ខេត្តក្រចេះ៖ មន្ទីរព័ត៌មានខេត្តក្រចេះ នៅតែតម្រូវឲ្យអ្នកកាសែតដែលវត្តមាននៅខេត្ត មួយនេះមកបង្ហាញខ្លួន និងចុះបញ្ជីឈ្មោះអង្គភាពឲ្យបានត្រឹមត្រូវនៅនិងមន្ទីរ ប្រសិនបើអ្នកកាសែតទាំងនោះមិនអនុវត្តតាមដូចទៅតាមការណែនាំទេនោះ គឺត្រូវបានអាជ្ញាធរចាត់ទុកថា សកម្មភាពរបស់អ្នកកាសែតទាំងនោះ ជាសកម្មភាពខុសច្បាប់។ ការជូនដំណឹងរបស់មន្ទីរព័ត៌មានខេត្តក្រចេះ…
ខេត្តក្រចេះ៖ មន្ទីរព័ត៌មានខេត្តក្រចេះ នៅតែតម្រូវឲ្យអ្នកកាសែតដែលវត្តមាននៅខេត្ត មួយនេះមកបង្ហាញខ្លួន និងចុះបញ្ជីឈ្មោះអង្គភាពឲ្យបានត្រឹមត្រូវនៅនិងមន្ទីរ ប្រសិនបើអ្នកកាសែតទាំងនោះមិនអនុ
វត្តតាមដូចទៅតាមការណែនាំទេនោះ គឺត្រូវបានអាជ្ញាធរចាត់ទុកថា សកម្មភាពរបស់អ្នកកាសែតទាំងនោះ ជាសកម្មភាពខុសច្បាប់។
ការជូនដំណឹងរបស់មន្ទីរព័ត៌មានខេត្តក្រចេះ ដែលតម្រូវឲ្យអ្នកកាសែតដែលមានប្រើកាតសម្គាល់ខ្លួននិងកំពុងមានវត្តមាននៅខេត្តក្រចេះ មិនតិចពីជាង៥០០ស្ថាប័នអង្គភាពមកចុះបញ្ជីនេះ ក្រោយពីបានផ្សព្វ ផ្សាយសេចក្តីជូនដំណឹង មានរយៈពេលជាច្រើនខែមកនេះ គឺមានអ្នកកាសែតចំនួនតិចតួចប៉ុណ្ណោះដែលបានមកចុះបញ្ជីឈ្មោះ។
ប្រធានមន្ទីរព័ត៌មានខេត្តក្រចេះលោកស្រី ណៃ ធីតា បានបញ្ជាក់ប្រាប់ឲ្យដឹងនៅថ្ងៃទី ៣០ ខែធ្នូ នេះថា ប្រសិនបើអ្នកកាសែតដែលមិនបានចុះបញ្ជីឈ្មោះនៅមន្ទីរហើយចុះទៅ អនុវត្តការងារមិនប្រតីនោះ ត្រូវបានលោកស្រីចាត់ទុកថាជាសកម្មភាពខុសច្បាប់ ហើយអាជ្ញា ធរមូលដ្ឋានអាចមានសិទ្ឋចាត់វិធានការតាមផ្លូវច្បាប់បាន។
សេចក្តីរាយការណ៍ពីតំបន់នានានៅខេត្តក្រចេះបានឲ្យដឹងថា សព្វថ្ងៃនេះមានអ្នកកា សែតចំនួនជាង៥០០នាក់កំពុងតែប្រើប្រាស់តួនាទីក្នុងសកម្មភាពផ្តោតចំបងលើបទល្មើសព្រៃ ឈើ និងសកម្មភាពផ្សេងៗទៀត។
ការប្រមូលផ្តុំគ្នា ជាបណ្តុំកុងត្រូល ក៏ដូចជាការប្រដេញរថយន្តប្រម៉ាញ់រថយន្ត ឬក៏រឺម៉ក ដឹកឈើ នៅតាមផ្លូវជាតិ និងតាមផ្លូវនានា នៅតែជាកម្មភាពមួយដ៏ក្តៅគគុក ដែលបង្កឡើង ពីក្រុមអ្នកកាន់កាតកាសែត ក្នុងរូបភាពតាមប្រម៉ាញ់ផ្តិតយករូបភាពព័ត៌មាន។
សកម្មភាពរបស់អ្នកកាន់កាសែត ប្រុស ស្រី ក្មេសងចាស់ទាំងនេះ បានក្លាយជាក្តីបារម្ភ មួយដល់ពលរដ្ឋ ដែលបារម្ភពីភាពអសន្តិសុខក្នុងមូលដ្ឋាន ក៏ដូចជាការជាបារម្ភរបស់ អ្នកធ្វើដំណើរនៅលើផ្លូវដែលងាយនិងបង្កគ្រោះថ្នាក់ជាយថាហេតុ នៅពេលណាមួយនៅ ពេលក្រោយពីពួកគាត់មើលឃើញថា ផ្លូវសាធារណៈត្រូវបានធ្វើម្ចាស់ការដោយអ្នកកាសែត យកមកធ្វើជាបណ្តុំឬប្រដេញកាក់ដើម្បីធ្វើអាជីវកម្មទៅវិញនោះ។
ក្រុមមន្ត្រីបាននិយាយថា បញ្ហាសកម្មភាពអនាធិបតេយ្យរបស់អ្នកកាសែត ដែលកំពុង តែជៈឥទ្ឋិពលធ្ងន់ធ្ងរដល់ពលរដ្ឋនៅតាមមូលដ្ឋាន ត្រូវបានលើកយកមកជជែកក្នុងអង្គប្រជុំ នៅរាល់កិច្ចប្រជុំ ប្រចាំខែ របស់គណបញ្ជាការឯកភាពស្រុកនិងខេត្ត។
ជុំវិញការលើកឡើងនេះ ប្រធានមន្ទីរព័ត៌មានខេត្តក្រចេះលោកស្រី ណៃ ធីតា បាន បញ្ជាក់ថា នៅឆ្នាំ២០១៩នេះ មន្ទីរនិងស្រង់ទិន្នន័យលើចំនួនអ្នកកាសែតឲ្យបានច្បាស់លាស់ ដោយប្រើភ្នាក់ងារតាមបណ្តាស្រុក សហការជាមួយអាជ្ញាធរមូលដ្ឋាន ដើម្បីគ្រប់គ្រងតួរលេខ និងតាមដានមើលសកម្មភាពរបស់អ្នកកាសែត ហើយបើរកឃើញពីភាពមិនប្រក្រតីនោះមន្ទីរ និងបញ្ជូនឈ្មោះអ្នកកាសែតនិងអង្គភាពរបស់ពួកគេទៅក្រសួងដើម្បីមានវិធានការ ៕
ចែករំលែកព័តមាននេះ