ខេត្តស្វាយរៀង ៖ យួន១០នាក់រកស៊ីនាំភ្ញៀវចូលកាស៊ីណូ៨៨៨សំរោង នៅឃុំសំរោង ស្រុកចន្ទ្រា ត្រូវបានក្រុមសន្តិសុខ និងថៅកែកាស៊ីណូខាងលើចាប់ខ្លួនឱ្យសមត្ថកិច្ចចោទប្រកាន់ពីបទរំលោភសេចក្តីទុកចិត្ត កាលពីថ្ងៃទី២៤ មិថុនា ២០១៣ វេលាម៉ោង៤រសៀល។
ប្រភពព័ត៌មានបន្តថា យួនទាំង១០នាក់នេះ រកស៊ីនាំភ្ញៀវចូលកាស៊ីណូដោយយកកម្រៃជើងសារ ហើយបានក្លែងបន្លើសចំនួនភ្ញៀវដែលនាំបានជាក់ស្តែង អស់រយៈពេលជាង២ខែមកហើយ ។ ករណីនេះដើមបណ្តឹងបញ្ជាក់ថា ទឹកប្រាក់ក្លែងបន្លំទាំងអស់ប្រហែលជាង៣ម៉ឺនដុល្លារ ។
ពេលនេះការិយាល័យព្រហ្មទណ្ឌកម្រិតស្រាលនៃស្នងការនគរបាលខេត្តបានកសាងសំណុំរឿងបញ្ជូនជនសង្ស័យទាំងនោះទៅការិយាល័យអន្តាប្រវេសន៍ដើម្បីចាត់ការបន្ត ។
នាវេលាម៉ោង១២និង៣៧នាទីថ្ងៃត្រង់ថ្ងៃទី២៥ មិថុនា ២០១៣ នេះមន្ត្រីជំនាញកំពុងសាកសួរជនសង្ស័យទាំង១០នាក់ ហើយពួកគេបានសារភាពថា បានប្រព្រឹត្តដូចបទចោទមែន ។ ប៉ុន្តែចំពោះចំណាត់ការបន្តយ៉ាងណានោះគេពុំទាន់សម្រេចបែបណាទេ ៕
ចែករំលែកព័តមាននេះ