រាជធានីភ្នំពេញ ៖ លោក អិុត ប្រាំង រដ្ឋលេខាធិការក្រសួងឧស្សាហកម្ម រ៉ែ និងថាមពល បានថ្លែងថា យោងតាមលទ្ធផលជំរឿនឆ្នាំ២០០៩ របស់វិទ្យាស្ថានជាតិស្ថិតិ ប្រទេសកម្ពុជា មានគ្រឹះស្ថានអាជីវកម្ម ដែលបានចុះបញ្ជីផង និងមិនទាន់ចុះបញ្ជី សរុបចំនួនជាង៣សែន(៣៧៥.០៩៥) គ្រឹះស្ថាន ដែលកំពុងដំណើរការ ក្នុងនោះ៨៥ភាគរយគឺជាសហគ្រាសធុនតូច ដែលបានផ្តល់ការងារ
រាជធានីភ្នំពេញ ៖ លោក អិុត ប្រាំង រដ្ឋលេខាធិការក្រសួងឧស្សាហកម្ម រ៉ែ និងថាមពល បានថ្លែងថា យោងតាមលទ្ធផលជំរឿនឆ្នាំ២០០៩ របស់វិទ្យាស្ថានជាតិស្ថិតិ ប្រទេសកម្ពុជា មានគ្រឹះស្ថានអាជីវកម្ម ដែលបានចុះបញ្ជីផង និងមិនទាន់ចុះបញ្ជី សរុបចំនួនជាង៣សែន(៣៧៥.០៩៥) គ្រឹះស្ថាន ដែលកំពុងដំណើរការ ក្នុងនោះ៨៥ភាគរយគឺជាសហគ្រាសធុនតូច ដែលបានផ្តល់ការងារប្រមាណមួយលាននាក់ដល់ប្រជាពលរដ្ឋទូទាំងប្រទេស ។
លោក អុិត ប្រាំង បានថ្លែងបែបនេះខណៈពេលដែលលោកបានអញ្ជើញជាអធិបតីក្នុងពិធីសម្ពោធបើកពិព័រណ៍ផលិតផល និងសេវាកម្មកម្ពុជា-ម៉ាឡេស៊ី ដែលប្រារព្ធធ្វើឡើងនៅកោះពេជ្រ កាលពីថ្ងៃទី២៨ មិថុនា ។ លោក អុិត ប្រាំង ថ្លែងបន្តថា ពិព័រណ៍នេះធ្វើឡើងរយៈពេល៣ថ្ងៃ គឺនៅថ្ងៃទី២៨-២៩ និង៣០ មិថុនា មានស្តង់តាំងបង្ហាញផលិតផលចំនួនជាង១៤០ស្តង់ ។ ពិព័រណ៍នេះធ្វើឡើងក្នុងគោលបំណង៦យ៉ាងគឺ ១-ដើម្បីរឹតចំណងសម្ព័ន្ធភាព និងបន្តកិច្ចសហការរវាងប្រទេសកម្ពុជា និងម៉ាឡេស៊ី ២-លើកកម្ពស់តម្លៃផលិតផល និងសេវាកម្មរបស់ប្រទេសទាំងពីរ ៣-ផ្តល់ឱកាសឱ្យសហគ្រិនកម្ពុជា និងម៉ាឡេស៊ី ធ្វើជំនួបពិភាក្សាផ្នែកអាជីវកម្ម ៤-ដើម្បីធ្វើការបង្ហាញផលិតផលដែលមានសក្តានុពលដល់ប្រជាជនគ្រប់ជាតិសាសន៍ ៥-បង្កើនការនាំចេញនាំចូលទៅវិញទៅមក រវាងប្រទេសទាំងពីរ និង៦-ដើម្បីត្រៀមខ្លួនចូលទៅក្នុងសមាហរណកម្មសេដ្ឋកិច្ចអាស៊ាន២០១៥ខាងមុខនេះ ៕
ចែករំលែកព័តមាននេះ