រាជធានីភ្នំពេញ ៖ កំណាត់ផ្លូវចោមចៅដែលទូទៅគេស្គាល់ថាជាផ្លូវវ៉េងស្រេង កំពុងមានស្ថានភាពយ៉ាប់យឺុនមែនទែន ដោយនៅលើដងផ្លូវទាំងមូលបានក្លាយទៅជារណ្តៅ និងជង្ហុកធំៗ មានទឹកដក់ជ្រៅដូចជាត្រពាំង ពិបាកក្នុងការធ្វើដំណើរជាទីបំផុត ប៉ះពាល់សោភ័ណភាពរាជធានីភ្នំពេញដ៏ស្រស់ស្អាតយា៉ងខ្លាំង ។
រាជធានីភ្នំពេញ ៖ កំណាត់ផ្លូវចោមចៅដែលទូទៅគេស្គាល់ថាជាផ្លូវវ៉េងស្រេង កំពុងមានស្ថានភាពយ៉ាប់យឺុនមែនទែន ដោយនៅលើដងផ្លូវទាំងមូលបានក្លាយទៅជារណ្តៅ និងជង្ហុកធំៗ មានទឹកដក់ជ្រៅដូចជាត្រពាំង ពិបាកក្នុងការធ្វើដំណើរជាទីបំផុត ប៉ះពាល់សោភ័ណភាពរាជធានីភ្នំពេញដ៏ស្រស់ស្អាតយ៉ាងខ្លាំង ។
ផ្លូវវ៉េងស្រេងនេះ ស្ថិតក្នុងការគ្រប់គ្រងរបស់ក្រុមហ៊ុនឯកជនមួយ ដែលបានចុះកុងត្រាវិនិយោគជាមួយរដ្ឋាភិបាលយា៉ងច្បាស់លាស់ ប៉ុន្តែក្រុមហ៊ុននេះ មិនបានធ្វើការអភិវឌ្ឍផ្លូវឱ្យបានស្អាតល្អឡើយ ។ ពេលនេះកំណាត់ផ្លូវបានរងនូវការខូចខាតស្ទើរទាំងស្រុង ដែលអ្នកស្រុករស់នៅ និងអ្នកដំណើរឆ្លងកាត់រិះគន់យា៉ងខ្លាំងទៅ នឹងភាពយឺតយា៉វរបស់ក្រុមហ៊ុនវិនិយោគក្នុងការថែរក្សា និងជួសជុលរហូតធ្វើឱ្យកំណាត់ផ្លូវមួយនេះ កាន់តែយា៉ប់យឺនពីមួយថ្ងៃទៅមួយថ្ងៃ ។
អ្នកស្រុកបន្តថា ពេលមានភ្លៀងម្តងៗទឹកដក់គ្រប់ទីកន្លែងហើយពេលរថយន្តបើកឆ្លងកាត់ ទឹកបានហូរចូលក្នុងលំនៅឋានរបស់ពួកគាត់ ហើយបើគ្មានភ្លៀង ពេលរថយន្តបើកឆ្លងកាត់ហុយដីទ្រលោមងងឹតមេឃ ធ្វើឱ្យការធ្វើដំណើរ និងការរស់នៅពិបាកមែនទែន។ អ្នកស្រុកបានសម្តែងការព្រួយបារម្ភពីផលប៉ះពាល់ដល់សុខភាព និងសោភ័ណភាពដែលមិនអាចស្លៀកពាក់ស្អៀតបាតបាន ព្រោះក្រៅពីដក់ទឹកក្លាយជាភក់ជ្រាំផ្លូវនេះបានហុយដីប្រឡាក់គ្មានសល់ ។
ពួកគាត់សំណូមពរឱ្យក្រុមហ៊ុនខាងលើធ្វើការជួសជុលផ្លូវខ្លះផង កុំគិតតែប្រមូលលុយ ជាពិសេសក្រៅពីភក់ជ្រាំ រណ្តៅធំៗ និងផ្លូវហុយនោះមានកកស្ទះចរាចរណ៍ជារៀងរាល់ថ្ងៃដែលជាបញ្ហាត្រូវដោះស្រាយ ដើម្បីសោភ័ណភាពដងផ្លូវសាធារណៈ និងមុខមាត់រាជធានី ៕
ចែករំលែកព័តមាននេះ