បុរស៣នាក់នាំគ្នាធ្វើអីៗលើនារីម្នាក់រហូតបានសម្រេច

ថ្ងៃទី ៣១ ខែ ធ្នូ ឆ្នាំ ២០១៨
ម៉ោង ១១:១០
ប៉ឹង ឆដា

ខេត្តកណ្តាល ៖ ជនសង្ស័យបីនាក់បានត្រូវនគរបាលស្រុកកោះធំធ្វើការឃាត់ខ្លួនចាប់វាយខ្នោះ ខណៈដែលនាំគ្នាទៅចាប់នារីម្នាក់កំពុងអង្គុយផឹកនៅមាត់ទន្លេ ហើយបីយកទៅគុម្ពោតព្រៃក្បែរមាត់ទន្លេ ធ្វើសកម្មភាពរំលោភម្នាក់ម្តងៗបានសម្រេច ហេតុការណ៍នេះបានកើតឡើងនៅថ្ងៃទី៣០ ខែធ្នូ ឆ្នាំ២០១៨ នៅចំណុចគុម្ពោតព្រៃក្បែរមាត់ទន្លេ ខេត្តកណ្ដាល ។

ជនរងគ្រោះឈ្មោះ អាយុ២០ឆ្នាំ ជនជាតិខ្មែរ មានទីលំនៅ ខេត្តកណ្ដាល មុខរបរនៅផ្ទះ។ ជនសង្ស័យទី០១-ឈ្មោះ លន ហ៊ីម អាយុ៣២ឆ្នាំ ជនជាតិខ្មែរ មានទីលំនៅភូមិសំចត ឃុំព្រៃកប្បាស ស្រុកព្រៃកប្បាស ខេត្តតាកែវ មុខរបរថៅកែមេនដុតខ្មោច ទី០២-ឈ្មោះ ស្រ៊ិន ស្រ៊ អាយុ១៨ឆ្នាំ ជនជាតិខ្មែរ មានទីលំនៅភូមិ ដើមពោធិ៍ឃុំព្រៃកប្បាស ស្រុកព្រៃកប្បាស ខេត្តតាកែវ មុខរបរកម្មករមេនដុតខ្មោច ទី០៣-ឈ្មោះ ចក់ ណាក់ អាយុ២០ឆ្នាំ ជនជាតិខ្មែរ មានទីលំនៅភូមិដើមពោធិ៍ ឃុំព្រៃកប្បាស ស្រុកព្រៃកប្បាស ខេត្តតាកែវ មុខរបរកម្មករមេនដុតខ្មោច ។

នគរបាលស្រុកកោះធំបានអោយដឹងថា នៅមុនពេលកើតហេតុខាងលើនាវេលាម៉ោង០៦ល្ងាច ជនរងគ្រោះ និងមិត្តភក្តិស្រីៗបាននាំគ្នាជិះកង់ចេញពីផ្ទះម្នាក់មួយគ្រឿងទៅលេងផ្ទះមិត្តភក្កិម្នាក់ទៀតនៅផ្សារព្រែកប៉ុក ខេត្តកណ្ដាល ។ នៅទីនោះបានបន្តិចពួកគេក៏ជិះកង់ត្រឡប់មកវិញ ពេលមកដល់ជិតវត្តព្រែកស្ដី ពួកគេក៏បានទិញស្រា ចំនួន៤កំប៉ុង ហើយនាំគ្នាទៅផឹកនៅមាត់ទន្លេខាងមុខវត្តព្រែកស្ដី ដែលជាកន្លែងពួកគេធ្លាប់ទៅលេងនៅទីនោះជាញឹកញាប់ ។

នៅពេលដែលកំពុងផឹក ក៏ស្រាប់តែបក្ខពួកជនសង្ស័យទាំងបីនាក់ ដែលគេជួលមេនមកបូជាសពនៅក្បែរនោះបាននាំគ្នាដើរទៅសុំផឹកជាមួយជនរងគ្រោះ និងមិត្តភក្ដិរបស់ជនរងគ្រោះ ហើយជនសង្ស័យបានយកស្រាបៀររបស់ពួកគេទៅជាមួយផងដែរ ។ លុះដល់ពេលកើតហេតុខាងលើ ខណៈពេលដែលមិត្តភក្កិរបស់ជនរងគ្រោះ បានជិះកង់ទៅទិញទឹកដោយទុកអោយជនរងគ្រោះនៅជាមួយនឹងបក្ខពួកជនសង្ស័យ នៅពេលនោះស្រាប់តែជនសង្ស័យឈ្មោះ ស្រ៊ិន ស្រ៊ បានចាប់បីជនរងគ្រោះយកទៅដល់ចំណុចកើតហេតុខាងលើត្រង់គុម្ពោតព្រៃក្បែរមាត់ទន្លេ ក៏បានដាក់នាងចុះទៅលើដី រួចធ្វើសកម្មភាពចាប់ស្រាតខោជនរងគ្រោះចេញ ហើយរូបគេក៏បានធ្វើសកម្មភាពរំលោភសេពសន្ទវៈ ទៅលើនារីរងគ្រោះរហូតបានសម្រេចមួយដងក៏លើកខោស្លៀកដើរចេញទៅដោយបន្សល់ទុកខ្សែក្រវាត់នៅកន្លែងកើតហេតុ។

ភ្លាមនោះបក្ខពួករបស់គេពីរនាក់ទៀត គឺឈ្មោះ ចក់ ណាក់ និង លន ហ៊ីម បានចូលទៅរំលោភសេពសន្ថវៈលើនារីរងគ្រោះបន្តបន្ទាប់គ្នារហូតបានសម្រេចម្នាក់មួយលើកដែរ ។ ចំណែកនារីរងគ្រោះនៅពេលនោះខំស្រែកតែត្រូវពួកគេយកដៃខ្ទប់មាត់ នាងគិតតែយំប៉ុណ្ណោះ ។

ក្រោយពីធ្វើសកម្មភាពរួចជនសង្ស័យទាំង៣នាក់ក៏បានដើរទៅកន្លែងមេនដុតខ្មោចរបស់ពួកគេវិញទៅ ចំណែកនារីរងគ្រោះក៏បានដើរមករកមិត្តភក្ដិខ្លួនស្របពេលនោះក៏ត្រូវបានកម្លាំងនគរបាលល្បាតមកដល់ទើបជនរងគ្រោះបានរាយការណ៍ប្ដឹងសមត្ថកិច្ចនឹងនាំទៅចង្អុលមុខជនសង្ស័យទាំងបីនាក់ ហើយសមត្ថកិច្ចក៏បានឃាត់ខ្លួនជនសង្ស័យទាំងបីនាក់មកកាន់អធិការដ្ឋាននគរបាលស្រុកកោះធំ ដើម្បីបន្តចាត់ការតាមនីតិវិធី ។

នៅចំពោះមុខសមត្ថកិច្ចជនសង្ស័យទាំងបីនាក់បានឆ្លើយសារភាពថា ពួកគេពិតជាបានធ្វើសកម្មភាពចាប់រំលោភសេពសន្ទវៈ ទៅលើជនរងគ្រោះម្នាក់ម្ដងរហូតបានសម្រេចប្រាកដមែន ដោយពុំមានប្រើប្រាស់ស្រោមអនាម័យទេ ក្រៅពីឈ្មោះ លន ហ៊ីម ដែលបានប្រើស្រោមអនាម័យ ។ បច្ចុប្បន្នជនសង្ស័យទាំងបីនាក់ត្រូវបានឃាត់ខ្លួនរួមជាមួយនឹងវត្ថុតាងដូចបានចាប់យកខាងលើនៅអធិការដ្ឋាននគរបាលស្រុកកោះធំ ដើម្បីបន្តចាត់ការតាមនីតិវិធី ៕