រាជធានីភ្នំពេញ ៖ កាលពីថ្ងៃទី៨ កក្កដា ឆ្នាំ២០១៣ លោកឈឹម ផលវរុណ ប្រធានវិទ្យាស្ថានពលរដ្ឋវិទ្យាបានដាក់ពាក្យបណ្តឹងចូលសាលាដំបូងរាជធានីភ្នំពេញ ប្តឹងលោក ខឹម វាសនា ប្រធានគណបក្សសម្ព័ន្ធប្រជាធិបតេយ្យដែលមានទីស្នាក់ការស្ថិតនៅផ្ទះលេខ១០៦ ផ្លូវលេខ៣១៥ សង្កាត់បឹងកក់២ ខណ្ឌទួលគោក រាជធានីភ្នំពេញ ពីបទបរិហារកេរ្តិ៍ជាសាធារណៈក្លែងព័ត៌មាន និង
រាជធានីភ្នំពេញ ៖ កាលពីថ្ងៃទី៨ កក្កដា ឆ្នាំ២០១៣ លោកឈឹម ផលវរុណ ប្រធានវិទ្យាស្ថានពលរដ្ឋវិទ្យាបានដាក់ពាក្យបណ្តឹងចូលសាលាដំបូងរាជធានីភ្នំពេញ ប្តឹងលោក ខឹម វាសនា ប្រធានគណបក្សសម្ព័ន្ធប្រជាធិបតេយ្យដែលមានទីស្នាក់ការស្ថិតនៅផ្ទះលេខ១០៦ ផ្លូវលេខ៣១៥ សង្កាត់បឹងកក់២ ខណ្ឌទួលគោក រាជធានីភ្នំពេញ ពីបទបរិហារកេរ្តិ៍ជាសាធារណៈក្លែងព័ត៌មាន និងប្រមាថ បានប្រព្រឹត្តទៅនៅថ្ងៃទី៤ កក្កដា ឆ្នាំ២០១៣ ទាមទារប្រាក់ចំនួន១០ម៉ឺនដុល្លារ និងសំណងជំងឺចិត្ត១ម៉ឺនដុល្លារ និងសូមឲ្យតុលាការផ្តន្ទាទោសលោកខឹម វាសនា តាមច្បាប់ ។
យោងតាមពាក្យបណ្តឹងរបស់ លោក ឈឹម ផលវរុណ បានដាក់ជូនប្រធានសាលាដំបូងរាជធានីភ្នំពេញបញ្ជាក់ថា «ការផ្សព្វផ្សាយជាសាធារណៈតាមហ្វេសប៊ុក» កាលពីថ្ងៃទី៤ កក្កដា ឆ្នាំ២០១៣ ឈ្មោះ ខឹម វាសនា ប្រធានគណបក្សសម័្ពន្ធ ដើម្បីប្រជាធិបតេយ្យ មានទីស្នាក់ការ ស្ថិតនៅផ្ទះលេខ១០៦ ផ្លូវលេខ៣១៥ សង្កាត់បឹងកក់២ ខណ្ឌទួលគោក រាជធានីភ្នំពេញ បានយកដីកាកោះដែលចេញដោយចៅក្រមលី លីបម៉េង ដែលបានកោះហៅលោកក្នុងរឿងរដ្ឋប្បវេណី មួយដោយឈ្មោះ ខឹម វាសនា នេះបានយកដីកានោះ ដែលជាករណីរឿងរដ្ឋប្បវេណីផ្ទាល់ខ្លួនរបស់លោក ហើយរូបលោកក៏មិនដែលបានឃើញដីកានោះដែរ តែបែរជាដីកានេះបានធ្លាក់ទៅដៃឈ្នោះខឹម វាសនា នេះទៅវិញ ។
ពាក្យបណ្តឹងនោះបានសរសេរទៀតថា ឈ្មោះ ខឹម វាសនា បានយកដីកានេះទៅដាក់បង្ហោះក្នុងហ្វេសប៊ុករបស់គាត់ (ខឹម វាសនា) និងផ្សព្វផ្សាយតាមប្រព័ន្ធផ្សេងៗទៀត ថែមទាំងធ្វើការអត្ថាធិប្បាយថា «ខ្ញុំឆបោកលុយគេ»ដែលជាការបើកកកាយ កែច្នៃកាឡៃនូវសារធាតុខ្លឹមសារព័ត៌មានក្លែងទៅជាករណីព្រហ្មទណ្ឌទៅវិញ ដែលធ្វើឲ្យមហាជនទាំងឡាយជឿជាក់ថា ករណីនេះ ជាករណីព្រហ្មទណ្ឌមានចេតនាបំផ្លិចបំផ្លាញ និងត្មិះតិះដៀល ដែលធើ្វឲ្យប៉ះពាល់ដល់កិត្តិយស និងសេចក្តីថ្លៃថ្នូររបស់លោក (ឈឹម ផលវរុណ) ថែមទៀត ។ នៅក្នុងសង្គមហ្វេសប៊ុក (facebook) របស់ ខឹម វាសនា ឈ្មោះនេះបានសរសេរថា «ដីកាកោះហៅលោកឈឹម ផលវរុណ ហៅអាជ្រឹម ពីបទជំពាក់លុយគេ»។
ពាក្យបណ្តឹងបានអះអាងថា អាស្រ័យដូចបានជម្រាបជូនដូចខាងលើនេះ លោកសុំឲ្យលោកប្រធានសាលាដំបូងរាជធានីភ្នំពេញ មេត្តាចោទប្រកាន់ និងផ្តន្ទាទោស ឈ្មោះ ខឹម វាសនា តាមច្បាប់ និងទាមទារប្រាក់ដែលបានឆបោក១០ម៉ឺនដុល្លារអារមេរិក និងសំណងជំងឺចិត្តការខូចខាតពេលវេលាចំនួន១ម៉ឺនដុល្លារអាមេរិក និងសូមផ្តន្ទាទោសតាមច្បាប់ ៕
ចែករំលែកព័តមាននេះ