ខេត្តកំពង់ចាម ៖ យុវជនកើតរោគសរសៃប្រសាទម្នាក់ឈ្មោះ គ្រួច ពៅ អាយុ២៥ឆ្នាំ រស់នៅភូមិទី២ ឃុំរកាខ្នុរ ស្រុកក្រូចឆ្មារ បានកា.ប់បងថ្លៃប្រុសវ័យ៥០ឆ្នាំម្នាក់ចំនួន៣កាំបិតផ្គាក់ត្រូវក្បាល១កាំបិត ពោះ១កាំបិត ធ្លាយពោះវៀន និងដៃ១កាំបិត បណ្តាលឱ្យរងរបួសជាទម្ងន់ ។ ហេតុការណ៍នេះបានកើតឡើងកាលពីវេលាម៉ោង៨និង៤០នាទីយប់ថ្ងៃទី២៣ មិថុនា នៅលើផ្ទះជនសង្ស័យ ។
ខេត្តកំពង់ចាម ៖ យុវជនកើតរោគសរសៃប្រសាទម្នាក់ឈ្មោះ គ្រួច ពៅ អាយុ២៥ឆ្នាំ រស់នៅភូមិទី២ ឃុំរកាខ្នុរ ស្រុកក្រូចឆ្មារ បានកាប់បងថ្លៃប្រុសវ័យ៥០ឆ្នាំម្នាក់ចំនួន៣កាំបិតផ្គាក់ត្រូវក្បាល១កាំបិត ពោះ១កាំបិត ធ្លាយពោះវៀន និងដៃ១កាំបិត បណ្តាលឱ្យរងរបួសជាទម្ងន់ ។ ហេតុការណ៍នេះបានកើតឡើងកាលពីវេលាម៉ោង៨និង៤០នាទីយប់ថ្ងៃទី២៣ មិថុនា នៅលើផ្ទះជនសង្ស័យ ។
លោកអនុសេនីយ៍ឯក ប៊ន ប៊ុនថា អធិការរងនគរបាលស្រុកក្រូចឆ្មារបានឱ្យដឹងថា បុរសដែលរងដោយការកាប់ប្រហារនោះឈ្មោះ យ៉េន ខាន់ រស់នៅក្រុងប៉ោយប៉ែត ខេត្តបន្ទាយមានជ័យជាប់ព្រំដែនថៃ បានមកលេងស្រុកកំណើតកាលពីថ្ងៃទី២៣ មិថុនា ។ ក្រោយពីមកដល់ផ្ទះ នៅពេលល្ងាចក៏ជិះម៉ូតូរបស់បងប្អូនចេញទៅហូបបាយនៅផ្ទះអ្នកភូមិរហូតដល់ម៉ោងជិត៩យប់ ទើបដើរទៅផ្ទះដោយបានរុញទ្វារផ្ទះខាងមុខបើកដើម្បីចូលទៅសម្រាក ។ ពេលនោះប្អូនថ្លៃនៅលើផ្ទះបានសួរនាំ តែបុរសជាបងថ្លៃមិនបានឆ្លើយទេ ហើយគ្រាន់តែបើកទ្វារចូលទៅបានបន្តិចប៉ុណ្ណោះ ក៏ត្រូវប្អូនថ្លៃកាប់តែម្តងបណ្តាលឱ្យរងរបួសធ្ងន់ ។
ប្រភពដដែលបន្តថា ទោះបីជាត្រូវរបួស តែបុរសជាបងថ្លៃមានស្មារតីរឹងមាំបានរត់ចុះមកដី សំដៅទៅផ្ទះអ្នកភូមិផងរបងជាមួយឱ្យជួយ ។ ភ្លាមៗនោះក៏បង្កឱ្យមានការភ្ញាក់ផ្អើលដឹងដល់សមត្ថកិច្ចចុះមកជួយអន្តរាគមន៍ និងបាននាំអ្នករងគ្រោះមកសង្គ្រោះនៅមន្ទីរពេទ្យខេត្តជាបន្ទាន់ទាំងយប់ ។ ក្រោមកិច្ចសហការជាមួយនឹងអាជ្ញាធរមូលដ្ឋាន យុវជនជាប្អូនថ្លៃត្រូវបានចាប់ខ្លួន និងដកហូតបានកាំបិតផ្គាក់មួយទាំងផ្លែ និងដងជាង១ម៉ែត្រ ហើយបញ្ជូនមកកាន់អធិការដ្ឋាននគរបាលស្រុកក្រូចឆ្មារដើម្បីសួរនាំ ។
លោកអនុសេនីយ៍ឯក ប៊ន ប៊ុនថា បានបញ្ជាក់ថា រាល់ថ្ងៃយុវជនជាប្អូនថ្លៃរស់នៅលើផ្ទះឈើនោះតែម្នាក់ឯងទេ ដោយម្តាយបានចេញទៅរកស៊ីនៅឯស្រុកស្ទឹងត្រង់ជាច្រើនខែមកហើយ។ រហូតមកដល់រសៀលថ្ងៃទី២៤ មិថុនា ជនសង្ស័យជាប្អូនថ្លៃត្រូវបាននាំមកកាន់ស្នងការដ្ឋាននគរបាលខេត្ត ដើម្បីចាត់ការតាមច្បាប់ ៕
ចែករំលែកព័តមាននេះ