«Komsomolskaya Pravda» របស់រុស្ស៊ីបានបញ្ជាក់កាលពីពេល ថ្មីៗកន្លងមកថា នាងOksana Voevodina អតីតបវរកញ្ញារុស្ស៊ីព្រះជាយារបស់អតីតព្រះមហាក្សត្រម៉ាឡេស៊ីដែលទើបប្រកាសដាក់រាជ្យនោះកំពុងមានគភ៌កូនដំបូង ។
នាងOksana Voevodina ដឹងថាមានផ្ទៃពោះ ក្រោយពីចូលទៅពិនិត្យគភ៌នៅគ្លីនិកមួយក្នុងប្រទេសអាល្លឺម៉ង់ ។ លើសពីនេះមានរបាយការណ៍ជាច្រើនទៀតបានប៉ាន់ប្រមាណថា ការប្រកាសពីការដាក់រាជ្យរបស់ស្ដេចស៊ុលតង់ក្នុងរដ្ឋកេឡានតាន(Kelantan) ប្រទេសម៉ាឡេស៊ី តើអាចកើតឡើងដោយសារការរៀបអភិសេកជាមួយអតីតបវរកញ្ញារុស្ស៊ី ឬយ៉ាងណា? ប៉ុន្តែក៏គ្មានចម្លើយច្បាស់លាស់ណាមួយនៅឡើយទេ ។
ចំណែកលោកAndrey Gorbatenko វេជ្ជបណ្ឌិតជំនាញផ្នែកវះកាត់ខាងសន្លាក់ និងជាឳពុករបស់អតីតបវរកញ្ញារូបនេះមិនបានបញ្ចេញយោបល់ណាមួយនៅឡើយចំពោះការមានគភ៌របស់កូនស្រី ឬការលះបង់ការគ្រងរាជ្យរបស់ព្រះមហាក្សត្រម៉ាឡេស៊ី គ្រាន់តែបញ្ជាក់ថា អ្វីៗគ្រប់យ៉ាងកំពុងដំណើរការយ៉ាងរលូន ៕
ចែករំលែកព័តមាននេះ