ខេត្តព្រះសីហនុ ៖ តាមប្រភពព័ត៌មានពីសមត្ថកិច្ចស្រុកព្រៃនប់បានអោយដឹងថា កាលវេលាម៉ោង២និង២០នាទីឈានចូលថ្ងៃទី១ ខែមករា ឆ្នាំ២០១៩ មានករណីគ្រោះថ្នាក់ចរាចរណ៍មួយបានកើតឡើងលើដងផ្លូវជាតិលេខ៣(វាលរេញ-កំពត) ចន្លោះគីឡូ១៩៥-១៩៦ ស្ថិតក្នុងភូមិបឹងរាំង ឃុំសាមគ្គីស្រុកព្រៃនប់ខេត្តព្រះសីហនុ…
ខេត្តព្រះសីហនុ ៖ តាមប្រភពព័ត៌មានពីសមត្ថកិច្ចស្រុកព្រៃនប់បានអោយដឹងថា កាលវេលាម៉ោង២និង២០នាទីឈានចូលថ្ងៃទី១ ខែមករា ឆ្នាំ២០១៩ មានករណីគ្រោះថ្នាក់ចរាចរណ៍មួយបានកើតឡើងលើដងផ្លូវជាតិលេខ៣(វាលរេញ-កំពត) ចន្លោះគីឡូ១៩៥-១៩៦ ស្ថិតក្នុងភូមិបឹងរាំង ឃុំសាមគ្គីស្រុកព្រៃនប់ខេត្តព្រះសីហនុ ។
ហេតុការណ៍ខាងលើនេះបង្កឡើងដោយរថយន្តមួយគ្រឿងមិនស្គាល់ម៉ាក បើកបរក្នុងទិសដៅពីកំពតមកវាលរេញ លុះមកដល់ចំណុចកើតហេតុខាងលើបានបុកពីក្រោយម៉ូតូចំនួន២គ្រឿង ក្នុងនោះមួយគ្រឿងម៉ូតូម៉ាកហុងដា ធុនសេ១២៥ ពណ៌ខ្មៅ ពាក់ស្លាកលេខ កំពត ១A-០១៨៥ (មានអ្នករួមដំណើរចំនួន៣នាក់) និងមួយគ្រឿងទៀតម៉ូតូម៉ាកហុងដា សេ១២៥ ពណ៌ខ្មៅ ពាក់ស្លាកលេខ ព្រះសីហនុ ១F-០០៨២ (មានអ្នករួមដំណើរចំនួន២នាក់) ។
ក្នុងគ្រោះថ្នាក់ខាងលើនេះបណ្ដាលឱ្យស្លាប់បុរសម្នាក់ និងរងរបួសធ្ងន់ចំនួន៤នាក់ (ប្រុសទាំងអស់) ។ ក្រោយកើតហេតុ រថយន្តខាងបានបើកគេចបាត់តែម្តង ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ