ខេត្តព្រះសីហនុ ៖ ដើម្បីងាយស្រួលក្នុងការចុះជួយដល់អ្នកដាំបន្លែជាលក្ខណៈគ្រួសារនៅភូមិសំរុងក្រោម ឃុំសំរុង ស្រុកព្រៃនប់ មន្ត្រីជំនាញនៃមន្ទីរកសិកម្ម រុក្ខាប្រមាញ់ និងនេសាទខេត្ត កាលពីថ្ងៃទី១២ មករា…
ខេត្តព្រះសីហនុ ៖ ដើម្បីងាយស្រួលក្នុងការចុះជួយដល់អ្នកដាំបន្លែជាលក្ខណៈគ្រួសារនៅភូមិសំរុងក្រោម ឃុំសំរុង ស្រុកព្រៃនប់ មន្ត្រីជំនាញនៃមន្ទីរកសិកម្ម រុក្ខាប្រមាញ់ និងនេសាទខេត្ត កាលពីថ្ងៃទី១២ មករា កន្លងមក បានចុះទៅជួបកសិករដាំដុះដោយផ្ទាល់ដើម្បីសិក្សាឈ្វេង យល់ពីបញ្ហាប្រឈមនានាដែលកសិករកំពុងជួបប្រទះ ។
ក្នុងឱកាសនោះ លោក យស់ ចន្ថាណា អនុប្រធានមន្ទីរកសិកម្ម រុក្ខាប្រមាញ់ និងនេសាទ បានមានប្រសាសន៍ថា បច្ចុប្បន្ន នៅក្នុងឃុំសំរុង ស្រុកព្រៃនប់ គឺមានពលរដ្ឋដាំដំណាំជាលក្ខណៈគ្រួសារចំនួន៤០កន្លែង និងជាឃុំដែលនាំមុខគេក្នុងការដាំដំណាំសម្រាប់ផ្គត់ផ្គង់ទីផ្សារក្នុងតំបន់ ។
លោកបន្ដថា ៖« ការចុះមកពិនិត្យ ដោយផ្ទាល់នេះគឺដើម្បីសិក្សារស្វែងរកបញ្ហាពាក់ព័ន្ធនឹងបច្ចេកទេសផ្សេងៗក្នុងការដាំបន្លែរ ដែលកសិករកំពុងជួបប្រទះ ជាពិសេសគឺរកដំណោះស្រាយផ្នែកទីផ្សារជូនពួកគាត់ »។
លោកបានបន្ថែមថា ៖« ក្នុងនោះតាមប្រសាសន៍លោកអភិបាលខេត្តបានបញ្ចាក់ច្បាស់កន្លងមក គឺយើងឈានទៅបង្កើតជាក្រុមក្នុងការទទួលខុសត្រូវលើការផ្តល់សេវាជាមួយកសិករក្នុងពេលដែលពួកគាត់មានតម្រូវការចាំបាច់ »។
លោកអនុប្រធានមន្ទីរបានបន្ថែមទៀតថា ជាលទ្ធផលបន្ទាប់ពីក្រុមការងារចុះចងក្រងក្រុមកសិករនេះ យើងបានលក់ចេញក្នុងទីផ្សារបច្ចុប្បន្ន រួមមានប្រភេបន្លែដូចជា ស្ពៃក្រញាញ់ ,ស្ពៃចង្កឹះ, ននោង, ត្រប់, ត្រកួន និងផ្ទីជាដើម ហើយនៅថ្ងៃខាងមុខ ក្រុមការងារនឹងពង្រីកការដាំដុះបន្លែផ្សេងៗទៀតដើម្បីផ្គត់ផ្គង់តម្រូវការក្នុងស្រុក និងចូលរួមកាត់បន្ថយការនាំចូលបន្លែពីប្រទេសជិតខាង ៕
ចែករំលែកព័តមាននេះ