អ្នក​បើកឡាន​ទំនើប​…គឺចិន​បុក​ខ្មែរ​ស្លាប់​២​​នាក់


​ខេត្តបាត់ដំបង​ ៖ បើតាម​​លោក​គឹ​ម ពន្លក អធិការ​ស្រុក​កំ​រៀង​បាន​ប្រាប់​កោះសន្តិភាព នៅ​ព្រឹក​ថ្ងៃ​ទី​៣១​ធ្នូ ​នេះ​ថា លើករណីគ្រោះថ្នាក់ចរាចរណ៍កាលពីយប់មិញនោះ គឺ​រថយន្ត​ដែល​បើកបរ​ដោយ​ជនជាតិ​ចិន
​២​នាក់​ប្ដី​ប្រពន្ធគឺ​ធ្វើ​ដំណើរ​​ក្នុង​គោលដៅ​ផ្ទុយ​គ្នា​ ជាមួយ​ជន​រង​គ្រោះ​ដែល​ជិះ​ម៉ូតូ​ ។ លោក​អធិការ​បាន​បញ្ជាក់​​ថា បើ​តាម​ការ​ពិនិត្យ​ស្លាកស្នាម​កន្លែង​កើតហេតុ គឺ​ភាគី​រថយន្ត​បាន​បើក​ឆ្លង​ហួស​គំនូស​ទ្រូង​ថ្នល់ ​ជ្រុល​ទៅ​បុក​អ្នក​ជិះ​ម៉ូតូ​ ដែល​កំពុង​ធ្វើ​ដំណើរ​ក្នុង​ទិស​ដៅ​ផ្ទុយ​គ្នា​ ។ ក្រោយ​ពេល​កើតហេតុ​ សមត្ថកិច្ច​របស់​លោក​បាន​​ឃាត់ខ្លួន​អ្នកបើកបរ​រថយន្ត​ដែល​ជា​ជនជាតិ​ចិន​នោះ​ហើយ​។ ពេល​នេះ​ ទាំង​អ្នកបើកបរ​រថយន្ត​បង្ក​ទាំង​រថយន្ត​កំពុង​ឃាត់​នៅ​អធិការ​ស្រុក​កំ​រៀង និង​កំពុង​ដោះស្រាយ​ជាមួយ​ក្រុម​គ្រួសារ​ជន​រង​គ្រោះ​នៅ​ឡើយ​ ។

គួររំលឹកថា ក្មេង​ប្រុស​ជំទង់​ចំនួន​២​នាក់ ​ត្រូវ​បាន​រថយន្ត​ស៊េរី​ទំនើប​មួយ​គ្រឿង​ ដែល​បើកបរ​ដោយ​ជន​ជាតិ​ចិន​បុក​ស្លាប់​កាលពី​វេលា​ម៉ោង​០៦ និង៣០​នាទី​​យប់​​ថ្ងៃ​ទី​៣០ ធ្នូ ស្ថិត​នៅ​លើ​ដងផ្លូវ ត្រង់​ចំណុច​ភូមិ​ស្វាយ​ធំ ឃុំ​បឹង​រាំង ស្រុក​កំ​រៀង ​​ខណៈ​កំពុង​ជិះ​ម៉ូតូ​ក្នុង​ទិស​ដៅ​ផ្ទុយ​គ្នា​។​

​​ជន​រង​គ្រោះ​ទាំង​២​នាក់​នោះ​ ម្នាក់​ឈ្មោះ​ដាវ ចាន់​ណា ភេទប្រុស​ អាយុ​១៦​ឆ្នាំ និង​ម្នាក់​ទៀត​​ឈ្មោល ប៉ូ​លី​ន ភេទ​ប្រុស​ អាយុ​១៥​ឆ្នាំ ពួក​គេ​ជា​កម្មករ​ផ្សារ​ដែក និង​រស់នៅ​ភូមិ​ស្វាយ​ធំ ឃុំ​បឹង​រាំង ស្រុក​កំ​រៀង ជិះ​ម៉ូតូ​ម៉ាក​ហុងដា​ឌ្រី​ម ពាក់​ស្លាក​លេខ ប៉ៃលិន​1B-3337 ។ ដោយឡែក​ ជនជាតិ​ដែល​បើករថយន្ត​បុក​ពលរដ្ឋ​ខ្មែរ​ស្លាប់​​នេះ គេ​មិន​ទាន់​ស្គាល់ឈ្មោះ​នៅឡើយ​ទេ តែ​ត្រូវ​កម្លាំង​នគរបាល​ស្រុក​កំ​រៀង​ឃាត់ខ្លួន​បន្ទាប់​ពី​បង្ក​គ្រោះថ្នាក់​។ សមត្ថកិច្ច​បាន​ប្រាប់​ថា ជនជាតិ​ចិន​បើករថយន្ត​សេរី​ទំនើប​ម៉ាក់ PORSCHE ព​ណ៍​ស​ពាក់​ស្លាក​លេខ​2AJ-7162​។​

​បើ​តាម​ប្រភព​​​បាន​ឲ្យ​ដឹង​ថា រថយន្ត​ស៊េរី​ទំនើប​បង្ក​ គ្រោះថ្នាក់​នោះ​បើកបរ​ដោយ​ជនជាតិ​ចិន និង​មាន​ស្ត្រី​ម្នាក់​រួម​ដំណើរ​ផង​ ដែល​ទំនងជា​ភរិយា​បុរស​ជនជាតិ​ចិន​នោះ​ ។ ប្រភព​ដដែល​បាន​បន្ត​ទៀត​ថា ពេល​បង្ក​គ្រោះថ្នាក់ សមត្ថកិច្ច​បាន​ចុះ​អន្តរា​គម​ន៍ ​និង​បាន​ឃាត់ខ្លួន​បុរស​ជនជាតិ​ចិន​នោះ​ភ្លាម​ៗ​ដែរ ខណ​:​អ្នក​ជិះ​ម៉ូតូ​ម្នាក់​បាន​ស្លាប់​នៅ​កន្លែង​កើតហេតុ រីឯ​ម្នាក់​ទៀត​របួសធ្ងន់​ត្រូវ​បាន​គេ​បញ្ជូន​ភ្លាម​ៗ​ទៅ​កាន់​មន្ទីរពេទ្យ តែ​បន្តិច​ក្រោយមក​ជន​រង​គ្រោះ​បាន​ស្លាប់​ទាំង​២​នាក់​តែ​ម្ដង ​។​

Facebook Google Twitter Email

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ