ខេត្តស្ទឹងត្រែង ៖ សេចក្តីរាយការណ៍បឋមឱ្យដឹងថា ប៉ូលិសគ្រឿងញៀនម្នាក់បើករថយន្តម៉ាកកាមរីបា ឡែនដេញតាមរថយន្តដឹកឈើមួយគ្រឿងសង្ស័យជម្រិតទារលុយ ហើយក៏បានបាញ់រថយន្តនោះបង្កការផ្អើលដល់កម្លាំងអាវុធហត្ថខេត្តស្ទឹងត្រែងនិងខេត្តក្រចេះបានចោទថា ប៉ូលិសនោះបានបង្កដោយបាញ់បោះសេរី ហើយខណៈបម្រុងឃាត់ខ្លួនយកទៅសួរនាំ ស្រាប់តែប៉ូលិសរូបនោះ បានរត់គេចចូលព្រៃបាត់…
ខេត្តស្ទឹងត្រែង ៖ សេចក្តីរាយការណ៍បឋមឱ្យដឹងថា ប៉ូលិសគ្រឿងញៀនម្នាក់បើករថយន្តម៉ាកកាមរីបា
ឡែនដេញតាមរថយន្តដឹកឈើមួយគ្រឿងសង្ស័យជម្រិតទារលុយ ហើយក៏បានបាញ់រថយន្តនោះបង្កការផ្អើលដល់កម្លាំងអាវុធហត្ថខេត្តស្ទឹងត្រែងនិងខេត្តក្រចេះបានចោទថា ប៉ូលិសនោះបានបង្កដោយបាញ់បោះសេរី ហើយខណៈបម្រុងឃាត់ខ្លួនយកទៅសួរនាំ ស្រាប់តែប៉ូលិសរូបនោះ បានរត់គេចចូលព្រៃបាត់ ។ហេតុការណ៍ខាងលើនេះ កើតឡើងនៅវេលាម៉ោងប្រមាណ០៦ និង៣០នាទីយប់ថ្ងៃទី០៤ ធ្នូ ស្ថិតត្រង់ចំណុចជិតអូរច្រឡង់ ជាប់ព្រំប្រទល់ខេត្តស្ទឹងត្រែងនិងខេត្តក្រចេះ ក្នុងភូមិអូរកណ្ដៀរថ្មី ស្រុកសំបូរ។
បើតាមសំដីស្ត្រីម្នាក់ជាម្ចាស់រថយន្តបាននិយាយថា រថយន្តគាត់មានដឹកទ្វារបង្អួចឈើកែច្នៃ ចេញពីទឹកដីខេត្តរតនគីរី ឆ្លងកាត់ទឹកដីខេត្តស្ទឹងត្រែង និងបានរត់ការសមត្ថកិច្ចតាមគោលដៅរួចរាល់អស់ហើយ ។ ប៉ុន្តែបន្ទាប់ពីធ្វើចរាចរណ៍ មកដល់ចំណុចអូរពងមាន់ក៏ឃើញរថយន្តកាមរីបាឡែនពណ៌.ស ដែលជារបស់ប៉ូលិសគ្រឿងញៀនរូបនោះ ឈ្មោះរឿន ផល្លា (ដែលគាត់បានរត់ការរួចហើយ) តែសង្ស័យច្រឡំរថយន្តផ្សេងទៀតដែលមិនបានរត់ការ ទើបលោកប៉ូលិសនោះបានដេញរថយន្តរបស់គាត់រហូតចូលទឹកដីក្រចេះ ប្រមាណជាងមួយគីឡូម៉ែត្រ និងបានបាញ់ជាច្រើនគ្រាប់ ធ្វើឱ្យរថយន្តបែកកង់ទៅមុខលែងរួច ។
ស្ត្រីរូបនោះបន្តទៀតថា បន្ទាប់ពីមានការបាញ់បោះរួចមក បានធ្វើឲ្យមានការភ្ញាក់ផ្អើលដល់កម្លាំងអាវុធហត្ថស្នាក់ការភ្នំក្រហម និងអាវុធហត្ថខេត្តក្រចេះ ចុះមកដល់កន្លែងកើតហេតុចោទថា បាញ់បោះសេរីបម្រុងចាប់ឃាត់ខ្លួនយកទៅសួរនាំ តែប៉ូលិសរូបនោះបានយកលេសថា និយាយទូរស័ព្ទជាមួយមេ ហើយដើរទៅកៀនផ្ទះអ្នកភូមិ ហើយក៏បានរត់គេចខ្លួនចូលព្រៃបាត់តែម្តង។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ