ខេត្តស្វាយរៀង៖ សាលាដំបូងខេត្តស្វាយរៀងនៅព្រឹកថ្ងៃទី២៥ មិថុនា បានប្រកាសសាលក្រមសំណុំរឿងលោកឈូក បណ្ឌិត អតីតអភិបាលក្រុងបាវិត ដែលជាប់ចោទពីបទបា.ញ់កម្មការិនី៣នាក់ឲ្យរងរបួសធ្ងន់ស្ទើរអស់ជីវិត ខណៈកម្មកររងគ្រោះកំពុងធ្វើបាតុកម្មកាលពីព្រឹកថ្ងៃទី២០ កុម្ភៈ ២០១២ នៅរោងចក្រកៅវ៉េ ក្នុងតំបន់សេដ្ឋកិច្ចពិសេសក្រុងបាវិត ។
ខេត្តស្វាយរៀង៖ សាលាដំបូងខេត្តស្វាយរៀងនៅព្រឹកថ្ងៃទី២៥ មិថុនា បានប្រកាសសាលក្រមសំណុំរឿងលោកឈូក បណ្ឌិត អតីតអភិបាលក្រុងបាវិត ដែលជាប់ចោទពីបទបាញ់កម្មការិនី៣នាក់ឲ្យរងរបួសធ្ងន់ស្ទើរអស់ជីវិត ខណៈកម្មកររងគ្រោះកំពុងធ្វើបាតុកម្មកាលពីព្រឹកថ្ងៃទី២០ កុម្ភៈ ២០១២ នៅរោងចក្រកៅវ៉េ ក្នុងតំបន់សេដ្ឋកិច្ចពិសេសក្រុងបាវិត ។
សាលក្រមនេះធ្វើឡើងចាប់ពីម៉ោង៩ រហូតដល់ម៉ោង៩និង១៥នាទីព្រឹកទើបបញ្ចប់ ដោយមានចៅក្រមលោកលាង សួរ និងតំណាងអយ្យការលោកកៀង សុទ្ទរោ សម្រេចផ្តន្ទាទោសលោកឈូក បណ្ឌិត ដាក់ពន្ធនាគារ១ឆ្នាំ៦ខែ សងសំណងរដ្ឋប្បវេណីដល់ជនរងគ្រោះចំនួន៣៨លានរៀល និងចេញដីកាតាមចាប់ខ្លួន។ ចំណែកស ចន្ថា អធិការរងនគរបាលក្រុងបាវិត ដែលជាប់ចោទពីបទប្រើប្រាស់អាវុធខុសច្បាប់ សម្រេចដាក់ពន្ធនាគារ៦ខែ និងបង់ប្រាក់ចូលរដ្ឋចំនួន១លានរៀល ។ សូមបញ្ជាក់ថាការប្រកាសសាលក្រមនេះ មិនមានវត្តមានលោកឈូក បណ្ឌិត និងមេធាវីនោះឡើយ ។
កម្មការិនី៣នាក់ដែលរងគ្រោះដោយសារគ្រាប់កំាភ្លើង ដែលគេអះអាងថាជាគ្រាប់កំាភ្លើងរបស់លោក ឈូក បណ្ឌិតនោះឈ្មោះប៊ុត ចិន្តា , នុត សុខន និង កែវ នា ៕
ចែករំលែកព័តមាននេះ