ខេត្តកំពង់ស្ពឺ ៖ នារីវ័យក្មេងជាកម្មករកាប់អំពៅម្នាក់បានស្លាប់យ៉ាងអាណោចអាធ័មដោយសារតែសំរាកពីការងារ ហើយចូលទៅដេកក្នុងរងអំពៅ ស្រាប់តែត្រូវម៉ាស៊ីនកាត់ចំបណ្តាលឱ្យខ្ទេចខ្ទីសាច់អស់ដូចកំណាត់អំពៅអញ្ចឹងង់ៗធ្វើឱ្យប្រឡាក់ឈាមលើរថយន្ត និងកំណាត់អំពៅ ហេតុការណ៍ដ៏ស្រៀវនេះកើតឡើងកាលពីរសៀលថ្ងៃទី១៥ ខែធ្នូ ឆ្នាំ២០១៨ នៅក្នុងចំការអំពៅក្នុងភូមិក្រវៀក…
ខេត្តកំពង់ស្ពឺ ៖ នារីវ័យក្មេងជាកម្មករកាប់អំពៅម្នាក់បានស្លាប់យ៉ាងអាណោចអាធ័មដោយសារតែសំរាកពីការងារ ហើយចូលទៅដេកក្នុងរងអំពៅ ស្រាប់តែត្រូវម៉ាស៊ីនកាត់ចំបណ្តាលឱ្យខ្ទេចខ្ទីសាច់អស់ដូចកំណាត់អំពៅអញ្ចឹងង់ៗធ្វើឱ្យប្រឡាក់ឈាមលើរថយន្ត និងកំណាត់អំពៅ ហេតុការណ៍ដ៏ស្រៀវនេះកើតឡើងកាលពីរសៀលថ្ងៃទី១៥ ខែធ្នូ ឆ្នាំ២០១៨ នៅក្នុងចំការអំពៅក្នុងភូមិក្រវៀក ឃុំយាអង្គ ស្រុកថ្ពង ខេត្តកំពង់ស្ពឺ។
បើតាមប្រភពពីពលរដ្ឋម្នាក់ឈ្មោះ ស៊ុន លី អាយុជាង៥០ឆ្នាំ រស់នៅក្នុងភូមិពាណិជ្ជ ឃុំយាអង្គ ស្រុកថ្ពង និងឈ្មោះរី ភេទស្រី អាយុជាង៥០ឆ្នាំ រស់នៅក្នុងភូមិពាណិជ្ជ ឃុំយាអង្គ ស្រុកថ្ពង បាននិយាយតាមទូរស័ព្ទឱ្យដឹងថា នារីរងគ្រោះខាងលើឈ្មោះក្រៅហៅថា អិត អាយុ១៨ឆ្នាំ ជាកម្មករចំការអំពៅ មានម្តាយឈ្មោះ វ៉ាន់ វន អាយុ៥០ឆ្នាំ មុខរបរកសិករ រស់នៅក្នុងភូមិពាណិជ្ជ ឃុំយាអង្គ ស្រុកថ្ពង ខេត្តកំពង់ស្ពឺ។
ប្រភពដដែលបន្តថា មុនពេលកើតហេតុ នារីរងគ្រោះទៅបំពេញការងារជាកម្មករកាប់អំពៅដូចធម្មតា ស្រាប់តែដល់ម៉ោងសំរាកនារីរងគ្រោះបានទៅសំរាកនៅក្នុងរងអំពៅ លុះដល់ពេលម៉ាស៊ីនកាត់អំពៅនោះចេញដំណើរធ្វើការងារនោះមិនបានដឹង ក៏កាត់ចំនារីរងគ្រោះកំពុងតែដេកក្នុងរងអំពៅនោះស្លាប់យ៉ាងអាណោចអាធ័ម ដោយកាត់ដាច់សាច់ជាកង់ៗ ធ្វើឱ្យប្រឡាក់ឈាមលើរថយន្ត និងកំណាត់អំពៅ ។ ក្រោយកើតហេតុភ្លាមៗព័ត៌មាននេះត្រូវបានលាក់បាំងព័ត៌មាន និងហាមមិនឱ្យកម្មករថតរូបផ្តេសផ្តាសឡើយ។
បន្ទាប់ពីទទួលបានព័ត៌មានភ្លាមៗ នៅរសៀលថ្ងៃទី១៦ ធ្នូនេះ អ្នកយកព័ត៌មានយើងបានសួរទៅលោកឧត្តមសេនីយ៍ទោ សម សាមួន ស្នងការនគរបាលខេត្ត លោកមានប្រសាសន៍ថា លោកមិនបានទទួលព័ត៌មាននោះទេ លោកអធិការស្រុកថ្ពងមិនរាយការណ៍ឱ្យ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព
ចែករំលែកព័តមាននេះ