ខេត្តកណ្តាល ៖ ពិធីសម្ពោធឧបដ្ឋានសាលាមួយខ្នង និងសមិទ្ធផលនានាក្នុងវត្តមជ្ឈឹមវ័នសម្រាប់ដាក់ឱ្យប្រើប្រាស់ជាផ្លូវការតាមពុទ្ធាអនុញ្ញាត កាលពីវេលាម៉ោង៨ និង៣០នាទីព្រឹកថ្ងៃទី២៥ មិថុនា ២០១៣ នេះ ស្ថិតក្នុងភូមិបឹងកណ្តាល ឃុំខ្ទបអាទាវ ស្រុកលើកដែក ក្រោមអធិបតីភាពលោកជំទាវឃួន សុដារី សមាជិកាគណៈអចិន្ត្រៃយ៍ គណៈកម្មាធិការគណបក្សប្រជាជនកម្ពុជា អនុ
ខេត្តកណ្តាល ៖ ពិធីសម្ពោធឧបដ្ឋានសាលាមួយខ្នង និងសមិទ្ធផលនានាក្នុងវត្តមជ្ឈឹមវ័នសម្រាប់ដាក់ឱ្យប្រើប្រាស់ជាផ្លូវការតាមពុទ្ធាអនុញ្ញាត កាលពីវេលាម៉ោង៨ និង៣០នាទីព្រឹកថ្ងៃទី២៥ មិថុនា ២០១៣ នេះ ស្ថិតក្នុងភូមិបឹងកណ្តាល ឃុំខ្ទបអាទាវ ស្រុកលើកដែក ក្រោមអធិបតីភាពលោកជំទាវឃួន សុដារី សមាជិកាគណៈអចិន្ត្រៃយ៍ គណៈកម្មាធិការគណបក្សប្រជាជនកម្ពុជា អនុប្រធានទី២នៃរដ្ឋសភាជាតិ អនុប្រធាននៃគណៈពង្រឹងមូលដ្ឋានខេត្តកណ្តាល និងជាប្រធានគណៈពង្រឹងមូលដ្ឋានចុះជួយស្រុកលើកដែក ។
នៅក្នុងពិធីនោះដែរ ក៏មានការអញ្ជើញចូលរួមអមដំណើរពីលោកអ៊ុក ដាមរី ប្រធានគណពង្រឹងមូលដ្ឋានចុះជួយឃុំខ្ទបអាទាវ និងលោកជំទាវហេ ឡែន អ៊ុក ដាមរី ប្រធាន និងអនុប្រធានក្រុមការងារគណៈពង្រឹងថ្នាក់ខេត្ត-ស្រុក-ឃុំ, មន្ត្រីរាជការគ្រប់ស្ថាប័ន, ព្រះសង្ឃ លោកគ្រូ អ្នកគ្រូ សិស្សានុសិស្សចំនួន១០៥០នាក់ ។
សមិទ្ធផលនានាដែលទើបសាងសង់រួចនេះ ចំណាយថវិកាសរុបអស់ចំនួន២៩.៥៥០០ដុល្លារអាមេរិក ។ នៅក្នុងនោះ ក៏បាននាំយកអំណោយជាថវិកាកសាងចំនួន១០លានរៀល, ប្រគេនបច្ច័យព្រះចៅអធិការ៤០ម៉ឺនរៀល និងសាដក១, ព្រះសង្ឃ១០ម៉ឺនរៀល និងសាដក១, សាលាឃុំខ្ទបអាទាវ៥០ម៉ឺនរៀល, កងកម្លាំងទាំង៣ស្ថាប័ន៥០ម៉ឺនរៀល, យុវជនកាកបាទក្រហមក្នុងម្នាក់ៗ១ម៉ឺនរៀល, យុវជនកាយប្ញទ្ធិម្នាក់ៗ១ម៉ឺនរៀល, លោកគ្រូ អ្នកគ្រូ២ម៉ឺនរៀល, យាយជីតាជី១ម៉ឺនរៀល និងក្រណាត់១ដុំ, នារីកាន់ខ្សែ២០ម៉ឺនរៀល និងប្រគេនទានវស្សា២គូ ទេយ្យវត្ថុ និងថវិកាមួយចំនួនប្រគេនដល់ព្រះសង្ឃផងដែរ ៕
ចែករំលែកព័តមាននេះ