រាជធានីភ្នំពេញ ៖ ជនសង្ស័យចំនួន៦នាក់ ត្រូវបានសមត្ថកិច្ចនគរបាលប៉ុស្តិ៍ចោមចៅទី១ឃាត់ខ្លួន រួមថ្នាំញៀនចំនួន២កញ្ចប់ រួចនាំខ្លួនយកទៅសាកសួរ បង្កអោយមានការភ្ញាក់ផ្អើលកាលពីវេលាម៉ោង១០និង៣០នាទីយប់ថ្ងៃទី១០ ខែមករា ឆ្នាំ២០១៩ តាមបណ្ដោយផ្លូវវេងស្រេងទល់មុខក្លិបមីតណាយ…
រាជធានីភ្នំពេញ ៖ ជនសង្ស័យចំនួន៦នាក់ ត្រូវបានសមត្ថកិច្ចនគរបាលប៉ុស្តិ៍ចោមចៅទី១ឃាត់ខ្លួន រួមថ្នាំញៀនចំនួន២កញ្ចប់ រួចនាំខ្លួនយកទៅសាកសួរ បង្កអោយមានការភ្ញាក់ផ្អើលកាលពីវេលាម៉ោង១០និង៣០នាទីយប់ថ្ងៃទី១០ ខែមករា ឆ្នាំ២០១៩ តាមបណ្ដោយផ្លូវវេងស្រេងទល់មុខក្លិបមីតណាយ ដែលស្ថិតនៅភូមិត្រពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ។
ជនសង្ស័យទាំង៦នាក់ខាងលើរួមមាន ១-ឈ្មោះ ខន ភត្រា ភេទប្រុស អាយុ២៦ឆ្នាំ មុខរបរកម្មកររោងចក្រ ស្នាក់នៅភូមិត្រពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ ២-ឈ្មោះ ឃួន ចន្ថា ភេទប្រុស អាយុ២៥ឆ្នាំ មុខរបរកម្មកររោងចក្រ សង្កាត់ដីថ្មី ខណ្ឌមានជ័យ ៣-ឈ្មោះ ម៉ៅ គន្ធា ភេទប្រុស អាយុ២៥ឆ្នាំ មុខរបរកម្មកររោងចក្រ ស្នាក់នៅផ្ទះឡ ភូមិត្រពាំងថ្លឹង សង្កាត់ចោមចៅទី១ខណ្ឌពោធិ៍សែនជ័យ ។
៤-ឈ្មោះ សោម ឈុយ ភេទប្រុស អាយុ២២ឆ្នាំ មុខរបរ កម្មកររោងចក្រស្នាក់ភូមិត្រពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ ៥-ឈ្មោះ ញឹម រី ភេទប្រុស អាយុ២៨ឆ្នាំមុខរបរ កម្មកររោងចក្រស្នាក់ភូមិត្រពាំងថ្លឹងសង្កាត់ចោមចៅទី១ខណ្ឌពោធិ៍សែនជ័យ និង៦-ឈ្មោះ វណ្ណ នី ភេទប្រុស អាយុ២៥ឆ្នាំ មុខរបរកម្មកររោងចក្រ ស្នាក់ភូមិត្រពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ។
តាមប្រភពព័ត៌មានពីសមត្ថកិច្ចបានអោយដឹងថា នៅមុនពេល សមត្ថកិច្ចនគរបាលប៉ុស្តិ៍ចោមចៅទី១បានចេញល្បាតនៅក្នុងភូមិសាស្ត្រដែលស្មុគស្មាញ ដោយមានកំលាំងសមត្ថកិច្ចចំនួន៥នាក់ជិះម៉ូតូចំនួន៣គ្រឿង បានចេញល្បាតតាមបណ្ដោយផ្លូវវេងស្រេង លុះមកដល់នៅម្តុំក្លិប មិតណាយ ដែលសម្បូរទៅដោយបទល្មើស គឺមានអ្នកលក់ថ្នាំញៀននៅមុខក្លិបសឹងរាល់ថ្ងៃ ។
បន្ទាប់មកសមត្ថកិច្ចឃើញជនសង្ស័យឈរប្រមូលផ្តុំគ្នា ដែលមានគ្នាចំនួន៥នាក់ខាងលើ ហើយសមត្ថកិច្ចបានឆែកឆេរបានរកឃើញថ្នាំញៀនចំនួន២កញ្ចប់តូចនៅលើដី ហើយជនសង្ស័យខាងលើដែលប្រមូលផ្តុំគ្នាបានឆ្លើយបដិសេធរៀងៗខ្លួនថាមិនមែនជារបស់ខ្លួន បន្ទាប់មកសមត្ថកិច្ចនាំជនសង្ស័យខាងលើយកទៅសាកសួរនៅប៉ុស្តិ៍នគរបាលរដ្ឋបាលចោមចៅទី១។
ក្រោយពេលសាកសួរ ជនសង្ស័យទាំង៦នាក់ខាងលើបានឆ្លើយបដិសេធរៀងៗខ្លួនថា ថ្នាំញៀនខាងលើ មិនដឹងជារបស់នណាម្នាក់នោះឡើយ បន្ទាប់មក សមត្ថកិច្ចនគរបាលប៉ុស្តិ៍ចោមចៅទី១បានបញ្ជូនជនសង្ស័យខាងលើទៅជំនាញព្រហ្មទណ្ឌខណ្ឌពោធិ៍សែនជ័យដើម្បីសាកសួរបន្ត និងដើម្បីចាត់ការតាមនីតិវិធី ៕
ចែករំលែកព័តមាននេះ