រាជធានីភ្នំពេញ ៖ ក្មេងប្រុសអាយុ១៣ឆ្នាំម្នាក់បានស្លា.ប់បាត់បង់ជីវិតក្រោយពេលក្រុមគ្រួសារបញ្ជូនទៅសង្គ្រោះនៅមន្ទីរពេទ្យ ដោយសារតែរូបគេឡើងទៅលេងនៅលើដំបូលផ្ទះ ហើយប៉ះម៉ាស៊ីនត្រជាក់ឆ្លងចរន្តអគ្គិសនី ក៏បានឆក់បណ្តាលឱ្យដេកដួលនៅនឹងកន្លែង និងត្រូវបានក្រុមគ្រួសារនាំទៅសង្គ្រោះបន្ទាន់ភ្លាមៗដែរ ប៉ុន្តែដោយសារធ្ងន់ធ្ងរពេកក៏បានស្លា.ប់តែម្តង ។ហេតុការណ៍នេះ
រាជធានីភ្នំពេញ ៖ ក្មេងប្រុសអាយុ១៣ឆ្នាំម្នាក់បានស្លាប់បាត់បង់ជីវិតក្រោយពេលក្រុមគ្រួសារបញ្ជូនទៅសង្គ្រោះនៅមន្ទីរពេទ្យ ដោយសារតែរូបគេឡើងទៅលេងនៅលើដំបូលផ្ទះ ហើយប៉ះម៉ាស៊ីនត្រជាក់ឆ្លងចរន្តអគ្គិសនី ក៏បានឆក់បណ្តាលឱ្យដេកដួលនៅនឹងកន្លែង និងត្រូវបានក្រុមគ្រួសារនាំទៅសង្គ្រោះបន្ទាន់ភ្លាមៗដែរ ប៉ុន្តែដោយសារធ្ងន់ធ្ងរពេកក៏បានស្លាប់តែម្តង ។ហេតុការណ៍នេះបានកើតឡើងកាលពីវេលាម៉ោង២និង៤០នាទីរសៀលថ្ងៃទី៣ កក្កដា នៅមុខបុរីលឹមឈាងហាក់ ស្ថិតក្នុងភូមិម័ល សង្កាត់ដង្កោ ខណ្ឌដង្កោ ។
ក្មេងប្រុសរងគ្រោះឈ្មោះ វុទ្ធី ប៊ុនធឿន មានស្រុកកំណើតនៅឯអ្នកលឿង ខេត្តព្រៃវែង ប៉ុន្តែបានមកស្នាក់នៅជាមួយបងប្អូននៅក្នុងភូមិខាងលើ ។ តាមប្រភពព័ត៌មានឱ្យដឹងថា នៅមុនពេលកើតហេតុ ក្មេងប្រុសរូបនេះបានឡើងទៅលេងនៅលើដំបូលផ្ទះថ្ម ហើយនៅលើនោះមានម៉ាស៊ីនត្រជាក់មួយគ្រឿងកំពុងឆ្លងភ្លើងពេញបន្ទុក ។ ប៉ុន្តែខណៈនោះ ក្មេងប្រុសមិនបានដឹងឡើយ ក៏បានរត់លេងជ្រុលទៅប៉ះម៉ាស៊ីនត្រជាក់នោះ ក៏ត្រូវចរន្តអគ្គិសនីឆក់បណ្តាលឱ្យដេកដួលនៅនឹងកន្លែង រងរបួសយ៉ាងធ្ងន់ធ្ងរ បន្ទាប់មកក្រុមគ្រួសារបាននាំយកទៅសង្គ្រោះបន្ទាន់នៅមន្ទីរពេទ្យភ្លាមៗដែរ ប៉ុន្តែដោយសារតែរបួសធ្ងន់ធ្ងរពេក ក៏បានស្លាប់បាត់បង់ជិវិតទៅ ។
ក្រោយពេលកើតហេតុ កម្លាំងសមត្ថកិច្ចមូលដ្ឋានបានចុះទៅកាន់ទីនោះដើម្បីពិនិត្យជាក់ស្តែង និងកសាងសំណុំរឿងចាត់ការតាមច្បាប់ ហើយម៉ាស៊ីនត្រជាក់ដែលមានឆ្លងចរន្តភ្លើងនោះមិនមែនជារបស់បងប្អូនក្មេងប្រុសនោះទេ គឺជារបស់អ្នកជិតខាង និងមិនទាន់ដឹងថាសមត្ថកិច្ចចាត់ការបែបណានៅឡើយទេ ៕
ចែករំលែកព័តមាននេះ