បន្ថែមលើសេវាកម្មល្អស្រាប់ អ្នកទំនួលខុសត្រូវខ្ពស់របស់ក្រុមហ៊ុនអាកាសចរាចរណ៍ Air Asia លោក Tassapon Bijleveld ដែលមានបទពិសោធន៍គ្រប់គ្រងក្រុមហ៊ុននេះ១០ឆ្នាំហើយនោះបានលើកឡើងជាការផ្តល់ទំនុកចិត្តថ្មីទៀតដល់អតិថិជន (ភ្ញៀវទេសចរ) ថា ភាពជោគជ័យដ៏ធំកន្លងមក និងបច្ចុប្បន្នភាពរបស់ Air Asia គឺចំណាត់ការរបស់យើងប្រើប្រាស់នូវសេវាសាមញ្ញ,
បន្ថែមលើសេវាកម្មល្អស្រាប់ អ្នកទំនួលខុសត្រូវខ្ពស់របស់ក្រុមហ៊ុនអាកាសចរាចរណ៍ Air Asia លោក Tassapon Bijleveld ដែលមានបទពិសោធន៍គ្រប់គ្រងក្រុមហ៊ុននេះ១០ឆ្នាំហើយនោះបានលើកឡើងជាការផ្តល់ទំនុកចិត្តថ្មីទៀតដល់អតិថិជន (ភ្ញៀវទេសចរ) ថា ភាពជោគជ័យដ៏ធំកន្លងមក និងបច្ចុប្បន្នភាពរបស់ Air Asia គឺចំណាត់ការរបស់យើងប្រើប្រាស់នូវសេវាសាមញ្ញ, ការហោះហើរកម្រិតតម្លៃទាប, យន្តហោះត្រូវត្រួតពិនិត្យគ្រប់ពេលវេលា និងផ្លាស់ប្តូរទៅតាមភាពទំនើប, គិតពីសុវត្ថិភាពភ្ញៀវទេសចរជាប្រចាំ ។
ឆ្លើយតបនឹងសំណួរថា តើ Air Asia មានយុទ្ធសាស្ត្រអ្វីខ្លះក្នុងទីផ្សារហោះហើរ និងផ្តល់ទំនុកចិត្តដល់អតិថិជននោះ អគ្គនាយកក្រុមហ៊ុនអាកាសចរណ៍ Air Asia លោក Tassapon Bijleveld មានប្រសាសន៍ថា ក្រៅពីសេវាងាយស្រួល, តម្លៃទាប, និងសុវត្ថិភាព យើងត្រូវដោះស្រាយទិញយន្តហោះបន្ថែមអភិវឌ្ឍទៅតាមភាពស៊ីវិល័យនៃសម័យកាល ពោលគឺរយៈពេល១២ឆ្នាំត្រូវប្តូរយន្តហោះថ្មី និងចេញដំណើរលឿនមិនរ៉ែរ៉បង្អែបង្អង់។ គ្រប់យន្តហោះ Air Asia ត្រូវបានត្រួតពិនិត្យជាប្រចាំ, អ្នកបើកបរ (អាកាសយានិក) នីមួយៗត្រូវបានកំណត់ពេលវេលាជាប្រចាំចូលវគ្គស្រាវជ្រាវ-សិក្សាពីលំហាត់បើកបរ ព្រមទាំងបង្កើតកម្មវិធីសប្បាយភាពជាច្រើនទាំងនៅលើយន្តហោះ ទីកន្លែងទេសចរណ៍ ។
សម្រាប់ប្រទេសកម្ពុជា Air Asia បញ្ចេញជើងហោះហើរជារៀងរាល់ថ្ងៃក្នុងមួយថ្ងៃ២ជើងទៅកាន់ក្រុងបាងកក ហើយជើងហោះហើរថ្មីទៀតត្រៀមនឹងដំណើរការនៅថ្ងៃទី១ សីហា ២០១៣ គឺពីភ្នំពេញទៅកូឡាឡាំពួរ និងពីសៀមរាបទៅកូឡាឡាំពួរ ហោះហើរជារៀងរាល់ថ្ងៃ។ ជាការចូលរួមចំណែកអភិវឌ្ឍន៍វិស័យទេសចរណ៍នៅកម្ពុជា លោក Tassapon Bijleveld បានសំណូមពរដល់រាជរដ្ឋាភិបាលថា សូមរៀបចំតំបន់ទេសចរណ៍ឱ្យបានល្អ និងច្រើនកន្លែង ជាពិសេសភោជនីយដ្ឋាន សណ្ឋាគារកម្រិតស្តង់ដា និងឈ្មោះ ឬម៉ាកល្បីៗ ទើបទេសចរបរទេសចាប់អារម្មណ៍… ។
ដើម្បីបង្កើនសក្តានុពលលើទីផ្សារហោះហើរ Air Asia បានរៀបចំពិធីលក់បញ្ចុះតម្លៃយ៉ាងមហោឡារិកកាលពីថ្ងៃទី១២ មិថុនា ២០១៣ នៅទីក្រុងបាងកក ប្រទេសថៃ ដោយសហការជាមួយក្រុមហ៊ុន, VISA និងអាជ្ញាធរថៃ ព្រមទាំងមានសន្និសីទកាសែត ដើម្បីផ្សព្វផ្សាយអំពីព្រឹត្តិការណ៍ «លក់បញ្ចុះតម្លៃដ៏អស្ចារ្យ» ក្នុងគោលបំណងជំរុញឱ្យមានកំណើនទេសចរក្នុងឆ្នាំនេះ និងផ្សព្វផ្សាយអំពីកម្មវិធីៗសប្បាយរីករាយ គឺព្រឹត្តិការណ៍ “sky dance ឬការរាំលើវេហាស៍” នៅលើជើងហោះហើររបស់ Air Asia តែម្តង។
អាជ្ញាធរទេសចរណ៍ថៃ (TAT) បានពន្យល់ថា ព្រឹត្តិការណ៍លក់បញ្ចុះតម្លៃនេះ ត្រូវបានបង្កើតឡើងដើម្បីបន្តជំរុញកំណើនទេសចរក្នុងប្រទេសថៃ ពីថ្ងៃទី១៥ មិថុនា ដល់១៥ សីហា ជារៀងរាល់ឆ្នាំ ។ សម្រាប់រយៈពេល២ខែពេញនេះ ក្រុមហ៊ុនឈានមុខនានា និងបណ្តាក្រុមហ៊ុនលក់រាយជាង១៥.០០០បានចាប់ដៃគ្នា ដើម្បីផ្តល់ជូនការបញ្ចុះតម្លៃរហូតដល់៨០% សម្រាប់អ្នកធ្វើដំណើរនៅតំបន់ចំនួន៧ រួមមានបាងកក ឈៀងម៉ៃ ហាត់យ៉ៃ ភូកេត ផាតាយ៉ា ហួហ៊ីន និងកោះសាមុយ ។
សូមរំលឹកថា កាលពីឆ្នាំ២០១២ ប្រទេសថៃបានស្វាគមន៍ភ្ញៀវទេសចរសរុបជាង២២លាននាក់ ជាពិសេសក្នុងអំឡុងខែមិថុនា ដល់សីហា ដែលស្របគ្នានឹងព្រឹត្តិការណ៍ «លក់បញ្ចុះតម្លៃដ៏អស្ចារ្យនៅប្រទេសថៃ» នេះ ។ ជាមួយនឹងអ្នកធ្វើដំណើរជាង៣,៦លាននាក់មកកាន់ប្រទេសថៃ អំឡុងនៃការលក់បញ្ចុះតម្លៃនោះនាំឱ្យមានកំណើនប្រមាណជាង១៦% រៀងរាល់ឆ្នាំ ហើយការលក់ផលិតផលពីការចូលរួមរបស់ក្រុមហ៊ុននានានេះ មានចំណូលសរុបប្រមាណ២៥ពាន់លានបាត ដែលបានបង្ហាញពីជោគជ័យត្រចះត្រចង់មួយសម្រាប់គម្រោងនេះ ។
Air Asia ជាក្រុមហ៊ុនអាកាសចរណ៍ធំជាងគេបំផុតរបស់ប្រទេសថៃ បានចាប់ផ្តើមដំណើរការដោយផ្តល់ជូនតម្លៃទាប និងគ្មានការបូកបន្ថែមចាប់តាំងពីខែកុម្ភៈ ឆ្នាំ២០០៤ ។ ក្រុមហ៊ុនអាកាសចរណ៍ដែលមានមូលដ្ឋាននៅទីក្រុងបាងកកមួយនេះ បច្ចុប្បន្នបើកការហោះហើរទៅកាន់ទិសដៅក្នុងស្រុកចំនួន១២ និងទិសដៅអន្តរជាតិចំនួន១៨ ជាមួយនឹងយន្តហោះប្រភេទ Airbus A320 ថ្មីៗចំនួន២៩គ្រឿង ។ គិតមកដល់ពេលនេះ Air Asia ដឹកជញ្ជូនអ្នកដំណើរបានជាង៤២លាននាក់ហើយពីមណ្ឌលទាំងពីររបស់ខ្លួននៅទីក្រុងបាងកក និងភូកេត។ ជាមួយគ្នានេះបុគ្គលិក Air Asia All-stars ជាង២.៣០០នាក់ បានជួយឱ្យ Air Asia ទទួលបានជោគជ័យយ៉ាងត្រចះត្រចង់ក្រោមការដឹកនាំរបស់លោកអគ្គនាយក Tassapon Bijleveld ៕
ចែករំលែកព័តមាននេះ