រាជធានីភ្នំពេញ ៖ កម្លាំងនគរបាលបាលប៉ុស្តិ៍ដង្កោ បានធ្វើការចាប់ខ្លួនយុវជនចំនួន៣នាក់ ក្នុងចំណោមគ្នា៤នាក់ ដែលជាប់សង្ស័យថា ជាមុខសញ្ញាធាក់ផ្ដួលអ្នកដំណើរតាមផ្លូវប្លន់យកម៉ូតូយ៉ាងសកម្ម ហើយក្នុងពេលកន្លងមក តែងគេចខ្លួនរួចរហូត។ ដោយឡែកចុងក្រោយនេះ…
រាជធានីភ្នំពេញ ៖ កម្លាំងនគរបាលបាលប៉ុស្តិ៍ដង្កោ បានធ្វើការចាប់ខ្លួនយុវជនចំនួន៣នាក់ ក្នុងចំណោមគ្នា៤នាក់ ដែលជាប់សង្ស័យថា ជាមុខសញ្ញាធាក់ផ្ដួលអ្នកដំណើរតាមផ្លូវប្លន់យកម៉ូតូយ៉ាងសកម្ម ហើយក្នុងពេលកន្លងមក តែងគេចខ្លួនរួចរហូត។ ដោយឡែកចុងក្រោយនេះ ខណៈពេលកំពុងធ្វើសកម្មភាពធាក់ផ្ដួលបុរសម្នាក់ប្លន់យកម៉ូតូ ប៉ុន្តែសំណាងអាក្រក់ត្រូវបានកម្លាំងនគរបាលប៉ុស្តិ៍ដង្កោកំពុងអនុវត្តន៍តាមបទបញ្ជារបស់លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ ល្បាតពួនស្ទាក់បទល្មើសនៅក្នុងមូលដ្ឋាន ប្រទះឃើញក៏បានចាប់ខ្លួនបាន ៣នាក់ ចំណែកម្នាក់ទៀត បានរត់គេចខ្លួនបាត់ស្រមោល។
ការឃាត់ខ្លួននោះបានធ្វើឡើងកាលពី វេលាម៉ោង១យប់រំលងអាធ្រាត្រឈានចូលថ្ងៃទី២៩ ខែវិច្ឆិកា ឆ្នាំ២០១៨ នៅក្នុងភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ។ ជនសង្ស័យខាងលើរួមមាន១,ឈ្មោះ ជិន រ៉ាវី អាយុ១៨ឆ្នាំ មុខរបរជាងឈើ ស្នាក់នៅក្នុងភូមិត្រពាំងថ្លឹង សង្កាត់ចោមចៅ១ ខណ្ឌពធិ៍សែនជ័យ។ ២,ឈ្មោះ ឃឿន លីយ៉ា អាយុ២០ឆ្នាំ មុខរបរមិនពិតប្រាកដ ស្នាក់នៅភូមិព្រៃព្រីង សង្កាត់ចោមចៅ៣ ខណ្ឌពធិ៍សែនជ័យ។ ៣,ឈ្មោះ ធី សុធា អាយុ១៨ ឆ្នាំ មុខរបរ និងស្នាក់នៅមិនពិតប្រាកដ។
មន្ត្រីនគរបាលបានឲ្យដឹងថា នៅវេលាយប់កើតហេតុខាងលើ កម្លាំងនគរបានប៉ុស្តិ៍ដង្កោក្រោមបញ្ជាដោយផ្ទាល់របស់លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ បានល្បាតពួនស្ទាក់បទល្មើសនៅក្នុងមូលដ្ឋាន។ លុះពេលទៅដល់ត្រង់ចំណុចកើតហេតុ ចៃដន្យបានប្រទះឃើញ ក្រុមជនសង្ស័យមានគ្នា៤នាក់កំពុងធ្វើសកម្មភាពជិះម៉ូតូ២គ្រឿង ដេញតាមធាក់ផ្ដួលបុរសម្នាក់ប្លន់យកម៉ូតូ ១គ្រឿង។
ទើបភ្លាមៗនោះកម្លាំងបានដេញតាមចាប់ខ្លួនបាន៣នាក់ និងដកហូតបានម៉ូតូម៉ាកហុងដាឌ្រីម១គ្រឿង និងដំបងដែក១ដើម ចំណែកបក្ខពួកម្នាក់ទៀតបានរត់គេចខ្លួនបាត់ស្រមោល។ បន្ទាប់មកពួកជនសង្ស័យត្រូវបាន នាំខ្លួនទៅសួរនាំនៅអធិការដ្ឋាននគរបាលខណ្ឌដង្កោរង់ចាំការកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមច្បាប់៕
https://youtu.be/48UE3ulFF70
ចែករំលែកព័តមាននេះ