៏ត្រូវសមត្ថកិច្ចឃាត់ខ្លួនតែម្ដង និងដកហូតបានទូរស័ព្ទមួយគ្រឿង ហើយពេលនាំទៅធ្វើតេស្តទឹកនោម រកឃើញមានសារធាតុញៀន៕
ចែករំលែកព័តមាននេះ