រាជធានីភ្នំពេញ ៖ រទេះលក់សាច់គោអាំងមួយគ្រឿងឈប់អាំងសាច់លក់ឲ្យនៅលើចិញ្ចើមផ្លូវចំកាច់ជ្រុងផ្លូវ ស្រាប់តែរថយន្តមួយគ្រឿងទៀតបើកចេញពីហាងផឹកស៊ីបត់កៀរ បណ្ដាលឲ្យរងរបួសម្នាក់ កាលពីវេលាម៉ោង១០និង៥០នាទីយប់ ថ្ងៃទី២០ ខែមករា ឆ្នាំ២០១៩ត្រង់ចំណុចខាងមុខហាងផឹកស៊ីយីហោឡឺហ្វេនស៊ី តាមបណ្ដោយផ្លូវ២៦១កែងនិងផ្លូវ១៥៦…
រាជធានីភ្នំពេញ ៖ រទេះលក់សាច់គោអាំងមួយគ្រឿងឈប់អាំងសាច់លក់ឲ្យនៅលើចិញ្ចើមផ្លូវចំកាច់ជ្រុងផ្លូវ ស្រាប់តែរថយន្តមួយគ្រឿងទៀតបើកចេញពីហាងផឹកស៊ីបត់កៀរ បណ្ដាលឲ្យរងរបួសម្នាក់ កាលពីវេលាម៉ោង១០និង៥០នាទីយប់ ថ្ងៃទី២០ ខែមករា ឆ្នាំ២០១៩ត្រង់ចំណុចខាងមុខហាងផឹកស៊ីយីហោឡឺហ្វេនស៊ី តាមបណ្ដោយផ្លូវ២៦១កែងនិងផ្លូវ១៥៦ ស្ថិតក្នុងសង្កាត់ទឹកល្អក់ទី២ ខណ្ឌទួលគោក។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញបុរសម្នាក់វ័យ២៥ឆ្នាំ បានបើកបររថយន្តមួយគ្រឿងម៉ាកឡិចស៊ីស LX470 ពណ៌ស ពាក់ស្លាកលេខ ភ្នំពេញ ២AS-៦៥៥២ ធ្វើដំណើរតាមបណ្ដាលផ្លូវ១៥៦ ក្នុងទិសដៅពីលិចទៅកើត ទើបតែបើកចេញពីហាងផឹកស៊ីខាងលើ ។
លុះមកដល់ចំណុចកើតហេតុ រថយន្តខាងលើក៏បានបត់ស្តាំទៅផ្លូវ២៦១ ដោយខ្វះការប្រុងប្រយ័ត្នក៏ជ្រុលទៅកៀរចំកន្ទុយរទេះលក់គោអាំងមួយគ្រឿងទៀត ដែលកំពុងឈប់អាំងសាច់គោលក់នៅលើចិញ្ចើមផ្លូវ ត្រង់ចំណុចកើតហេតុខាងលើ បណ្តាលឲ្យវៀចកន្ទុយរទេះ និងធ្លាក់ទូរកញ្ចក់ដាក់សាច់គោអាំងជ្រុះរាយប៉ាយពេញផ្លូវ រងការខូចខាត និងខ្ទាតរងើកភ្លើងទៅលើជើងបុរសម្នាក់ដែលជាអ្នកលក់បណ្តាលឲ្យរងរបួស។
ចំណែកឯរថយន្តបង្ករងការខូចខាតក្រពឹត និងធ្លាក់កាងផ្នែកខាងក្រោយចំហៀងខាងស្តាំ។
ក្រោយពេលកើតហេតុក៏មានសមត្ថកិច្ចមូលដ្ឋានបានចុះមកដល់ចំណុចកើតហេតុ រួចបានឲ្យភាគីទាំងពីរធ្វើការចរចាដោះស្រាយគ្នា ដោយភាគីខាងរថយន្តបង្កមិនចង់មានរឿងវែងឆ្ងាយ ក៏ព្រមចេញថ្លៃជួសជុល និងព្យាបាលរបួសឲ្យទៅភាគីខាងបុរសជាម្ចាស់រទេះលក់សាច់គោអាំង ដើម្បីបញ្ចប់រឿងនៅនឹងកន្លែងកើតហេតុ៕
ចែករំលែកព័តមាននេះ