ខណៈពេលចូលរួមក្នុងពិធី 21st Century Financial Education Summit កាលពីពាក់កណ្តាលខែមិថុនា ២០១៣ Arnold តារាល្បីខាងបា.ញ់ប្រហារ និងវាយប្រយុទ្ធរបស់អាមេរិកបាននិយាយថា បន្ទាប់ពីរវល់កិច្ចការរដ្ឋការដឹកនាំ និងគ្រប់គ្រងជាអភិបាលរដ្ឋនោះ លោកនឹងបង្ហាញខ្លួនជាថ្មីក្នុងរឿង “Terminator 5” ដែលជារឿងបែបប្រយុទ្ធបា.ញ់ប្រហារ នឹងត្រូវថតឆាប់ៗនេះបំពេញ
ខណៈពេលចូលរួមក្នុងពិធី 21st Century Financial Education Summit កាលពីពាក់កណ្តាលខែមិថុនា ២០១៣ Arnold តារាល្បីខាងបាញ់ប្រហារ និងវាយប្រយុទ្ធរបស់អាមេរិកបាននិយាយថា បន្ទាប់ពីរវល់កិច្ចការរដ្ឋការដឹកនាំ និងគ្រប់គ្រងជាអភិបាលរដ្ឋនោះ លោកនឹងបង្ហាញខ្លួនជាថ្មីក្នុងរឿង “Terminator 5” ដែលជារឿងបែបប្រយុទ្ធបាញ់ប្រហារ នឹងត្រូវថតឆាប់ៗនេះបំពេញបំណងទស្សនិកជន ។
កំពូលតារាល្បីលេងរឿងរន្ធត់បែបវាយប្រយុទ្ធ និងជាអតីតអភិបាលរដ្ឋកាលីហ្វ័រនីញ៉ា ដែលមានវ័យហាក់ចំណាស់ទៅហើយរូបនេះ បានបញ្ជាក់ថា រឿងថ្មីនឹងចាប់ផ្តើមថតនៅខែមករា ឆ្នាំ២០១៤ ដែលលើកនេះលោកនឹងដើរតួជាតួអង្គមនុស្សយន្តចិត្តល្អ ចេះជួយអ្នកដទៃខុសពីពេលមុនដែលលោកបានដើរតួជាមនុស្សអាក្រក់ក្នុងរឿងដដែលនេះកាលពីវគ្គទី១ ក្នុងឆ្នាំ១៩៨៤ ។ ទោះបីជាលោកមានវ័យចំណាស់បន្តិចមែន ប៉ុន្តែឈុតឆាកវាយប្រយុទ្ធក្នុងរឿងនេះវាមិនមែនជាបញ្ហាទេ សម្រាប់រូបលោក ពីព្រោះលោកនៅរឹងប៉ឹងនៅឡើយ ដោយសារតែលោកហាត់ប្រាណជារៀងរាល់ថ្ងៃ ដូច្នេះវាធ្វើឱ្យរាងកាយលោករឹងមាំអាចទ្រាំទ្របាន ។
គួរបញ្ជាក់ថា កំពូលតារាល្បីអាមេរិកខាងបាញ់ប្រយុទ្ធវាយប្រយុទ្ធ Arnold ធ្លាប់បានថតរឿង “Terminator” នេះ៣វគ្គរួចមកហើយ ដោយវគ្គទី១ ថតកាលពីឆ្នាំ១៩៨៤ ហើយរឿងទាំង៣វគ្គនេះ រកប្រាក់ចំណូលបានច្រើនជាង១ពាន់លានដុល្លារឯណោះ ធ្វើឱ្យ Arnold ទទួលបានការគាំទ្រយ៉ាងខ្លាំងពីអ្នកទស្សនា និងក្លាយជាតារាល្បីរបស់អាមេរិក ដែលនៅប្រទេសកម្ពុជា មនុស្សភាគច្រើនក៏ស្គាល់មុខ Arnold ដែរ ៕
ចែករំលែកព័តមាននេះ