ខេត្តតាកែវ ៖ នាពេលថ្មីៗនេះមានករណីរំលោភសេពសន្ថវៈមួយបានកើតឡើងនៅភូមិត្រពាំងទន្លាប់ ឃុំស្រែរនោង ស្រុកត្រាំកក់ ខេត្តតាកែវ ។ នារីជាជនរងគ្រោះអាយុ១៣ឆ្នាំ (ជាអនីតិជន)។ ហេតុ…
ខេត្តតាកែវ ៖ នាពេលថ្មីៗនេះមានករណីរំលោភសេពសន្ថវៈមួយបានកើតឡើងនៅភូមិត្រពាំងទន្លាប់ ឃុំស្រែរនោង ស្រុកត្រាំកក់ ខេត្តតាកែវ ។ នារីជាជនរងគ្រោះអាយុ១៣ឆ្នាំ (ជាអនីតិជន)។ ហេតុ ការណ៍នេះបានកើតជាយូរខែមកហើយ តែមិនទាន់បែកការណ៍នោះទេ ទើបពេលនេះដោយឃើញកុមារីរងគ្រោះមានពោះធំទៅៗ ឪពុកម្តាយនាំយកទៅពេទ្យពិនិត្យទើបដឹងច្បាស់ ហើយមានកូននៅក្នុងផ្ទៃរហូត៧ខែទៅហើយ ទើបមានភ្ញាក់ផ្អើលតែម្តង ។
ក្នុងករណីនេះគ្រួសារជនរងគ្រោះបានដាក់ពាក្យបណ្តឹងទៅប៉ុស្តិ៍ប៉ូលិសឃុំស្រែរនោង រួចហើយលោកមេប៉ុស្តិ៍ក៏បានហៅភាគីរងគ្រោះទៅសាកសួររួចហើយដែរ ។ ចំណែកឯជនសង្ស័យដែលធ្វើសកម្មភាពរំលោភនោះមានឈ្មោះ ខឹម ញេប អាយុ៥០ឆ្នាំ មុខរបរថៅកែគោ រស់នៅភូមិ-ឃុំជាមួយគ្នា ។ បើតាមសម្តីកុមារីរងគ្រោះបានប្រាប់ថា ជនសង្ស័យរំលោភបានសម្រេចចំនួន៤ដង តាំងពី៦ទៅ៧ខែមុនរហូតមកដល់ពេលនេះ ហើយនាងមិនហ៊ានប្រាប់ម្តាយទេ ព្រោះខ្លាចម្តាយវាយ ។
ក្រុមគ្រួសារជនរងគ្រោះបាននិយាយថា ក្រោយពីមានការប្តឹងហើយមេប៉ុស្តិ៍កំបានហៅឈ្មោះ ខឹម ញេប ទៅសាកសួរដែរ តែក្រោយមកក៏មានការដោះលែងឲ្យមានសេរីភាពធម្មតាវិញ ដោយពួកគេមិនទាន់ទទួលបានពន្លឺយុត្តិធម៌នៅឡើយ ។ ប្រភពពីមន្ត្រីតូចតាចម្នាក់សូមមិនបញ្ចេញឈ្មោះបាននិយាយថា ការដោះជនសង្ស័យខាងលើនេះ ជាថ្នូរនឹងលុយ តែមិនដឹងចំនួនប៉ុន្មាននោះទេ ។
លោក សុខ វិជ្ជា អធិការងស្រុកត្រាំកក់បានឲ្យអង្គភាពយើងដឹងនៅថ្ងៃទី៤ មករា ២០១៩ នេះថា ចំពោះការដោះលែងជនសង្ស័យដោយសារតែជនសង្ស័យបដិសេធចំពោះចម្លើយដែលបានសួរ។ លោកអធិការងក៏បានប្រាប់ថា រឿងដោះលែងនេះ លោកក៏បានឆ្លងយោបល់ពីព្រះរាជអាជ្ញាអមលាសាបូងខេត្តរួចហើយ ព្រោះវាជារឿងស៊ើបអង្កេត ហើយក៏រង់ចាំលទ្ធផលចេញពីពេទ្យសិន ទើបធ្វើការស្រាវជ្រាវបន្ត មិនមែនដោះលែងជាថ្នូរនឹងលុយនោះទេ ។
ព័ត៌មានពិស្តារនឹងមានផ្សាយជូននៅកាសែតកោះសន្តិភាព
ចែករំលែកព័តមាននេះ