អាជ្ញាធរក្រុងវ៉េនីស ប្រទេសអីុតាលីបានអនុម័តឲ្យបង់ថ្លៃចូលទស្សនាក្រុងពីភ្ញៀវទេសចរក្នុងមា្នាក់១០អឺរ៉ូ លើភ្ញៀវដែលចូលរយៈពេលខ្លីដើម្បីយកចំណូលមួយផ្នែកទៅអភិវឌ្ឍន៍ និងថែទាំទីក្រុង ។ ការតម្រូវឲ្យបង់ថ្លៃក្រោយពីពលរដ្ឋក្រុងវ៉េនីសភាគច្រើនបានបន្ទោសថាក្រុមហ៊ុនទេសចរណ៍ធំៗដែលនាំអ្នកទេសចរចូលទស្សនាក្នុងទីក្រុងធ្វើឲ្យសោភ័ណភាពរបស់ក្រុងរងការខូចខាត ។ លោកល្វីជី ប្រ៊ុងណារ៉ូ (Luigi…
អាជ្ញាធរក្រុងវ៉េនីស ប្រទេសអីុតាលីបានអនុម័តឲ្យបង់ថ្លៃចូលទស្សនាក្រុងពីភ្ញៀវទេសចរក្នុងមា្នាក់១០អឺរ៉ូ លើភ្ញៀវដែលចូលរយៈពេលខ្លីដើម្បីយកចំណូលមួយផ្នែកទៅអភិវឌ្ឍន៍ និងថែទាំទីក្រុង ។
ការតម្រូវឲ្យបង់ថ្លៃក្រោយពីពលរដ្ឋក្រុងវ៉េនីសភាគច្រើនបានបន្ទោសថាក្រុមហ៊ុនទេសចរណ៍ធំៗដែលនាំអ្នកទេសចរចូលទស្សនាក្នុងទីក្រុងធ្វើឲ្យសោភ័ណភាពរបស់ក្រុងរងការខូចខាត ។
លោកល្វីជី ប្រ៊ុងណារ៉ូ (Luigi Brugnaro) ចៅហ្វាយក្រុងវ៉េនីសថ្លែងថាការប្រមូលថ្លៃចូលទស្សនាទីក្រុងក្នុងតម្លៃនោះប្រៀបដូចជាពន្ធនៃការចូលក្រុង ដែលភ្ញៀវទេសចរត្រូវបង់នឹងជួយឲ្យរដ្ឋបាលក្រុងមានប្រាក់ច្រើនក្នុងការថែរក្សា និងការពារទេសភាពរបស់ក្រុងបន្តទៀត ។
របាយការណ៍បញ្ជាក់ថាអាជ្ញាធរក្រុងវ៉េនីសកំពុងត្រៀមប្រមូលថ្លៃចូលទស្សនាទីក្រុងពីភ្ញៀវទេសចរក្នុងម្នាក់ពី២,៥០ទៅ៥អឺរ៉ូ ប៉ុន្តែបើស្ថិតក្នុងអំឡុងពេលមានភ្ញៀវចូលមកច្រើននៅរដូវក្ដៅអាចប្រមូលប្រហែល១០អឺរ៉ូ និងគ្រោងប្រមូលក្នុងរដូវក្ដៅឆ្នាំ២០១៩នេះតទៅ ៕
ចែករំលែកព័តមាននេះ