នាំ​ខ្លួន​ជនសង្ស័យ រ៉ាត់ រ័​ត្ន​មុនី មក​សាកសួរ​រឿង​«​ម្តាយ​ខ្ញុំ​លក់​ខ្ញុំ​»


រាជធានី​ភ្នំពេញ ៖ សាលាដំបូង​រាជធានី​ភ្នំពេញ​នា​រៀល​រសៀល​ថ្ងៃ​ទី​២១ ធ្នូ បាន​បង្គាប់​ទៅ​អនុរក្ស​ពន្ធនាគារ​ព្រៃ​ស​ឲ្យ​នាំ​ខ្លួន​ជនសង្ស័យ​ឈ្មោះ រ៉ាត់ រ័​ត្ន​មុនី ដែល​ត្រូវ​បាន​តុលា​ឃុំខ្លួន​ពាក់ព័ន្ធ​ករណី​បង្ហោះ​រឿង «​រឿង​ម្តាយ​ខ្ញុំ​លក់​ខ្ញុំ​» ដើម្បី​ធ្វើការ​សាកសួរ​បន្ថែម​ជុំវិញ​សំណុំរឿង​នោះ ។

ក្រោយ​ពី​សាកសួរ​ចប់​ហើយ​ចៅក្រម​ស៊ើបសួរ​បាន​អនុញ្ញាតិ​ឲ្យ​អនុរក្ស​ពន្ធនាគារ​នាំ​ទៅ​ឃុំខ្លួន​បណ្តោះអាសន្ន​វិញ ។ ខណៈនោះ​ដែរ​គេ​បានឃើញ​មាន​អ្នកស្រី ឡុ​ង គី​ម​ហៀ​ង ប្រពន្ធ​ឈ្មោះ រ៉ាត់ រ័​ត្ន​មុនី ព្រមទាំង​ក្រុម​សហគមន៍ មក​គាំទ្រ​ប្រមាណ​២០​នាក់ ដឹកនាំ​ដោយ អ៊ឹម ស្រី​ទូច​, យាយ ម៉ា មី​, ផា​ន់ ឈុ​ន​រ៉េ​ត​, ភោគ សុ​ភី​ន និង​កូនភ្លោះ (​ជុំ​ហួត​,​ជុំ​ហួរ​) សកម្មជន​ចលនា​មាតា​ធម្មជាតិ ព្រមទាំង​ឈ្មោះ សួង សុ​ភណ្ឌ ប្រធាន​គណបក្ស​អំណាច​ខ្មែរ​មក​គាំទ្រ​ឲ្យ​ដោះ​លែង លោក រ៉ាត់ រ័​ត្ន​មុនី ដែល​បញ្ជូន​មក​សាលាដំបូង​រាជធានី​ភ្នំពេញ​ពី​ករណី​ផលិត​ខ្សែ​វី​ដេ​អូ​រឿង «​ម្តាយ​ខ្ញុំ​លក់​ខ្ញុំ​» ។

ករណី​នេះ​សាលាដំបូង​បាន​ឲ្យ​ក្រុម​គ្រួសារ​ចំនួន​៥​នាក់​ចូល​ក្នុង​សាលាដំបូង​មាន​ប្រពន្ធ កូន​និង​ប្អូន ៕

ព័ត៌មាន​ជាតិ

Sponsored News

ការស្ទង់មតិគេហទំព័រថ្មី




សូម​អរគុណ