ម៉េច​ចឹ​ង​ទៅ​វិញ​នោះ​…​សល់​ដង្ហើមចង្រិត


រាជធានី​ភ្នំពេញ ៖ យុវជន​៣​នាក់​ប្រុស​ម្នាក់ និង​ស្រី​២​នាក់​ជិះ​ម៉ូតូ​មួយ​គ្រឿង​ម៉ាក MSX ពណ៌​ស បើក​ឆ្លងផ្លូវ​ច្រមុះជ្រូក បើក​ទៅ​ត្រង់​មិន​បាន​ប្រយ័ត្ន​រថយន្ត​ដឹក​ទឹកកក​បើក​បុក​ពេញទំហឹង បណ្តាល​អោយ​រង​របួសធ្ងន់​ទាំង​៣​នាក់​សល់​ដង្ហើមចង្រិត ។

ចំណែកឯ​ម៉ូតូ​នឹង​រថយន្ត​ខូចខាត​ធ្ងន់ធ្ងរ ហេតុការណ៍​នេះ​បាន​កើតឡើង​កាលពី​វេលា​ម៉ោង​៤​ទាប​ភ្លឺ ថ្ងៃ​ទី​៨ ខែមករា ឆ្នាំ​២០១៩ តាម​បណ្តោយ​ផ្លូវ​សហព័ន្ធ​រុ​ស្សី​កែង​ផ្លូវ​១២១៥ នៅ​ចំណុច​មុខ​ក្រសួងការពារជាតិ ស្ថិត​នៅ​ក្នុង​សង្កាត់​មិត្តភាព​ខណ្ឌ​៧​មក​រា ។

តាម​ប្រភព​ព័ត៌មាន​ពី​សាក្សី​ដែល​ឃើញ​ហេតុការណ៍​បានអោយ​ដឹង​ថា មុន​ពេល​កើតហេតុ​គេ​បានឃើញ​យុវជន​៣​នាក់ ជិះ​ម៉ូតូ​មួយ​គ្រឿង​ម៉ាក MSX ពណ៌​ស ពាក់​ស្លាក​លេខ​ភ្នំពេញ​1DD- 0511 បើកបរ​តាម​បណ្តោយ​ផ្លូវ​សហព័ន្ធ​រុ​ស្សី​ក្នុង​ទិស​ដៅ​ពី​លិចទៅ​កើត ខណៈ​ពេល​បើក​មក​ដល់​ចំណុច​កើតហេតុ​ខាងលើ​នេះ គាត់​បើក​ឆ្លងផ្លូវ​ច្រមុះជ្រូក​ម៉ូតូ MSX បើក​ទៅ​ត្រង់​មិន​បាន​ប្រយ័ត្ន​នោះ​ទេ ក៏​ស្រាប់តែ​មាន​រថយន្ត​កូរ៉េ​ដឹក​កក ពណ៌​ខៀវ ពាក់​ស្លាក​លេខ​ភ្នំពេញ 2X- 3461​បើកបរ​តាម​បណ្តោយ​ផ្លូវ​សហព័ន្ធ​រុ​ស្សី​ក្នុង​ទិស​ដៅ​ពី​កើត​ទៅ​លិច បើកបរ​ក្នុង​ល្បឿន​យ៉ាង​លឿន ខណៈ​ពេល​ដែល​មក​ដល់​ផ្លូវ​ឆ្លង​ធ្វើ​អោយ​ជ្រុល​ចាប់​ហ្វ្រាំង​អត់​ទាន់​បុក​ម៉ូតូ MSX ចំ​ពីមុខ​ពេញទំហឹង បណ្តាល​អោយ​ខ្ទេច​ម៉ូតូ​ស្ទើរ​មួយ​រយ​ភាគរយ ហើយ​រង​របួសធ្ងន់​ទាំង​៣​នាក់ រីឯ​រថយន្ត​បង្ក​វិញ​ខូចខាត​ខ្ទេច​អស់​មួយ​កំណាត់​ខាង​មុខ និង​បែក​កញ្ចក់​មុខ ។

ភ្លាម​ៗ​នោះ​ដែរ​ជន​រង​គ្រោះ​ទាំង​៣​នាក់​ត្រូវ​បាន​មិត្តភក្តិ​ដឹក​ទៅ​តាម​ម៉ូតូ​កង់​បី​យក​ទៅ​ព្យាបាល​នៅ​មន្ទីរពេទ្យ​កាល់​ម៉ែត្រ រីឯ​ម្ចាស់​រថយន្ត​វិញ​បាន​រត់​ចោល​រថយន្ត​គេចខ្លួន​បាត់​ស្រមោល ។

ក្រោយ​ពេល​កើតហេតុ​រថយន្ត​បង្ក​ត្រូវ​បាន​សមត្ថកិច្ច​ធ្វើការ​វាស់វែង​យក​ទៅ​រក្សា​ទុក​នៅ​ការិយាល័យ​ចរាចរណ៍​ផ្លូវគោក​រង​ចាំ​ដោះស្រាយ​គ្នា​នៅ​ពេល​ក្រោយ​ទៀត ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ