ខេត្តស្ទឹងត្រែង៖ នគរបាលការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្ត បានចាប់ឃាត់ខ្លួនជនសង្ស័យប្រើប្រាស់ និងចែកចាយគ្រឿងញៀនចំនួន៣ នាក់ព្រមទាំងរឹបអូសបានថ្នាំញៀនប្រភេទ ម៉ាទឹកកកចំនួន៤កញ្ចប់តូច ប្រភេទមេតំហ្វេតាមីន១គ្រាប់ និងសម្ភារជក់មួយចំនួនទៀត។
ខេត្តស្ទឹងត្រែង៖ នគរបាលការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្ត បានចាប់ឃាត់ខ្លួនជនសង្ស័យប្រើប្រាស់ និងចែកចាយគ្រឿងញៀនចំនួន៣ នាក់ព្រមទាំងរឹបអូសបានថ្នាំញៀនប្រភេទ ម៉ាទឹកកកចំនួន៤កញ្ចប់តូច ប្រភេទមេតំហ្វេតាមីន១គ្រាប់ និងសម្ភារជក់មួយចំនួនទៀត។
លោកនូ ហ៊ួ នាយការិយាល័យប្រឆាំងគ្រឿងញៀនរបស់ស្នងការនគរបាលខេត្តបានឱ្យដឹងថា សមត្ថកិច្ចចាប់ឃាត់ខ្លួនជនសង្ស័យបាន៣នាក់ក្នុងនោះស្រី២នាក់ ដោយចាប់ឃាត់ខ្លួននៅកន្លែង២ផ្សេងគ្នាក្នុងករណីតែមួយដែលពួកគេកំពុងធ្វើសកម្មភាពចែកចាយនិងជក់ថ្នាំញៀន។
ជនសង្ស័យទី១ ឈ្មោះផុន ចាន់មេសា ភេទប្រុស អាយុ២៣ឆ្នាំ មុខរបរមិនពិតប្រាកដ រស់នៅភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ដោយចាប់ឃាត់ខ្លួនបាននៅចំណុចស្ពានថ្ម ស្ថិតក្នុងភូមិស្ពានថ្ម សង្កាត់ស្ទឹងត្រែង ក្រុងស្ទឹងត្រែង កាលពីថ្ងៃទី២៩ មិថុនា ២០១៣ ខណៈកំពុងចែកចាយថ្នាំញៀន ហើយសមត្ថកិច្ចដកហូតបានម៉ាទឹកកក១កញ្ចប់តូច និងថ្នាំញៀនប្រភេទមេតំហ្វេតាមីន១គ្រាប់។
ក្រោយពីជនសង្ស័យខាងលើបានសារភាព និងចង្អុលបង្ហាញមុខសញ្ញាទី២ កម្លាំងសមត្ថកិច្ចបានធ្វើការចាប់ឃាត់ខ្លួនស្រ្តី២នាក់ទៀតនៅព្រឹកថ្ងៃទី៣០ មិថុនា ២០១៣ នៅចំណុចផ្ទះជួល ស្ថិតក្នុងភូមិត្រពាំងព្រីង សង្កាត់ស្ទឹងត្រែង ក្រុងស្ទឹងត្រែង និងដកហូតបានម៉ាទឹកកកចំនួន៣កញ្ចប់តូច។ ជនសង្ស័យឈ្មោះ ង្វៀង ធីហាំង ភេទស្រី អាយុ២២ឆ្នាំ ជាស្ត្រីបម្រើការម៉ាស្សា និងម្នាក់ទៀតឈ្មោះថែ ម៉េងហួយ ភេទស្រី អាយុ១៨ឆ្នាំ ជាស្រ្តីបម្រើការងារនៅហាង ខារ៉ាអូខេ៕
ចែករំលែកព័តមាននេះ