ខេត្តកំពង់ស្ពឺ ៖ កងរាជអាវុធហត្ថស្នាក់ការសន្តិសុខ៥៥១ បានចាប់ខ្លួនបុរសពីរនាក់បញ្ជូនទៅកាន់បញ្ជាការដ្ឋានកងរាជអាវុធហត្ថខេត្ត ខណៈពេលដែលរូបគេទាំងពីរនាក់កំពុងធ្វើសកម្មភាពចែកចាយគ្រឿងញៀន កាលពីវេលាម៉ោង៩យប់ ថ្ងៃទី២០ មិថុនា នៅក្នុងភូមិក្រាំងពន្លៃ ឃុំវាំងចាស់ ស្រុកឧដុង្គ ។ បុរសទាំង២នាក់នេះម្នាក់ឈ្មោះ សេង បញ្ញា អាយុ២៣ឆ្នាំ មានទីលំនៅក្នុងសង្កាត់
ខេត្តកំពង់ស្ពឺ ៖ កងរាជអាវុធហត្ថស្នាក់ការសន្តិសុខ៥៥១ បានចាប់ខ្លួនបុរសពីរនាក់បញ្ជូនទៅកាន់បញ្ជាការដ្ឋានកងរាជអាវុធហត្ថខេត្ត ខណៈពេលដែលរូបគេទាំងពីរនាក់កំពុងធ្វើសកម្មភាពចែកចាយគ្រឿងញៀន កាលពីវេលាម៉ោង៩យប់ ថ្ងៃទី២០ មិថុនា នៅក្នុងភូមិក្រាំងពន្លៃ ឃុំវាំងចាស់ ស្រុកឧដុង្គ ។ បុរសទាំង២នាក់នេះម្នាក់ឈ្មោះ សេង បញ្ញា អាយុ២៣ឆ្នាំ មានទីលំនៅក្នុងសង្កាត់ព្រែកព្នៅ ខណ្ឌសែនសុខ រាជធានីភ្នំពេញ និងម្នាក់ទៀតឈ្មោះ សុត ពិសិដ្ឋ អាយុ២៦ឆ្នាំ មានទីលំនៅក្នុងឃុំថ្មឥដ្ឋ ស្រុកកំពង់ត្រឡាច ខេត្តកំពង់ឆ្នាំង ។
លោក ព្រីម សោភ័ណ នាយការិយាល័យប្រឆាំងគ្រឿងញៀននៃកងរាជអាវុធហត្ថខេត្តឱ្យដឹងថា ជនសង្ស័យចែកចាយគ្រឿងញៀនទាំងពីរនាក់ខាងលើត្រូវបានលោកវរសេនីយ៍ត្រី អុឹម នាញ ប្រធានស្នាក់ការសន្តិសុខ៥៥១ ចាប់ខ្លួនបញ្ជូនមកការិយាល័យរបស់លោកកសាងសំណុំរឿង និងសាកសួរតាមនីតិវិធីដើម្បីបញ្ជូនទៅសាលាដំបូងខេត្តចាត់ការតាមផ្លូវច្បាប់ ។ ជាមួយនឹងការចាប់ខ្លួននេះ សមត្ថកិច្ចបានដកហូតវត្ថុតាងមានថ្នាំញៀន៤កញ្ចប់តូច និង១កញ្ចប់ធំ ម៉ូតូស្មាស់ ពណ៌ក្រហមលាយខ្មៅ គ្មានស្លាកលេខមួយគ្រឿង ទូរស័ព្ទដៃ៣គ្រឿង និងប្រាក់មួយចំនួន ។ តាមការបញ្ជាក់ពីសមត្ថកិច្ចឱ្យដឹងថា ជនសង្ស័យទាំងពីរនាក់គឺជាមុខសញ្ញាជួញដូរគ្រឿងញៀនដ៏សកម្មនៅតំបន់ខាងលើ ៕
ចែករំលែកព័តមាននេះ