រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា មានគ្រោះថ្នាក់ចរាចរណ៍មួយបានកើតឡើងរវាងរថយន្តមួយគ្រឿង (ត្រូវបានគេអះអាងថាជារថយន្តដឹកទឹកកក) បានបុកជាមួយម៉ូតូមួយគ្រឿង បណ្តាលឱ្យបុរសម្នាក់ស្លាប់នៅនឹងកន្លែង ។ ហេតុការណ៍ខាងលើនេះបានកើតឡើងកាលពីវេលាម៉ោង៤រសៀលថ្ងៃទី៣១ ធ្នូ…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា មានគ្រោះថ្នាក់ចរាចរណ៍មួយបានកើតឡើងរវាងរថយន្តមួយគ្រឿង (ត្រូវបានគេអះអាងថាជារថយន្តដឹកទឹកកក) បានបុកជាមួយម៉ូតូមួយគ្រឿង បណ្តាលឱ្យបុរសម្នាក់ស្លាប់នៅនឹងកន្លែង ។
ហេតុការណ៍ខាងលើនេះបានកើតឡើងកាលពីវេលាម៉ោង៤រសៀលថ្ងៃទី៣១ ធ្នូ ឆ្នាំ២០១៨ តាមផ្លូវ២០១១ នៅចំណុចភូមិច្រែស សង្កាត់គោកឃ្លាង ខណ្ឌសែនសុខ ។
ជនរងគ្រោះដែលស្លាប់ឈ្មោះសៀវ ជឿន ភេទប្រុស អាយុ៣៨ឆ្នាំ ជាកម្មកររថយន្តបាញ់បេតុង មានទីលំនៅនៅភូមិទឹកលិច ឃុំក្រាំងអំពិល ស្រុកគងពិសី ខេត្តកំពង់ស្ពឺ ជាអ្នកបើកបរម៉ូតូមួយគ្រឿងពាក់ស្លាកលេខ កំពង់ស្ពឺ ១G-១៧០៨ ។
តាមប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុ គេឃើញជនរងគ្រោះជិះម៉ូតូមួយគ្រឿងធ្វើដំណើរក្នុងទិសដៅពីជើងមកត្បូង លុះមកដល់ចំណុចកើតហេតុខាងលើ ស្រាប់តែមានរថយន្តមួយគ្រឿង ដែលគេអះអាងថាជារថយន្តដឹកទឹកក បានបើកចេញពីសិប្បកម្មផលិតទឹកកកដែលនៅខាងលិចផ្លូវបានបុកម៉ូតូ បណ្តាលឱ្យអ្នកបើកបរម៉ូតូស្លាប់នៅនឹងកន្លែងកើតហេតុ ហើយរថយន្តដឹកទឹកកនោះក៏បានបើកគេចទៅបាត់ស្រមោល ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ