ខេត្តក្រចេះ៖ ជនសង្ស័យជាមុខសញ្ញា២នាក់ក្នុងអំពើលួចក្របីទាំងក្រោលរបស់ពលរដ្ឋនៅខាងក្រោយ ស្រុកព្រែកប្រសព្វ ត្រូវបានកម្លាំងនគរបាលល្បាតចាប់ខ្លួន បន្ទាប់ពីពួកគេព្យាយាមធ្វើសកម្មភាពលួចកៀងក្របីចំនួន៩ក្បាលតែមិនបានសម្រេច។
នគរបាលស្រុកព្រែកប្រសព្វនិយាយថា ជនសង្ស័យទាំង២នាក់នេះ ត្រូវបានកម្លាំងនគរបាលប៉ុស្តិ៍រដ្ឋបាលតាមស្រាវជ្រាវចាប់ខ្លួនបានកាលពីយប់ថ្ងៃទី១២ ធ្នូ នៅខាងក្រោយឃុំសោប ស្រុកប្រសព្វ។
ជនសង្ស័យទាំង២នាក់ខាងលើឈ្មោះ ចាន់ បូណា ភេទប្រុស អាយុ៣៥ឆ្នាំ និងម្នាក់ទៀតឈ្មោះ ហេង គង់ ភេទ អាយុ៤៣ឆ្នាំ រស់នៅខេត្តកំពង់ចាម ។
តាមប្រភពព័ត៌មានបានឱ្យដឹងថា មុនកើតហេតុ ជនសង្ស័យទាំង២នាក់ខាងលើបានជិះម៉ូតូមួយគ្រឿង ធ្វើសកម្មភាពលួចកៀងក្របីរបស់អ្នកភូមិចំនួន៩ក្បាល ដែលអ្នកភូមិ៣គ្រួសារចងនៅក្នុងក្រោលខាងក្រោយផ្ទះ។
តែការធ្វើសកម្មភាពរបស់ជនសង្ស័យទាំង២នាក់មិនបានសម្រេចនោះទេ ដោយសារតែពលរដ្ឋបានប្តឹងរាយការណ៍ ហើយកម្លាំងនគរបាលល្បាតរបស់ប៉ុស្តិ៍រដ្ឋបាលចុះស្រាវជ្រាវ ស្ទាក់ចាប់ខ្លួននៅពេលជនសង្ស័យទាំង២នាក់កំពុងតែពួនសម្ងំក្នុងព្រៃ ៕
ចែករំលែកព័តមាននេះ