ខេត្តក្រចេះ ៖ ឧបករណ៍ចាប់ត្រីជាច្រើនប្រភេទ ដែលដាក់បិទផ្លូវទឹកនៅតាមបឹង ព្រែក និងអូរនានា ក្នុងក្រុងក្រចេះ ត្រូវបានពលរដ្ឋនដែលបង្កបង្កើនផលស្រូវប្រាំងបានជម្រុញឱ្យអាជ្ញាធរក្រុង ឱ្យចុះរុះរើចោលដើម្បីរំដោះទឹកភ្លៀងហូរចេញបានឆាប់រហ័ស ។ បន្ទាប់ពីជំនន់ទឹកភ្លៀងពីចំហាយព្យុះUSAGA ដែលបានបង្អុរធ្លាក់យ៉ាងគំហុក បង្កទៅជាជំនន់ទឹកភ្លៀងជន់លិចស្រែស្រូវរបស់ពួកគាត់យ៉ាងធ្ងន់ធ្ងរ ។
សកម្មភាពការចុះរើរើឧបករណ៍នេសាទ នៅតាមតំបន់ជួរព្រែក បឹង ស្ទឹងអូរនានា ក្នុងភូមិសាស្ត្រក្រុងក្រចេះ ពីអាជ្ញាធរក្រុងជាមួយ និងពលរដ្ឋជាម្ចាស់ស្រែចម្ការបានធ្វើឡើងនៅថ្ងៃទី២៨ វិច្ឆិកា បន្ទាប់ពីជំនន់ទឹកភ្លៀង ដែលកើតចេញពីចំហាយព្យុះបានបង្អុរធ្លាក់រយៈពេល២យប់១ថ្ងៃ បានបង្កការជន់លិចយ៉ាងធ្ងន់ធ្ងរ។
ពលរដ្ឋបង្កបង្កើនផលស្រូវប្រាំងនៅសង្កាត់រការកណ្តាល សង្កាត់រការកណ្តាល ក្រុងក្រចេះ បានលើកឡើងថា មួយរយៈពេលកន្លងមកនេះ អាកាសធាតុនៅខេត្តក្រចេះ បានជួបនូវកូនរដូវប្រាំងមួយដែលបានអូសបន្លាយពេលយូរ បានធ្វើឲ្យស្រូវប្រាំងរបស់ពួកគាត់មានភាពប្រឈមទៅនិងការខ្វះទឹកប្រើប្រាស់ ។ ដោយសណ្ឋានដីស្រែប្រាំងដែលពួកគាត់ ទើបតែសាបព្រោះត្រូវស្ងួតបែកក្រហែង។
ប្រជាកសិករទាំងនោះបានលើកឡើងទៀតថា ក្នុងអំឡុងពេល២ថ្ងៃមុននេះ ខេត្តក្រចេះទទួលជ្រលងសម្ពាធទាបពីចាំហាយព្យុះ ដែលបានបង្អុរទឹកភ្លៀងយ៉ាងក្រាស់ក្រែលធ្វើឱ្យជន់លិចដំណាំស្រែស្រូវរបស់ពួកគាត់ធ្វើឲ្យពួកគាត់មានការបារម្ភពីការបាត់ទិន្នផលឆ្នាំនេះ។
ពលរដ្ឋដែលជាម្ចាស់ស្រែស្រូវទាំងនោះ បានលើកឡើងទៀតថា នៅពេលជំនន់ទឹកភ្លៀង បានជន់លិចយូរ គឺនិងអាចធ្វើឲ្យស្រូវរបស់ពួកគាត់ប្រឈមនិងការរលួយ ឬស ម្លោះពួកគាត់សម្រេចនាំគ្នាជម្រុញឲ្យអាជ្ញា
ធរចុះរុះរើរបាំងព្រួល និងស្បៃចាប់ត្រូវ ដែលដាក់ បាំងទឹកព្រែក និងអូរ ដើម្បីឲ្យរំដោះទឹកហូរបានឆាប់រហ័ស។
ចែករំលែកព័តមាននេះ