ខេត្តព្រៃវែង ៖ ពិតជាសាហាវហួសថ្លែង ហើយក៏គ្មានអ្នកណានឹកស្មានដល់ដែលយុវជនម្នាក់ ត្រូវឪពុកមារបស់ខ្លួនប្រើពូថៅ និងកាំបិតកាប់ឡើងសុសសាច់នៅក្នុងស្រែ ដោយសារតែគំនុំបន្តិចបន្តួចពេលផឹកស៊ីកាលពី៤ឆ្នាំមុន ។ ហេតុការណ៍នេះ កើតឡើងកាលពីវេលាម៉ោង១២និង១៥នាទីថ្ងៃត្រង់ថ្ងៃទី៧…
ខេត្តព្រៃវែង ៖ ពិតជាសាហាវហួសថ្លែង ហើយក៏គ្មានអ្នកណានឹកស្មានដល់ដែលយុវជនម្នាក់ ត្រូវឪពុកមារបស់ខ្លួនប្រើពូថៅ និងកាំបិតកាប់ឡើងសុសសាច់នៅក្នុងស្រែ ដោយសារតែគំនុំបន្តិចបន្តួចពេលផឹកស៊ីកាលពី៤ឆ្នាំមុន ។ ហេតុការណ៍នេះ កើតឡើងកាលពីវេលាម៉ោង១២និង១៥នាទីថ្ងៃត្រង់ថ្ងៃទី៧ ខែមករា
នៅវាលស្រែមួយក្នុងភូមិព្រែកតាសរ ឃុំអ្នកលឿង ស្រុកពាមរក៍ ។
ជនដៃដល់ឈ្មោះ មាស សាវ៉ាន ហៅសុខ អាយុប្រមាណ៣០ឆ្នាំ មានទីលំនៅក្នុងភូមិ ឃុំ ខាងលើ ត្រូវជាឪពុកមាសាច់ឆ្ងាយរបស់ជនរងគ្រោះ ។ ចំណែកជនរងគ្រោះឈ្មោះ រុន ចិត្រា អាយុ២៣ឆ្នាំ មានទីលំនៅ ក្នុងភូមិអ្នកលឿង ឃុំអ្នកលឿងដែរ ។ ប្រភពព័ត៌មានពីក្រុមគ្រួសារជនរងគ្រោះឲ្យដឹងថា ជនដៃដល់និងជនរងគ្រោះ ធ្លាប់មានទំនាស់ជាមួយគ្នានៅក្នុងវង់ផឹកស៊ីកាលពីឆ្នាំ២០១៥ ហើយក្រោយមក ជនដៃដល់ធ្លាប់បានយកកាំបិតផ្គាក់ដេញកាប់ម្តងដែរ ប៉ុន្តែជនរងគ្រោះរត់គេចខ្លួនទាន់ ។
បន្ទាប់ពីនោះមក ជនដៃដល់មិនដែលមានសកម្មភាពអ្វីទៀតទេ ទើបធ្វើឲ្យបងប្អូនសាច់ញាតិ រួមទាំងជនរងគ្រោះជាក្មួយលែងចាប់អារម្មណ៍ ។ លុះមកដល់ថ្ងៃកើតហេតុ ពេលជនរងគ្រោះទៅឈរមើលម៉ាស៊ីនច្រូត ស្រូវójyខ្លួន ក៏ត្រូវជនដៃដល់លបកាប់តែម្តង ។ ដោយឡែក សាក្សីនៅកន្លែងកើតហេតុនិយាយថា ខណៈជនរងគ្រោះកំពុងឈរមើលម៉ាស៊ីនច្រូត ដែលកំពុងច្រូតស្រូវរបស់ខ្លួន ស្រាប់តែជនដៃដល់ជិះម៉ូតូទៅជិតជនរងគ្រោះ ហើយភ្លាមនោះ ជនរងគ្រោះបានសួរថា ពូឯងមកធ្វើអី? ស្រាប់តែជនដៃដល់ទាញពូថៅគប់ទៅលើត្រូវចំខ្នងជាប់ផ្លែពូថៅចំកណ្តាលខ្នង ។
ភ្លាមៗនោះ ជនរងគ្រោះព្យាយាមរត់បាន៣ ទៅ៤ម៉ែត្រ ក៏ដួលទៅក្នុងស្រូវរបស់អ្នកស្រុក ចំណែកជនដៃដល់ក៏កាន់កាំបិតតាមទៅកាប់៣ ទៅ៤កាំបិតទៀត ទើបជនរងគ្រោះស្ទុះរត់មកដល់ចិញ្ចើមថ្នល់ត្រង់ផ្លូវបំបែកជា៤ ក៏ត្រូវជនដៃដល់តាមទាន់ ហើយកាប់ជាច្រើនកាំបិតទៀត ទើបអ្នកស្រុកស្រែកឆោឡោឡើង ។ ពេលនោះ ជនដៃដល់ក៏ត្រូវប្រពន្ធអូសដៃរត់គេចខ្លួនបាត់ទៅ ចំណែកជនរងគ្រោះត្រូវបានក្រុមគ្រួសារ ដឹកតាមរថយន្តនាំយកទៅសង្គ្រោះបន្ទាន់នៅឯរាជធានីភ្នំពេញភ្លាមៗ ដែលរហូតមកដល់ពេលនេះមិនដឹងថាស្លាប់ ឬរស់យ៉ាងណាទេ ។
ប្រភពដដែលបញ្ជាក់ថា ក្រោយពេលកើតហេតុជាងកន្លះម៉ោង ទើបគេឃើញសមត្ថកិច្ចអាវុធហត្ថ និងនគរបាលស្រុកទៅដល់ ប៉ុន្តែបានត្រឹមតែធ្វើកំណត់ហេតុប៉ុណ្ណោះ ព្រោះជនដៃដល់ក៏រត់បាត់ ឯជនរងគ្រោះក៏ទៅមន្ទីរពេទ្យផុតអស់ហើយ ។
ចែករំលែកព័តមាននេះ