ទម្លាប់ក្នុងការធ្វើឲ្យអ្នកចៀសផុតពីជំងឺមហារីក ។ តើមានអ្វីខ្លះទៅ ?
អ្នកមិនត្រូវបរិភោគចំណីដែលបំពងខ្លាញ់ច្រើនទេ ព្រោះខ្លាញ់ទាំងនោះមិនល្អចំពោះសុខភាពឡើយ ។ នៅពេលដែលអ្នកពិសាយូរ វានឹងអាចកើតជាមហារីក ។ ដូចនេះអ្នកគួរតែកុំញ៉ាំទើបអាចការពារបាន ។អ្នកត្រូវតែបរិភោគបន្លែឲ្យបានច្រើនដូចជាផ្កាខាត់ណា ឬការ៉ុតជាដើម ព្រោះបន្លែទាំងនេះ អាចជួយធ្វើឲ្យអ្នកមិនងាយកើតមហារីកឡើយ។
អ្នកមិនត្រូវជក់បារី និងញ៉ាំស្រាច្រើនទេ ព្រោះវាប៉ះពាល់ដល់សុខភាពអ្នកខ្លាំងណាស់ ដោយធ្វើឲ្យមហារីកកើតដោយមិនដឹងខ្លួន ។
អ្នកមិនត្រូវបរិភោគអាហារដែលប្រៃពេក ហឹរពេក ក្តៅពេក ត្រជាក់ពេក ឬផុតកំណត់ឡើយ ព្រោះវាជាអាហារដែលអាចធ្វើឲ្យអ្នកមានជំងឺមហារីកដោយមិនដឹងខ្លួន ។
អ្នកត្រូវបរិភោគផ្លែឈើដែលអាចការពារមហារីកឲ្យបានច្រើនដូចជាផ្លែក្រូច ឬផ្លែឈើដែលមានពណ៌ក្រហមដូចជាល្ហុង ប៉េងប៉ោះ ឯទំពាំងបាយជូរក៏ល្អដែរ ។ ផ្លែចេកអាចការពារជំងឺមហារីកក្រលៀនរបស់ស្ត្រីបាន ។ ដូចនេះ អ្នកគួរតែញ៉ាំឲ្យបានច្រើន ។
អ្នកមិនត្រូវបរិភោគរបស់ដែលអាំង ឬដុតច្រើនទេ ព្រោះវាអាចបង្កជាកោសិកាមហារីកក្នុងរាងកាយអ្នកបាន ។ អ្នកត្រូវហាត់ប្រាណឲ្យបានច្រើន និងហាលថ្ងៃពី១០ទៅ១៥នាទីក្នុងមួយថ្ងៃ ។ ការធ្វើបែបនេះ អាចធ្វើឲ្យអ្នកចៀសពីមហារីកបាន ។
អ្នកមិនត្រូវនឿយហត់ និងមានសម្ពាធខ្លាំងពេកទេ ព្រោះវាអាចធ្វើឲ្យអ្នកងាយប្រឈមមុខនឹងមហារីកខ្លាំងណាស់ ។ ដូចនេះបើអ្នកអាចចៀសវាង និងធ្វើតាមចំណុចទាំង៨ខាងលើនេះ ជំងឺមហារីកនឹងចាកឆ្ងាយពីអ្នក (ប្រភពពី៖ Health.com.kh) ៕
ចែករំលែកព័តមាននេះ