រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មុននេះបន្តិច មានការប្រទះឃើញបុរសម្នាក់ត្រូវដេកផ្កាប់មុខស្លាប់នៅក្បែរចិញ្ចឹម រួមទាំងម៉ូតូគ្រឿងបានធ្លាក់នៅក្នុងប្រឡាយទឹកស្អុយទៀត បង្កឱ្យមានការភ្ញាក់ផ្អើលកាលពីម៉ោង៦ព្រឹក ថ្ងៃទី២៦ ខែធ្នូ ឆ្នាំ២០១៨…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មុននេះបន្តិច មានការប្រទះឃើញបុរសម្នាក់ត្រូវដេកផ្កាប់មុខស្លាប់នៅក្បែរចិញ្ចឹម រួមទាំងម៉ូតូគ្រឿងបានធ្លាក់នៅក្នុងប្រឡាយទឹកស្អុយទៀត បង្កឱ្យមានការភ្ញាក់ផ្អើលកាលពីម៉ោង៦ព្រឹក ថ្ងៃទី២៦ ខែធ្នូ ឆ្នាំ២០១៨ នៅចំណុចផ្លូវ៣០ម៉ែត្រ ស្ថិតក្នុងភូមិស្រែជំរៅ សង្កាត់ចោមចៅ២ ខណ្ឌពោធិ៍សែនជ័យ ។
សេចក្តីរាយការណ៍បន្តទៀតថា ជនរងគ្រោះខាងលើឈ្មោះ ស្រៀង សិលា ភេទប្រុស អាយុ២២ឆ្នាំ ជាជាងជុសជុលរថយន្ត មានទីលំនៅនៅបុរីសន្តិភាព២ ស្ថិតក្នុងសង្កាត់ចោមចៅ២ ខណ្ឌពោធិ៍សែនជ័យ ។
សេចក្តីរាយការណ៍បន្តទៀតថា មុនពេលកើតហេតុ មានអ្នកដំណើរឆ្លងកាត់ ស្រាប់តែប្រទះឃើញបុរសម្នាក់ដេកផ្កាប់មុខស្លាប់ ហើយមានស្នាមវាយនៅត្រង់ក្បាល ដោយសង្ស័យថា ជាករណីឃាតកម្ម ប៉ុន្តែមិនទាន់ដឹងថា មានទំនាស់គ្នារឿងអ្វីនោះទេ ។ ទាក់ទិននឹងករណីនេះ សមត្ថកិច្ចជំនាញកំពុងត្រួតពិនិត្យនៅកន្លែងកើតហេតុ ហើយនៅមិនទាន់ដឹងថាជាករណីអ្វីនោះទេ គ្រាន់តែសង្ស័យថា ជាករណីឃាតកម្ម។
បើតាមសម្តីស្ត្រីម្នាក់ត្រូវជាជីដូនជនរងគ្រោះបានឱ្យដឹងថា ចៅរបស់គាត់បានចេញពីធ្វើទូរស័ព្ទនៅវេលាម៉ោង៣រសៀល ហើយប្រាប់គាត់ថា ទៅធ្វើខួបកំណើតមិត្តភក្តិនៅពោធិ៍ចិនតុង ។ លុះនៅម៉ោង១០និង៣០នាទីយប់ គាត់បានតេទៅចៅថា «កុំឱ្យដើរលេងយប់ជ្រៅពេក» ហើយចៅប្រុសក៏តបមកគាត់ថា «ខ្លាចអី មិត្តភក្តិ៤ទៅ៥នាក់ហ្នឹង» ស្រាប់តែមិននឹកស្មានថា ចៅគាត់ត្រូវគេវាយសម្លាប់បែបនេះនោះទេ ។
សូមបញ្ជាក់ថា នៅកន្លែងកើតហេតុមានស្ថានភាពដូចជាប្រវាយប្រតប់គ្នា ហើយរបស់របរដូចជាកែបម៉ូតូដាច់រយះរយានៅក្បែរកន្លែងកើតហេតុ រួមទាំងម៉ូតូរបស់ជនរងគ្រោះបានធ្លាក់ចូលប្រឡាយទឹកស្អុយថែមទៀត ៕
ចែករំលែកព័តមាននេះ