ខេត្តព្រះសីហនុ ៖ តាមសេចក្តីរាយការណ៍ព័ត៌មានបឋមបានឱ្យដឹងថា ក្មេងប្រុសម្នាក់បានស្លាប់ និងក្មេងស្រីម្នាក់ទៀតត្រូវជាប្អូនបានរងរបួសស្រាល ក្នុងហេតុការណ៍គ្រោះថ្នាក់ចរាចររវាងរថយន្តធុនធំមួយគ្រឿងបានកៀរម៉ូតូមួយគ្រឿង កាលពីវេលាម៉ោង៥ល្ងាចថ្ងៃទី២៥ ធ្នូ ឆ្នាំ២០១៨ នៅលើផ្លូវជាតិលេខ៤ ជិតវិទ្យាល័យហ៊ុនសែនវាលរេញ (ក្បែរផ្ទះក្មេងរងគ្រោះ) ស្ថិតក្នងភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ។
ប្រភពព័ត៌មានបានឱ្យដឹងថា ក្មេងរងគ្រោះទាំងពីរនាក់ខាងលើត្រូវគេស្គាល់ថាជាកូននាយករងវិទ្យាល័យហ៊ុនសែនវាលរេញ ហើយនៅមុនពេលកើតហេតុ គឺក្មេងរងគ្រោះទាំងពីរនាក់បានជិះម៉ូតូជាមួយម្តាយ ក៏ត្រូវរថយន្តធុនធំកៀរក្នុងទិសដៅស្របគ្នា ធ្វើអោយក្មេងប្រុសរងគ្រោះដែលអង្គុយពីក្រោយធ្លាក់ចូលក្រោមកង់រថយន្ត បណ្តាលឱ្យកិនស្លាប់តែម្តង ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ