តាមប្រភពពីOddityបានឱ្យដឹងថា ត្រី Koi ដែលមានកំណើតនៅក្នុងប្រទេសជប៉ុនមួយក្បាល បានក្លាយខ្លួនទៅជាត្រីចិញ្ចឹមដែលមានតម្លៃថ្លៃជាងគេលើពិភពលោក ដោយសារតែមានអ្នកហ៊ានឱ្យថ្លៃដល់ទៅ១,៨លានដុល្លារអាមេរិក ។ ត្រី Koi ដែលមានប្រវែង១០១សង់ទីម៉ែត្រ…
តាមប្រភពពីOddityបានឱ្យដឹងថា ត្រី Koi ដែលមានកំណើតនៅក្នុងប្រទេសជប៉ុនមួយក្បាល បានក្លាយខ្លួនទៅជាត្រីចិញ្ចឹមដែលមានតម្លៃថ្លៃជាងគេលើពិភពលោក ដោយសារតែមានអ្នកហ៊ានឱ្យថ្លៃដល់ទៅ១,៨លានដុល្លារអាមេរិក ។
ត្រី Koi ដែលមានប្រវែង១០១សង់ទីម៉ែត្រ ត្រូវបានដាក់ដេញថ្លៃ នៅក្នុងកសិដ្ឋានចិញ្ចឹមត្រី Saki ក្នុងទីក្រុងហ៊ីរ៉ូស៊ីម៉ា ប្រទេសជប៉ុន ។ ត្រីញីមួយក្បាលនេះ បានឈ្នះពាន ជាត្រី Koi កាលពីឆ្នាំមុន ទើបបានជាមានអ្នកចាប់អារម្មណ៍ច្រើនម្ល៉េះ។
តម្លៃត្រី Koi ថ្លៃជាងគេ កាលពីឆ្នាំមុន មានតម្លៃត្រឹមតែ៥០ម៉ឺនដុល្លារប៉ុណ្ណោះ ។ តែសម្រាប់ឆ្នាំនេះ គឺថ្លៃកប់ពពក ។ នេះក៏ដោយសារតែ វាជាពូជ Kohaku ដែលមានស្រកា.សសុទ្ធ (គ្មានលាយពណ៌លឿង) ហើយមានលាយពណ៌ក្រហមពពាលដិតល្អ និងមានព្រំដែនច្បាស់លាស់ ។
អ្នកដែលហ៊ានជះលុយជិត២លានដុល្លារនេះ គឺត្រូវបានគេស្គាល់ថា ឈ្មោះ Yingying មកពីតៃវ៉ាន់ ។ នាងជាអ្នកមានស្តុកស្តម្ភ ហើយជាអ្នកស្រឡាញ់ត្រី Koi ។ នាងនឹងយកត្រីទិញបាននេះទៅបង្កាត់ពូជ ដើម្បីទទួលបានពងដល់ទៅ៥០ម៉ឺនគ្រាប់ ហើយអាចញាស់បានខ្ទង់៥ពាន់ត្រី។
គួរបញ្ជាក់ផងដែរថា ជប៉ុននៅតែជាប្រទេសលេខមួយខាងចិញ្ចឹមត្រី Koi ដែលជាមុខជំនួញអាចរកប្រាក់បានច្រើនសន្ធឹកសន្ធាប់ ដល់ទៅ៣៥លានដុល្លារអាមេរិកនៅឆ្នាំ២០១៦៕
ចែករំលែកព័តមាននេះ